AM | RU
USD
EUR
RUB

Հայկական «էկզոկմախքի» առաջին քայլերը

 

ԵՐԵՎԱՆ, 18 ՀՈԿՏԵՄԲԵՐԻ, Hy.armradio.am: ՏՏ ոլորտի խոշորագույն ու ամենասպասված՝ «ԴիջիԹեք» էքսպո ցուցահանդեսին «Քայլ մեդ» ընկերությունն օրերս ներկայացավ չափազանց կարևոր ձեռքբերումներով։ Հայկական արտադրության էկզոկմախքն ու կանգնակ-սայլակը գրավում էին ցուցահանդեսի գրեթե բոլոր մասնակիցների ուշադրությունը։

Ռադիոլուրի հետ զրույցում «Քայլ մեդ» ընկերության տնօրեն Դավիթ Արսենյանը վստահեցրել է․ «Էկզոկմախքն ու կանգնակ-սայլակը նվազագույնին կհասցնեն ոչ միայն հաշմանդամների, այլև նրանց ընտանիքների հոգսերը»։

Ամեն ինչ սկսվեց ապրիլյան պատերազմից հետո, երբ մի խումբ երիտասարդ կինեզիոլոգներ որոշեցին համախմբվել, գնալ զինվորական հոսպիտալ և օգնել պատերազմի արդյունքում հաշմանդամ դարձած տղաներին։

Մտածում էին՝ որքան շուտ սկսվեն վերականգնողական աշխատանքները, տղաներն այնքան շուտ ոտքի կկանգնեն և արդյունքն ավելի մեծ կլինի՝ պատմում է «Քայլ մեդ» ընկերության տնօրեն Դավիթ Արսենյանը․

«Աշխատում էինք անգամ կոմայով հիվանդների հետ, իհարկե, բժիշկների վերահսկողության ներքո։ Հետո ունեցանք այնպիսի արդյունք, որին չէինք սպասում․ Հովհաննես Պողոսյանի ձախ կիսանգնդի շուրջ 45 տոկոսը հեռացվել էր, շատերն ասում էին, որ չի խոսի և ոչ էլ կքայլի, բայց նա հիմա և՛ քայլում է, և՛ խոսում։ Շատ հետաքրքիր մի դեպք եղավ․ միջանցքում երգում էի «Գետաշենը»։ Երբ մտա Հովհաննեսի սենյակ, ավարտեցի երգը՝ «բազմել ես լեռներին», հանկարծ Հովհաննեսը շարունակեց՝ արծիվների բույնն ես, չքնաղ Գետաշեն»։

Դա այն ժամանակ էր, երբ Հովհաննեսն ընդամենը ձայներ էր հանում կամ էլ մի քանի հնչյուն արտաբերում։ Հետո պարզեցին, որ «Գետաշենը» Հովհաննեսի գնդի երգն էր, որը բանակում երգում էին ամեն առավոտ և անգամ օրվա մեջ մի քանի անգամ։ Նյարդամկանային հիշողությունն էր գուցե աշխատել։

«Դրանից կառչեցինք ու լոգոպետ Անի Մանուկյանն իր համառությամբ պարզապես խոսեցրեց Հովհաննեսին»,-ասում է Դավիթը։

Ապրիլյան պատերազմի հրաշքով փրկվածներից է նաև Դանիել Դավթյանը։ Մինչ Արցախից Երևան հասցնելը մի քանի անգամ սրտի կանգ էր ունեցել։ Դանիելն այսօր քայլում է, խոսում, ապրում։ Այս և մի քանի այլ հաղթանակների մեջ ևս իր բաժինն ուներ երիտասարդ կինեզիոլոգների թիմը։ Ու եկավ թիմին հստակ կարգավիճակ տալու ժամանակը։ 2016-ի սեպտեմբերին ստեղծվեց «Քայլ մեդ» կազմակերպությունը՝ նոր առաքելությամբ․

«Եկավ մի պահ, որ պարզվեց, որ որոշ տղաներ չեն քայլելու։ Այդ մտքի հետ չէինք ուզում հաշտվել, և հենց այդ ժամանակ էլ ծնվեց էկզոկմախք ստեղծելու գաղափարը։ Սկզբում անգամ անունը չգիտեի, բայց համացանցը փորփրելով տեսա, որ գոյություն ունի նման սարք, որը կոչվում է էկզոկմախք, ընդ որում՝ սարսափելի թանկ»։

