AM | RU
USD
EUR
RUB

Աշխարհի տարբեր երկրների ՀՅԴ երիտասարդական կառույցները շարունակում են զորակցել Հայաստանի ուսանողական շարժմանը (լրացված)

 

ԵՐԵՎԱՆ, 8 ՆՈՅԵՄԲԵՐԻ, Yerkir.am: Աշխարհի տարբեր երկրներում գործող ՀՅԴ երիտասարդական և ուսանողական միությունները, երեկվանից սկսած, Հայաստանում տեղի ունեցող բողոքի զանգվածային ակցիաներին զուգահեռ, իրենց կոչերով, հայտարարություններով և տեսաուղերձներով միանում են ԿԳՄՍ նախարար Արայիկ Հարությունյանի հրաժարականի պահանջին՝ այդպիսով իրենց զորակցությունը հայտնելով Հայաստանի երիտասարդական-ուսանողական շարժմանը:

Yerkir.am-ը շարունակում է առանձին շարքով ներկայացնել աշխարհի տարբեր երկրներից ստացված՝ ՀՅԴ մի շարք ուսանողական-երիտասարդական կառույցների կոչերը, հայտարարություններն ու տեսաուղերձները:

Այսպես՝

ԱՄՆ Համահայկական ուսանողական միությունն և ՀՅԴ «Շանթ» ուսանողական միությունն իրենց հատուկ հայտարարությամբ դատապարտում են ՀՀ ԿԳՄՍ նախարար Արայիկ Հարությունյանի առաջարկությունը, այն է՝ վերացնել բարձրագույն կրթության ոլորտում «Հայոց լեզու և գրականության» և «Հայոց պատմություն» առարկաների պարտադիր դասավանդումը:

«Մենք սատարում ենք Հայաստանի ուսանողներին, որոնք պահանջում են նախարարի հրաժարականը: Լինելով քոլեջների և համալսարանների ուսանողներ՝ մենք հասկանում ենք համակողմանի կրթություն ձեռք բերելու կարևորությունը, որը օգտակար է անհատի և հասարակության համար: Անչափ կարևոր է, որ ուսանողներին հնարավորություն տրվի դառնալու տեղեկացված և պատասխանատու քաղաքացիներ: Լեզուն, գրականությունը և պատմությունը բուհում չպետք է լինեն ավագ դպրոցի մակարդակում ուսուցանված բովանդակության կրկնությունը: Դա պետք է ենթադրի վերլուծական և հետազոտական հմտությունների զարգացում և նպաստի դարաշրջանի պատմության խոր գիտակցմանը:

Արայիկ Հարությունյանն առաջարկել է հայոց լեզուն, գրականությունը և պատմությունը հանել բարձրագույն կրթության ոլորտում պարտադիր առարկաների ցուցակից: Այս առարկաները ուսանողների մեջ սերմանում են ազգային ինքնության զգացում և հնարավորություն են տալիս զարգանալու և հաղորդակցվելու որպես ՀՀ քաղաքացիներ: Այդ պատճառով է, որ Միացյալ Նահանգներում Հայ ուսանողական միությունը հետևողականորեն աջակցում է մեր քոլեջների և համալսարանների հայագիտական բաժինների զարգացմանը: Հայոց լեզվի, պատմության և գրականության ուսումնասիրությունը շարունակաբար ոգեշնչել և հզորացրել է մեր կազմակերպությունների ուսանողներին:

Նախարարի որոշումը` վերացնել այդ առարկաների համար պարտադիր պահանջը, անընդունելի է: Հայաստանի մեր ուսանողներն արժանի են այնպիսի առաջնորդի, որը կձգտի գտնել առկա հիմնախնդիրների արդյունավետ լուծումներ, այլ ոչ թե անել հեռուն գնացող հետևանքներ ունեցող առաջարկներ: Արայիկ Հարությունյանը ցույց է տվել, որ ի վիճակի չէ արդյունավետորեն իրականացնել իր լիազարությունները և ներկայացնել ուսանողների շահերը: Այսպիսով՝ Համահայկական ուսանողական միությունը և ՀՅԴ «Շանթ» ուսանողական միությունը պահանջում են նրա անհապաղ հրաժարականը:

