AM | RU
USD
EUR
RUB

Պատրաստվում եմ բողոքարկել ձերբակալման որոշումը, քանի որ դա ոչ իրավաչափ է. Երեմ Սարգսյան

 

ԵՐԵՎԱՆ, 27 ՕԳՈՍՏՈՍԻ, Panorama.am: Թեև կազմվել է բերման ենթարկելու արձանագրություն, բայց բերման ենթարկելու հարց չկա, քանի որ Գագիկ Խաչատրյանն առավոտվանից մասնակցում է գործողություններին։ Այս մասին ԱԱԾ շենքի դիմաց լրագրողների հետ ճեպազրույցում հայտարարեց ֆինանսների նախկին նախարար, ՊԵԿ նախկին նախագահ Գագիկ Խաչատրյանի պաշտպանական խմբի անդամ Երեմ Սարգսյանը։

«Ըստ էության, նա տեղյակ էր առաջին իսկ որոշումից՝ թե ինչ է գրված, բովանդակությունը պարզ էր, այսինքն՝ այս ամբողջ ընթացքում ազատ է եղել և իր կամքով է ներկայացել։ Սա ես չեմ համարում բերման ենթարկել, չնայած նման արձանագրություն է կազմվել»,- ասաց փաստաբանը։

Երեմ Սարգսյանը նշեց, որ առավոտվանից խուզարկություններ են կատարվել Խաչատրյանի բնակության վայրում և Ծաղկաձորում: «Իմ գնահատմամբ, այնպիսի առարկաներ չկային, որ կարող էր գործի համար էական նշանակություն ունենար կամ դրանք ոչ օրինական էին։ Միայն հայտնաբերել են օրինական զենքեր, որոնք առգրավվել են»,- ասաց փաստաբանը։

Նա նաև ընդգծեց, որ իրավապահները գործի համար նշանակություն ունեցող փաստաթղթեր են որոնել, սակայն այդպիսի փաստաթղթեր չկան:

Երեմ Սարգսյանը նշեց, որ իր պաշտպանյալին վերաարվում է մեղադրանք՝ 2010, 2016 թվականին ՊԵԿ նախագահի պաշտոնում թույլ տված ենթադրյալ արարքի համար. «Ինձ համար ակնհայտ է, որ չի կարող ձերբակալություն լինել 2010 թվականի ինչ-որ դեպքի հետ կապված»։

Նա նաև ասաց, որ Գագիկ Խաչատրյանը 2019 թվականին իրավապահների կանչով, կիսատ թողնելով Գերմանիայում իր բուժումը, վերադարձել է Հայաստան՝ տեղյակ լինելով, որ իր վերաբերյալ գործ է քննվում։ «Եթե նա փախուստի նպատակ ունենար, Գերմանիայում բուժումը կիսատ չէր թողնի և չէր վերադառնա: Ավելին, ՀՔԾ-ում քրեական գործով խափանման միջոց կա արդեն 6 ամիս ստորագրություն չբացակայելու մասին»,- նշեց փաստաբանը։

Երեմ Սարգսյանի խոսքով՝ կա որոշակի հանգամանք, որ ՊԵԿ ինչ-որ աշխատակիցներ գործի չեն հաճախել, բայց աշխատավարձ են ստացել, հիմա հարց է ծագում, թե Գագիկ Խաչատրյանն ինչ կապ ունի դրա հետ, քանի որ դա մի ամբողջ համակարգի է վերաբերում:

Դիտարկմանը, թե արդյոք այդ գումարները կհասնեին միլիոնավոր դոլարների՝ ինչպես նշել էր ԱԱԾ տնօրենը, փաստաբանն ասաց՝ եթե խոսում են ՊԵԿ աշխատակիցների աշխատավարձի մասին, բնականաբար, տասնյակ միլիոնավոր դոլարների մասին չեն կարող խոսել. «Քրգործը բազմածավալ է, շատ տվյալներ դեռ հայտնի չեն, քանի որ նախաքննությունը գաղտնի է»։

Երեմ Սարգսյանը հայտնեց, որ փաստաբանական թիմը պատրաստվում է բողոքարկել ձերբակալման որոշումը, քանի որ դա ոչ իրավաչափ է:

Հիշեցնենք, որ ԱԱԾ-ն այսօր հայտարարեց՝ ԱԱԾ քննչական դեպարտամենտում դեռևս 2019 թվականի փետրվարի 2-ին հարուցված քրեական գործի շրջանակներում տևական ժամանակ ձեռնարկված լայնածավալ օպերատիվ-հետախուզական միջոցառումների և քննչական գործողությունների արդյունքում ձեռք բերված փաստական տվյալների հիման վրա, 2019 թվականի օգոստոսի 27-ին խուզարկություններ են կատարվել ՀՀ պետական եկամուտների կոմիտեի նախկին նախագահ, ՀՀ ֆինանսների նախկին նախարար Գագիկ Խաչատրյանի, ինչպես նաև վերջինիս հետ փոխկապակցված մի շարք անձանց առանձնատներում և բնակարաններում։