Հայկական էկզոկմախք ստեղծելու գաղափարն իրականություն դարձնելու նպատակով դիմեցին ճարտարագիտական համալսարանի (ANEL) լաբորատորիա, որն իրականացրեց նախագծի ինժեներական և ծրագրային աշխատանքները։ Կենսաբանական կիրառության ապահովումն ու մեխանիկական կառուցվածքի նախագիծը բժիշկների գործն էր։ Հայկական արտադրության էկզոկմախքի նախնական տարբերակն արդեն իրականություն է։

«Սարքը իրենից ներկայացնում է մարդու քայլքը։ Այն նպաստում է վերջույթների շարժումների բարելավմանը։ Էկզոկմախքը, կարծեք, ապահովում է քայլերի հերթականությունը, մի բան, որը չի կարող անել համապատասխան օրգանի վնասվածք ունեցող մարդը»։

Էկզոկմախքը կարճ ժամանակում օգնում է սովորել պահել հավասարակշռությունը, կարողանում է օգնել կառավարել մարմինը և մարմնի համապատասխան մկաններից վերցրած ազդակների միջոցով գործի է դնում շարժիչները:

Ինչով է հայկական էկզոկմախքը տարբերվում աշխարհում գոյություն ունեցող նման սարքերից. հարցին Դավիթ Արսենյանը արձագանքում է․

«Ես այն անվանել եմ ամենագնաց։ Հայկական սարքը ավելի կոմպակտ է և ֆունկցիոնալ։ Հաշմանդամը սրանով ավելի ինքնուրույն է դառնում»։ Որքանով սարքը կնպաստի քայլելու ֆունկցիայի ամբողջական վերականգնմանը, առայժմ դժվար է ասել, գործնական կիրառության փորձի պակաս կա, բայց այն, որ սարքը կանխելու է նստակյաց վիճակի հետևանքով առաջացող բազմաթիվ հիվանդություններ՝ «Քայլ մեդ»-ի անդամները չեն կասկածում։

Թիմի առաջնային նպատակն է, որպեսզի էկզոկմախքից օգտվելու հնարավորություն ունենա վերականգնողական բուժում ստացող յուրաքանչյուր զինհաշմանդամ կամ հնարավորության բացակայության դեպքում, գոնե ունենալ մի քանի սարք, որոնք կտրամադրվեն անվճար, որոշակի ժամանակահատվածով։

Թիմը հետաքրքիր մեկ այլ առաջարկ էլ ունի՝ ստեղծել կանգնակ-սայլակ, որը ոչ միայն հաշմանադամների, այլև նրանց խնամողների խնդիրները կհասցնի նվազագույնի։

Դավիթ Արսենյանն ասում է, որ սարքերի արտադրությունն իրականացրել են Ամուլսարին հարակից իր հարազատ Գնդեվազ գյուղում։ Հենց այստեղ էլ միտք ունեն ընդլայնելու արտադրությունը։ Զարմանում է, երբ ոմանք ասում են, թե Հայաստանում գործ չկա անելու։

«Գործ կա, գործ անող չկա։ Հենց այս ոլորտում այնքան բան կարելի է անել»,- ասում է։ Դեռ բազմաթիվ ծրագրեր կան հաշմանդամների ու նրանց ընտանիքների կյանքը թեթևացնելու համար։

