«168 ժամ»․ Արտոնյալները. Կրթության տեսչական մարմնի որակի ապահովման բաժնի պետն ամեն օր աշխատանքի է գնում դիվանագիտական համարանիշերով մեքենայով
Նմանատիպ
«Դիվանագիտական պետհամարանիշերի թեման կրկին հայտնվել է մամուլի ուշադրության կենտրոնում: Ըստ հրապարակումներից մեկի նախորդ իշխանության ներկայացուցիչների կողմից դիվանագիտական անձնագրերից ու պետհամարանիշերից օգտվելու սկանդալից հետո նոր Հայաստանում էլ արտոնյալներ կան:
Խոսքը վերաբերում է Կրթության տեսչական մարմնի որակի ապահովման բաժնի պետ Լիլիթ Մաթևոսյանին, ով, ըստ հրապարակման, աշխատանքի է գնում դիվանագիտական պետհամարանիշերով մեքենայով, ԱԳՆ պետհամարանիշերով մեքենան նրան ամեն օր բերում է աշխատանքի և կայանում հենց տեսչության բակում:
Մեր թղթակիցն Արտաքին գործերի նախարարությունից փորձեց պարզել՝ ինչո՞ւ է Կրթության տեսչական մարմնի որակի ապահովման բաժնի պետ Լիլիթ Մաթևոսյանին սպասարկում ԱԳՆ պետհամարանիշով մեքենա:
Հարցին ի պատասխան՝ ԱԳՆ պետական արարողակարգի ծառայությունից հայտնել են. «ՀՀ ԱԳՆ-ն պետհամարանիշ չունի: Եթե խոսքը «ARM» սերիայի պետհամարանիշերի մասին է, ապա դրանք Հայաստանում օտարերկրյա պատվիրակությունների մասնակցությամբ անցկացվող միջոցառումների ժամանակ տրվում են ավտոմեքենաների վարձակալությունն ապահովող ընկերությանը միջոցառման անցկացման համար վարձակալված բոլոր ավտոմեքենաների համար: ՀՀ ԱԳՆ-ն պետական արարողակարգի ծառայությունից այդ մեքենաների շարժն այցի ծրագրից դուրս չի վերահսկում»»,-գրում է թերթը:
Մանրամասն՝ թերթի այսօրվա համարում:
Հետևեք մեզ նաև Telegram-ում