Համահայկական ուսանողական միությունն աշխատանքներ է իրականացնում հայ-ամերիկյան տարբեր համալսարանների ուսանողական կազմակերպությունները միավորելու ուղղությամբ՝ այդպիսով ծառայելով ավելի մեծ հայ-ամերիկյան համայնքին մշակութային, սոցիալական, կրթական և ակտիվիստական ծրագրերի միջոցով: Որպես ԱՄՆ-ում ուսանողական ամենամեծ միություն՝ Համահայկական ուսանողական միությունը գործունեություն է ծավալում իր կազմի կազմակերպությունների միջև համագործակցության, դրանց անդամների ղեկավարության զարգացմանը և համայնքային ծառայության համար»,- նշված է հայտարարության մեջ:

ՀՅԴ Արևելյան ԱՄՆ-ի Երիտասարդական միությունը (Հայ Երիտասարդաց դաշնակցության Արևելյան Ամերիկայի երիտասարդական կազմակերպություն) հատուկ կոչով և «Զորավիգ կը կանգնինգ ՀԵՄ-ին եւ իր պահանջներուն» մակագրությամբ լուսանկար է հրապարակել ֆեյսբուքյան պաշտոնական էջում: Լուսանկարում մեկտեղված են նշյալ միության և ՀՅԴ Հայաստանի երիտասարդական միության (ՀԵՄ) տարբերանշանները, իսկ կոչում ասված է հետևյալը. «Հայ Երիտասարդաց դաշնակցության Արևելյան Ամերիկայի երիտասարդական կազմակերպությունն իր իրենց աջակցությունն է հայտնում Հայաստանի ուսանողներին և ՀՅԴ Հայաստանի երիտասարդական միությանը /ՀԵՄ/`պահանջելով ԿԳՄՍ նախարար Արայիկ Հարությունյանի հրաժարականը: #պատվով_հեռացիր»:

ՀՅԴ Արևելյան ԱՄՆ-ի Երիտասարդական միությունը դրանից ժամեր առաջ ևս հրապարակել է հատուկ տեքստ՝ «Չկա՛յ ներսի եւ դուրսի դաշնակցութիւն, կայ մե՛կ դաշնակցութիւն» կոչ՝ կազմակերպության ու ՀԵՄ-ի տարբերանշաններ պարունակող կից լուսանկարով:

Կազմակերպության տարածած հայտարարության մեջ ասվում է. «Հարությունյանն առաջարկել է հանել հայոց լեզուն, գրականությունը և պատմությունը, Հայաստանում բարձրագույն կրթության պարտադիր առարկաների ցուցակից: Այս թեմաներով կրթված ու իրազեկված լինելը մեծապես նպաստում է հայրենիքում քաղաքացիների ինքնությանը և նման դասընթացների վերացումը պառակտում է ստեղծում Հայաստանում սերունդների միջև:

Հարցազրույցում նախարարը, անդրադառնալով իր հրաժարականի պահանջին, ասաց, որ Հայաստանում և Սփյուռքում մեր ընկերների միջև որակական տարբերություններ կան: Հուսով ենք, որ պարոն Հարությունյանը՝ որպես Հայաստանի կրթությունը ներկայացնող դեմք, առնվազն գիտի, որ մեր կազմակերպությունները կարող են ապակենտրոնացված լինել աշխատանքում, բայց ոչ երբեք՝ գաղափարախոսության մեջ, և որ մենք միշտ միավորվելու ենք՝ մեր լեզուն, ժառանգությունը և ինքնությունը պաշտպանելու համար:

Մենք միշտ աջակցելու ենք Հայաստանի մեր եղբայրներին և քույրերին: #պատվով_հեռացիր»:

ՀՅԴ Հունաստանի երիտասարդական միությունն իր ֆեյսբուքյան պաշտոնական էջում տեղադրել է ՀՅԴ ՀԵՄ-ի՝ ԿԳՄՍ-ի հրաժարականը պահանջող նստացույցի մեկնարկի մասին հայտարարությունը՝ կից լուսանկարներով և հատուկ կոչով, որում ասվում է. «Չկայ դրսի եւ ներսի դաշնակցութիւն: Կայ մէկ միասնական դաշնակցութիւն: Հայ ազգի պատմութիւնն ու մշակոյթը պահպանող, ու հայ ժողովուրդի իրաւունքները պաշտպանող, մեր գաղափարական՝ դաշնակցութիւնը։ Կ'աջակցինք ՀԵՄ-ին եւ կը միանանք մեր ընկերներուն։

#մենքենքՀեմը #Պատվով_հեռացիր #Ազգայինկրթություն #Ազգայինմշակույթ.
#Արայիկ_Գնա_տուն»:

ՀՅԴ Սիրիայի երիտասարդական միությունը հանդես է եկել հատուկ տեսաուղերձով, որում միության անդամներն ասում են. «Դրսի և ներսի Դաշնակցություն գոյություն չունի՛: Բոլորս մե՛կ ենք»: Տեսաուղերձն ավարտվում է խմբային հատուկ կոչով և ազգային-հեղափոխական երգեր կատարող Գառնիկ Սարգսյանի՝ «Հպարտ, անպարտ Դաշնակցություն» երգի կատարման հնչյունների տակ ԿԳՄՍ նախարար Արայիկ Հարությունյանի՝ «#պատվով հեռացիր» մակագրմամբ լուսանկարի ցուցադրմամբ: Yerkir.am-ը ներկայացնում է նաև նշյալ տեսաուղերձը:

ՀՅԴ Իրանի երիտասարդական միությունը ֆեյսբուքյան պաշտոնական էջում կատարել է հետևյալ գրառումը. «Հ.Յ.Դ. Հայաստանի երիտասարդական միություն arayik Harutyunyan #պատվով_հեռացիր»:

Էջում տեղադրվել է նաև միության տարբերանշանով լուսանկար՝ «Չկայ դրսի եւ ներսի Դաշնակցութիւն: Կայ մէկ միասնական Դաշնակցութիւն: Ռ.Ե.Մ-ը միանում է Հ.Ե.Մ-ի ընկերներին՝ պահանջելով նախարարի հրաժարականը: #Արայիկ_Գնա_Տուն»:

ՀՅԴ Ռուսաստանի ուսանողական-երիտասարդական միությունն իր պաշտոնական էջում տեղադրել է ՀՅԴ ՀԵՄ-ի՝ նստացույցի մեկնարկի մասին հայտարարությունն ու լուսանկարները՝ դրանից մեկ ժամ առաջ տարածելով նաև հետևյալ հայտարարությունը. «ՀՅԴ ՌՈւԵ միությունն իր զորակցությունն ու աջակցությունն է հայտնում ՀՅԴ Հայաստանի Երիտասարդական միությանն ու պահանջում է ՀՀ ԿԳՍՄ նախարար Արայիկ Հարությունյանի հրաժարականը:

Մենք անընդունելի ենք համարում կրթության և մշակույթի ոլորտի՝ Հայաստանի ներկա քաղաքականությունն ու ՀՀ ԿԳՍՄ նախարարի աշխատանքը գնահատում ենք անբավարար:

Հայագիտական առարկաների արժեզրկումն ու դերի նվազեցումը, քրիստոնեական դաստիարակության դեմ մեկնարկած պայքարը, ազգային արժեհամակարգին անհարիր մշակույթի խրախուսումն ու արկածախնդիր նախաձեռնությունները ուղղակի հարված են Հայ Ազգի միասնականությանն ու երիտասարդ սերնդի հոգևոր-բարոյական զարգացմանը:

Ակնհայտ է, որ նախարար Հարությունյանն ու իր թիմը պատերազմ են հայտարարել հայ մշակույթին և ազգային արժեհամակարգին՝ ակտիվ պայքար մղելով նաև այն ուժերի դեմ, որոնք Հայաստանում, Արցախում և Սփյուռքում խոչընդոտում են իրենց ազգադավ քաղաքականության իրագործմանը: Այս գործընթացն օր առաջ անհրաժեշտ է կասեցնել, քանի որ շարունակությունը հղի է անկանխատեսելի հետևանքներով:

ՀՅԴ Ռուսաստանի Ուսանողական-երիտասարդական միությունը կոչ է անում Հայաստանի, Արցախի և աշխարհասփյուռ հայ երիտասարդներին՝ տեր կանգնել իրենց արժեքներին, թույլ չտալ, որ օտարածին ախտերը թուլացնեն մեր պետականության հիմքերը, և միանալ հայաստանյան մեր եղբայրների և քույրերի արդար պայքարին:

ՀՅԴ Ռուսաստանի «Լևոն Շանթ» ուսանողական-երիտասարդական միություն»:

ՀՅԴ Հոլանդիայի (Նիդերլանդների) երիտասարդական միության անդամները, նոյեմբերի 6-ից սկսած, պաշտոնական էջում պարբերաբար տեղադրում են ՀՅԴ ՀԵՄ-ի՝ ԿԳՄՍ նախարարի դեմ իրականացվող բողոքի ակցիաների լուսանկարները, տեսագրություններն ու հայտարարությունները: Երեկ միության պաշտոնական էջում տեղադրվել է նաև հատուկ տեսաուղերձ, որում միության անդամները հանդես են եկել հետևյալ կոչերով. «Չկա դուրսի կամ ներսի դաշնակցականներ, կա միայն մեկ և միասնական դաշնակցություն: Գաղափարը մե՛կ է, մե՛նք են ՀԵՄ-ը: Մենք Հայաստանի երիտասարդական միության կողքին ենք: Մենք՝ Նիդերլանդների երիտասարդ դաշնակցականներս, զորավիգ ենք ՀՅԴ Հայաստանի երիտասարդական միությանը: Պարո՛ն Արայիկ Հարությունյան: Չկա՛ ներսի և դրսի Դաշնակցություն, կա մե՛կ Դաշնակցություն»: Տեսաուղերձին կցված են հետևյալ խոսքերը.

«Մենք զորավիգ ենք ՀԵՄ-ին ՀՅԴ Հայաստանի Երիտասարդական Միություն /ՀԵՄ/

Չկա դրսի և ներսի Դաշնակցություն, կա մեկ և միասնական Դաշնակցություն Arayik Harutyunyan»:

ՀՅԴ Լիբանանի ուսանողական միությունը պաշտոնական էջում հրապարակել է ՀՅԴ ՀԵՄ-ի՝ ԿԳՄՍ նախարարի հրաժարականը պահանջող հայտարարությունը և ՀՅԴ Լիբանանի երիտասարդական միության տեսաուղերձը՝ այդպիսով միանալով և զորակցություն հայտնելով Հայաստանի ուսանողական շարժմանը:

ՀՅԴ Արցախի երիտասարդական միությունն իր պաշտոնական էջում հրապարակել է բողոքի ակցիայի լուսանկարները և տեղադրել հետևյալ հայտարարությունը. «Դաշնակցական երիտասարդի համար առանցքային և անշրջելի է ազգային գաղափարական ուղին:

Բոլոր ապազգային և օտարածին երևույթներն ու դրանց հետևորդները երբեք տեղ չունեն հայ իրականության մեջ:

ԴԱՇՆԱԿՑՈՒԹՅՈՒՆԸ պառակտված տեսնելու ցանկություն ունեցող բոլոր անձանց հիշեցնում ենք, որ չկա «ներսի» և «դրսի», կա մեկ միասնական և միակամ ԴԱՇՆԱԿՑՈՒԹՅՈՒՆ, որը ներկայացնում է համայն հայ ազգի շահերը թե՛ արտասահմանում, թե՛ Հայաստանի և թե՛ Արցախի Հանրապետություններում:

ՀՅԴ Արցախի երիտասարդական միությունը Հայաստանի երիտասարդական միության կողքին է, քանզի ազգային արժեքներով սնվող հայ ժողովրդի միասնական կամքի և պայքարի հաղթանակը կանխորոշված է:
#պատվովհեռացիր»:

ՀՅԴ աշխարհասփյուռ երիտասարդական-ուսանողական միությունների՝ Հայաստանի ուսանողական շարժմանը զորակցելու երթը շարունակվում է:

Yerkir.am-ը ավելի վաղ տեղեկացրել էր, որ Հայաստանի ուսանողական շարժմանն էին միացել ՀՅԴ Երուսաղեմի երիտասարդական միությունը, ՀՅԴ Շվեդիայի երիտասարդական միությունը, ՀՅԴ Բելգիայի երիտասարդական միությունը, ՀՅԴ Ֆրանսիայի երիտասարդական կազմակերպությունը, ՀՅԴ Արևմտյան Ամերիկայի երիտասարդական միությունն ու «Շանթ» ուսանողական միությունը, Լիբանանի Երիտասարդական միությունը, ՀՅԴ Կանադայի երիտասարդական միությունը և ՀՅԴ Սիրիայի երիտասարդական միությունը:

Լրահոս
ՀՀ պաշտպանության նախարարն ընդունել է ՌԴ պատվիրակությանը Մանվել Գրիգորյանի պաշտպանների՝ դատավորի ինքնաբացարկի միջնորդությունը մերժվեց Աննա Դանիբեկյանը մերժեց ինքնաբացարկի միջնորդությունը Հայաստանն ու Ռուսաստանը դեռ քննարկում են ՀԱԷԿ-ի արդիականացման վարկի մարումները երկու տարով հետաձգելու հարցը Այստեղ կարող են գալ տարբեր քաղաքական ուժերի ներկայացուցիչներ, սակայն շարժումն ուղղորդված չէ. ուսանողները և ՀՅԴ-ականները շարունակում են նստացույցը (ուղիղ) Արմեն Սարգսյանին հավատարմագրերն է հանձնել Նիդերլանդների Թագավորության նորանշանակ դեսպանը Աբրահամ Գասպարյանը լքում է Հանրային հեռուստաընկերությունը «Մի քիչ բարձր տոների մեջ խոսեցինք». ընդհարում՝ «Իմ քայլի» պատգամավորների միջև. Տեսանյութ «Բարգավաճ Հայաստան»-ին քաղաքական դասեր տալու իրավունք այս դահլիճում որևէ մեկը չի վաստակել. Զոհրաբյան Ռոբերտ Քոչարյանի աջակիցները բողոքի ակցիա են անում դատարանի առջև. Ուղիղ Ռոբերտ Քոչարյանի փաստաբանը նախագահող դատավորին ինքնաբացարկի միջնորդություն է ներկայացրել «22 օր ապօրինի անազատության մեջ եմ գտնվել». Արսեն Բաբայանն ազատ արձակվեց. Տեսանյութ Մեզ հայոց լեզուն, հայոց պատմությունը անպիտան համարող նախարար պետք չէ. ԵՊՀ ուսանողները երթով շարժվում են այլ բուհեր. Ուղիղ Էսօր թուրքերն ասում են, թե իբր Խոջալուում գենոցիդ է եղել, ինձ էլ մի օր դրա համար կդատեք. Սասուն Միքայելյանը՝ «Իմ քայլին» Արսեն Բաբայանն ազատ կարձակվի «Իմ քայլը» խմբակցության պատգամավորի ավտոմեքենայից գողացել են մի քանի հազար դոլար արժողությամբ «Ռոլեքս» ժամացույցը Նիկոլը չի կարող չանել այն, ինչ իրեն թելադրում են, քանի որ թելադրողներն են իրեն իշխանության բերել. Արթուր Դանիելյան Երևանի Աթոյան փողոցում հրդեհվել են ավտոտնակներ և ավտոմեքենաներ Ուսանողները եւ ՀՅԴ երիտասարդները Երեւանի փողոցներում իրազեկման երթի են դուրս եկել. Ուղիղ ԱԺ-ում մեկնարկել է հերթական քառօրյան. օրակարգում է նաև Կոռուպցիայի կանխարգելման հանձնաժողովի անդամների ընտրության հարցը. Ուղիղ Պայթյուն է որոտացել «Բալտիկա» գարեջրի գործարանում «Հրապարակ». Թող ուսանողները դասի չգան, բայց չմասնակցեն էդ միտինգին «Հրապարակ». Վարչապետը հրահանգել է պաշտոնյաներին Ամանորը նշել Հայաստանում «168 ժամ». ԵԱՏՄ-ից ճոխ նվիրատվությունը փոխվարչապետը «քոռ ու փուչ է» արել «Փաստ». Օպտիմալացման քողի ներքո կառավարությունն ուռճացնում է պետական ապարատը «Փաստ». «Հայոց եկեղեցու պատմության» փոխարեն` «Կրոնի պատմություն» ՕՐՎԱ ԽՈՐՀՈՒՐԴԸ: Նոյեմբերի 12 ՀՀ և ՌԴ քննչական կոմիտեների նախագահներն աշխատանքային հանդիպում են ունեցել (տեսանյութ, լուսանկարներ) Նիդերլանդների նորանշանակ դեսպանն իր հավատարմագրերի պատճենն է հանձնել ՀՀ ԱԳ նախարարի տեղակալին Ահաբեկիչները Ղամիշլիում սպանել են Հայ Կաթողիկե համայնքի հովվապետին ու նրա հորը Օդի ջերմաստիճանը աստիճանաբար կնվազի 4-5 աստիճանով Նախագահ Սարգսյանի հրամանագրով Արմեն Հարությունյանին շնորհվել է գեներալ- մայորի զինվորական կոչում Արմեն Սարգսյանը հյուրընկալել է ՌԴ ԱԳ նախարար Սերգեյ Լավրովին Ողջ գործընթացների պատասխանատուն ոչ թե ԿԳՄՍ նախարար Արայիկ Հարությունյանն է, այլ Կառավարությունը և Նիկոլ Փաշինյանը. Լիլիթ Թումանյան Շիրակի պետական համալսարանի ուսանողները ևս դասադուլ են անում Հնարավոր է, որ հայոց լեզվի ամբիոնի դասախոսները ևս միանան ուսանողների դասադուլին Հասկանում եմ ուսանողների ընդվզումը. եթե ուսանող լինեի, նույն բանը կանեի. Արտակ Մովսիսյան ԼԳԲՏ քարոզչությունը դարձել է «Իմ քայլը» դաշինքի ու Նիկոլ Փաշինյանի գլխավոր առաքելություններից մեկը. Կոնստանտին Տեր-Նակալյան Փաշինյանի մանիպուլյատիվ արվեստը տարածվում է նաեւ արտաքին քաղաքականության վրա. Արմեն Աշոտյան ԿԳՄՍ նախարարության դիմաց Արայիկ Հարությունյանի հրաժարականը պահանջող երիտասարդներին միացել են տարբեր քաղաքական ուժերի ներկայացուցիչներ. Ուղիղ
Խմբագրի ընտրություն
website by Sargssyan