Ալիսա ԳԵՎՈՐԳՅԱՆ

Լրահոս
Պետք է անհապաղ պահանջել հրապարակել բյուջեի մշակութային տողերի բացվածքը Իրանում մեկ օրով անջատվել է ինտերնետը ՕՐՎԱ ԽՈՐՀՈՒՐԴԸ: Նոյեմբերի 18 Պուտինը մտադիր է այցելել Թուրքիա Երևանում և ևս 7 մարզում էլեկտրաէներգիայի անջատումներ կլինեն «Լիդիան Արմենիա» ընկերությունը դատի է տվել Շրջակա միջավայրի նախարարությանը «Դեղին բաճկոնների» պատճառով Փարիզում փակվել է մետրոյի ավելի քան 20 կայարան Հանրապետությունում ջերմաստիճանը շարունակում է նվազել Իշխանության մյուս թևերն իրավունք չունեն դատարանի կայացրած ակտը քննադատելու. ՍԴ դատավոր Բիլ Գեյսթը կրկին աշխարհի ամենահարուստ մարդն է Կներես մեզ, եղբայր, շեղվել ենք քո գծած գծից, ուրիշ ուղղությամբ ենք գնում, գնում ենք ոչ մի տեղ Բակո Սահակյանը ընդունել է Արթուր Ջավադյանին Վարչապետի գլխավորությամբ տեղի է ունեցել Անվտանգության խորհրդի նիստ Եվս 2 կազմակերպություն միացել է ԿԳՄՍ նախարարի հրաժարականը պահանջող շարժմանը Ադրբեջանը արձակել է ավելի քան 2300 կրակոց ՀՀ-ում իրավունքի և օրենքի գերակայությունն անպայման հաստատվելու է. Արսեն Բաբայան Կապ չունի, թե որ ամսին ես գնում Սևան, եթե դու լողալ չգիտես Մառախուղ՝ Գորիս-«Զանգեր» ավտոճանապարհին Ս. Անդրեաս և Ս. Փիլիպպոս առաքյալների հիշատակության օրն է «Հրապարակ». Երբ չես զբաղվում քաղաքականությամբ «Ժողովուրդ». Ինչո՞ւ տեղական ավիաընկերությունը աֆրիկյան աշխատանքային պայմանները գերադասեց հայկականից «Հրապարակ». ԲՀԿ-ն հրավիրված է եղել, սակայն չի մասնակցել «Հրապարակ». Իշխանությունն ամեն ինչ անում է ԼՀԿ-ի քվեն ստանալու համար «Փաստ». Բազմաթիվ տնտեսական և քաղաքական ռիսկեր կան, իսկ իշխանավորները «թիթեռ են նկարում» «168 ժամ». Հերթական ծառայությունը Վլադիմիր Վլադիմիրովիչին «Փաստ». ՍԴ-ի շուրջ ստեղծված իրավիճակի հարցում իշխանությունը ծանր կացության մեջ է հայտնվել Ես հավատում եմ, որ ուժեղ պետություն կարող ենք ունենալ միայն սեփական դիմագիծը պահելով Ոչ տղամարդու շնորհք կա վրեն, ոչ էլ մարդու. մշակույթ փոխողիս տեսեք ՕՐՎԱ ԽՈՐՀՈՒՐԴԸ: Նոյեմբերի 16 Առաջին անգամ Հայաստանում մի սեղանի շուրջ հավաքվեցին բոլոր ընդդիմադիր ուժերը. Նարեկ Սամսոնյան (տեսանյութ) «Սանիթեքին» տրամադրվող գումարից շուրջ 600 միլիոն դրամով ավել գումար է տրամադրվում աղբահանության նոր կազմակերպությանը. Շիրազ Խաչատրյան Ոչ միայն Հանրային հեռուստաընկերությունը, այլև պետական բոլոր ինստիտուտներն իջեցվում են Փաշինյանի գռեհիկ հայտարարությունների մակարդակին. Աղասի Ենոքյան Իշխանությունները մանիպուլացնում են հասարակությանը՝ շահարկելով Մելի՝ սեռափոխված լինելու փաստը. ՏԵՍԱՆՅՈՒԹ Չափազանց կարևոր է ապազգայինը մարմնավորող անձի՝ Արայիկ Հարությունյանի հեռացումը համակարգից (տեսանյութ) Ո՞վ է ցուցարար Գոռ Սարգսյանը Բակո Սահակյանն Արայիկ Գրիգորյանին նշանակել է Արցախի ԱԱԾ տնօրենի առաջին տեղակալ Բանակին աջակցելու համար Բակո Սահակյանը պարգևատրել է մի խումբ անձանց Ռուստամյան. 90-ականների կոսմոպոլիտիզմն է, գումարած աղանդավորությունն ու այլասերվածության քարոզը Քաղաքական դաշտում բարձր լարումը կավարտվի, երբ Նիկոլ Փաշինյան անուն-ազգանունով ոչ թե վարչապետ ունենանք, այլ՝ դատապարտյալ.Նարեկ Սամսոնյան Սերժ Սարգսյանը չէր հայտարարել, որ պատրաստ է հանձնել շրջաններ. Արտակ Զաքարյան
Խմբագրի ընտրություն
website by Sargssyan