Թուրքիան զրահատեխնիկա է կուտակում Սիրիայի հետ սահմանին
09/10/2019 12:09
Նմանատիպ
ԵՐԵՎԱՆ, 9 ՀՈԿՏԵՄԲԵՐԻ, Aysor.am: Թուրքիան զրահատեխնիկա է կուտակում Սիրիայի հետ սահմանին: Տեսանյութը տարածել են Anadolu, Ruptly գործակալությունները և RT-ի ալիքը.
Տեսանյութում ներկայացված են M60 տանկեր և M113 զրահափոխակրիչներ: Նաև տեսանկարահանվել է զինվորական շարասյուն՝ Սիրիայի սահմանից մի քանի հարյուր մետր հեռավորության վրա գտնվող Աչակալեե (Սանլիուրֆա նահանգ) մուտքի մոտ:
Տեսանյութում տարբերակվում են զանազան տեսակի զրահատեխնիկա, բանակային բեռնատարներ և հրետանային զենքեր: Ըստ Anadolu- ի՝ շարասյունը բաղկացած է մոտ 130 մեքենայից:
Անցյալ շաբաթ Թուրքիայի նախագահ Ռեջեփ Թայիփ Էրդողանը հայտարարել էր, որ առաջիկա օրերին կարող է որոշում կայացվի Սիրիայի հյուսիսային սահմանային տարածքներից քրդական զինված կազմավորումները դուրս բերելլու վերաբերյալ:
Հետևեք մեզ նաև Telegram-ում