ՀՀ վարչապետը և կառավարությունը գործարքի են գնում տեռորսիտական կազմակերպության անդամների հետ. Էդուարդ Շարմազանով

ՀՀ վարչապետը և կառավարությունը գործարքի են գնում տեռորսիտական կազմակերպության անդամների հետ. Էդուարդ Շարմազանով

ԵՐԵՎԱՆ, 5 ՍԵՊՏԵՄԲԵՐԻ, Henaran.am: Այս պահին կառավարությունում ընթանում է ՀՀ վարչապետ Նիկոլ Փաշինյանի, «Սասնա Ծռեր» կուսակցության ղեկավար անդամ Ժիրայր Սէֆիլյան և «Սասնա Ծռեր» կուսակցության քաղաքական խորհրդի անդամ Գարեգին Չուգասզյանի հանդիպումը:

Henaran.am-ի հետ զրույցում ՀՀԿ խոսնակ, ԱԺ նախկին փոխխոսնակ Էդուարդ Շարմազանովը անդրադառնալով այս հանդիպմանը ընդգծեց՝ սա պետության վախճանն է:

«Վարչապետի պաշտոնը բռնազավթած Նիկոլ Փաշինյանը հանդիպում է «Սասնա Ծռեր» կուսակցության ղեկավարների հետ: Մի կուսակցության, որի ներկայացուցիչները հարձակում և տեռորիստական ակտ են իրականացրել ՀՀ-ի դեմ: Սա փաստացի նշանակում է, որ ՀՀ վարչապետը և ՀՀ կառավարությունը գործարքի են գնում տեռորսիտական կազմակերպության և տեռորիստական ակտ կատարած մարդկանց հետ, որի անդամները հարձակվել են ՊՊԾ գնդի վրա և սպանել են 3 ոստիկանի: Սա խայտառակություն չէ, սա պետության վախճանն է»,-ասաց մեր զրուցակիցը:

Հետևեք մեզ նաև Telegram-ում