Խուզարկությունների ավարտից հետո, Գագիկ Խաչատրյանը և Կարեն Խաչատրյանը (ՀՀ ՊԵԿ նախկին բարձրաստիճան պաշտոնյա) ՀՀ քրեական օրենսգրքի 308-րդ հոդվածի 2-րդ մասով և 179-րդ հոդվածի 3-րդ մասի 1-ին կետով նախատեսված հանցագործությունների (ծանր հետևանքների առաջացմամբ զուգորդված պաշտոնեական դիրքի չարաշահում և առանձնապես խոշոր չափերով գույքի վատնում) կատարման կասկածանքով բերման են ենթարկվել ՀՀ ԱԱԾ քննչական դեպարտամենտ և ձերբակալվել։ Նախաքննությունը շարունակվում է։

Լրահոս
«Կարկառ» ճամբարում տեղի է ունեցել «Ձյուդոն բաց երկնքի տակ» խորագրով փառատոնի բացման արարողությունը Մոսկովյան դատարանը հրապարակել է հայ գործարարին սպանողների դատավճիռը Հրավառությունից հետո այրվում է Հաղթանակի զբոսայգու հարակից տարածքը Հոկտեմբերի 21-ի հոսանքազրկումների մասին Զոհասեղանին այլևս մեր պետականության հարցը չէ նույնիսկ, զոհասեղանին դրված է երկրիր ունենալ-չունենալու հարցը Բաքվում ոստիկանությունը ճնշել է մետրոյի կայարանի դիմաց ցույց անցկացնելու փորձը Ռուսաստանում չեն հասկանում, թե ինչ է անում Սիրիայում ԱՄՆ-ը Ահա, թե ինչու էր Արթուր Դավթյանը բաց կապով ինձ զանգել, ու վերացարկվելով իրականությունից, խրոխտ-խրոխտ սպառնում Չեմ համարում, որ ինչ-որ մեկից լավն եմ, եթե պետք է բանտ տանեն՝ պատրաստ եմ, բայց ինձ լռեցնել որևէ մեկը չի կարող. Միհրան Հակոբյան Անծանոթ աղջիկը Հայկ Մարությանին նվիրեց Ռոբերտ Քոչարյանի գիրքը Լուկաշենկոն հիշել է, թե ինչպես են Ելցինի հետ Քլինթոնի ներկայությամբ ծիծաղել նրա վրա Զոհրաբ Մնացականյանը կվկայի Հանրապետության տարածքում ջերմաստիճանը զգալի կնվազի Հայտնի է Արմեն Կարապետյանի պաշտոնանկության պատճառը Գաղտնի ու թաքուն Մեր երկիրը ընկել է անհայրենիք, անհավատ և որևէ սրբություն չունեցող մարդկանց ձեռքը Թովմասյանի դուստրերին ու թոշակառու հորը ԱԱԾ հրավիրելու իրական նպատակը բարոյական ու հոգեբանական ճնշում գործադրելն է Բաքվում կայանալիք ընդդիմության ցույցի պատճառով մետրոյի երեք կայարան է փակվել Հրայր Թովմասյանի փաստաբանական թիմն արձագանքել է ԱԱԾ հայտարարությանը «Հայելու առաջ» հաղորդումը փակելը քաղաքական ճնշման հետևանք է. Սաթիկ Սեյրանյան Շենգավիթի շուկայի աշխատակիցներն այսօր գործադուլ են հայտարարել Թբիլիսիում ուժգին պայթյունի հետևանքով տուժածների թվում հայեր չկան Բակո Սահակյանը ներկա է գտնվել նռան փառատոնին Հուղարկավորության ժամանակ տղամարդը «կենդանացել» է «Թուրքիան վերականգնել է Սիրիայում հրադադարի ռեժիմը». Թրամփ Լիբանանում հակակառավարական ցուցեր են՝ «WhatsApp» հեղափոխություն «Միքայել Համբարձումյանը հանձնարարել է՝ ԵՊՀ-ում փորեն, Միհրան Հակոբյանի վրա ինչ-որ բան գտնեն, մի գործ կարեն». Արթուր Դանիելյան Ռուսաստանում ամբարտակի փլուզման հետևանքով զոհերի թիվը հասել է 13-ի (լուսանկարներ) Ոստիկանների նկատմամբ հարձակում գործած անձիք կալանավորվել են Առաջնագծում հայ դիրքապահների ուղղությամբ արձակվել է շուրջ 1100 կրակոց «Փաստ». Նիկոլ Փաշինյանի վարկանիշն օրեցօր անկում է ապրում «168 ժամ». 3 մլն դրամ աշխատավարձ՝ ոչինչ չանելու համար «Ժողովուրդ». Անելանելի իրավիճակ. պաշտոնի նշանակելու համար մարդ չեն գտնում «Փաստ». Գարեգին Չուգասզյանն օրերս բավականին ուշ ժամի կառավարության շենքում հանդիպում է ունեցել Նիկոլ Փաշինյանի հետ «Հրապարակ». Իշխանությունը լուրջ մրցակից է համարում Վանեցյանին. հաջորդ թիրախը նա լինելու Հայկական «էկզոկմախքի» առաջին քայլերը «Հրապարակ». Ուզում են միանգամից ամբո՞ղջը՝ պառլամենտ, կառավարություն, ՍԴ «168 ժամ»․ «Հպարտ քաղաքացիներն» ու իրավապահ համակարգի դելեգիտիմիզացիան «Ժողովուրդ»․ Ի՞նչ է կատարվում, ով ում է ցանկա­նում վերահսկել ինտերնետ տիրույ­թում «Փաստ». Նախ պետք է իրականացվի «Աշխատի՛ր, կառավարություն» ծրագիրը
Խմբագրի ընտրություն
website by Sargssyan