Ինչո՞վ է զբաղված ՀՀ արտաքին գործերի նախարարը
Նմանատիպ
ԵՐԵՎԱՆ, 02 ՍԵՊՏԵՄԲԵՐԻ, Facebook: Անցյալից փախնելու ու իբր օրիգինալ երևալու մոլուցքը մառազմատիկ հետևանքների է հանգեցնում արդեն: Հատկապես Արցախի հարցում: Հետաքրքիր է, Տեր-Պետրոսյանը, Քոչարյանը և Սարգսյանը ինչու՞ երբեք չէին խոսում Սովետական Ադրբեջանից Արցախի անկախանալու մասին: Կարծում եք ավելի քի՞չ էին հասկանում գործից: Ծիծաղելի կլիներ, եթե այսքան տխուր չլիներ:
ԱԳ նախարարն ընդհանարապես ինչո՞վ է զբաղված: Եթե մեկ ու կես տարվա մեջ Զոհրաբ Մնացականյանը տարրական բաները չի կարողացել բացատրել Նիկոլ Փաշինյանին, ուրեմն պետք է հենց հիմա հրաժարական տա ու գնա ոչխար պահելու: Կամ էլ պարտավոր է վեր կենալ ու հայտարարել, որ իր շեֆն ինչ ասել է, ճիշտ է ասել: Եվ, ընդհանրապես. Փաշինյանի շրջապատում կա՞ իր մասնագիտության հանդեպ հարգանք ունեցող մեկը, որ վեր կկենա ու կհայտարարի` Նիկոլ Փաշինյանը ճիշտ է ասում: Իսկ եթե այս ամենը հերթական թափթփվածության հետևանք չէ, և լրիվ ուրիշ կինոյի սցենար է նախապատրաստվում, ապա դա արդեն այլ խոսակցության, ավելի ճիշտ` գործողության թեմա է:
Հետևեք մեզ նաև Telegram-ում