Թենիսիստուհիների ձեռքսեղմումը քաշքշուկի պատճառ է դարձել

ԵՐԵՎԱՆ, 8 ՆՈՅԵՄԲԵՐԻ, Tert.am: Թենիսի միջազգային ֆեդերացիայի 1/8 եզրափակչի ժամանակ ամերիկացի թենիսիստուհի Ալիսիս Պարքսի և կանադացի թենիսիստուհի Քեթրին Սեբովի միջև քաշքշուկ է սկսվել: Միջադեպի տեսանյութը հայտնվել է Twitter-ում:

Ինչպես հայտնում է Baseline պարբերականը, հաղթանակից հետո կանադուհին մոտեցել է մրցակցին, և վերջինիս խոսքով՝ ուժեղ սեղմել է Պարքսի ձեռքը:

Ի պատասխան՝ Պարքսը նույնքան ուժեղ սեղմել է Սեբովի ձեռքը, ինչից հետո էլ սկսել է քաշքշուկը: Կոնֆլիկտը հաջողվել է դադարեցնել միայն խաղի մրցավարին:

Քառորդ եզրափակչում Սեբովը կհանդիպի բելառուսցի թենիսիստուհի Օլգա Գովորցովայի հետ: