Նիկոլը չի կարող չանել այն, ինչ իրեն թելադրում են, քանի որ թելադրողներն են իրեն իշխանության բերել. Արթուր Դանիելյան

ԵՐԵՎԱՆ, 12 ՆՈՅԵՄԲԵՐԻ, Facebook: Մինչև իմ անձնական կարծիքը հայտնեմ Արայիկ Հարությունյանի շուրջ ծավալվող պրոցեսի վերաբերյալ, ուզում եմ մի քանի ելակետային փաստեր վերհիշենք:

Հայաստանում արգելված է կառուցել ազգային պետություն: Դա արգելված է սահմանադրությամբ, և պետության քաղաքականությունը բոլոր ոլորտներում համապատասխանեցված է այդ հրամայականին` անվտանգությունից ու տնտեսությունից մինչև սոցապ ու կրթություն:

Հայաստանում, ըստ սահմանադրության, գերագույն արժեքը մարդն է, ոչ թե սոցումը, ցեղը կամ ընտանիքը: Մարդ է համարվում թե´ հնդիկը, թե´ թուրքը, թե´ տրանսը և թե´ «ոչխարը»: Այս սահմանադրությունը և իրենից բխող ենթաօրենսդրական ակտերը, պետ կառավարման մոդելը և այլ ուղենիշները մեզ թելադրվել են դրսից` մասնավորապես արևմուտքից: Էդ թելադրությունները գրելու դիմաց մեզ վարկեր ու գրանտեր են տվել: Մենք էլ վերցրել ենք, մտածելով, որ` դե մեկ ա մեր մոտ էդ եվրոպական ամեն ինչը ժողովուրդը չի ընդունի: Մտածելով, որ բանավոր եվրոպացի կհռչակենք մեզ, իսկ փաստացի կմնանք հայ:

Չստացվեց: Տասնամյակների աշխատանքի արդյունքում միջին հայը դարձավ զրպարտող, անպատասխանատու, անդեմ ու անհասկանալի կերպար: Այդ միջին հայը իր միջից ընտրեց միջինացված կառավարություն, ի դեմս` միջին հային լիովին արտացոլող Նիկոլ Փաշինյանի: Փաշինյանը, ինչպես և բոլոր նախկինները, փորձում է թելադրություն գրի ու դրա դիմաց խրախուսում ստանա ուսուցչի կողմից: Ստամբուլյանը, տռանսերը, հակազգային քաղաքականությունը` այդ խրախուսումը ստանալու դիմաց գրված թելադրություններ են:

Նիկոլը չի կարող չանել այն, ինչ իրեն թելադրում են, քանի որ նախ իրեն թելադրողներն են իրեն իշխանության բերել և, ինչն ավելի կարևոր է, Հայաստանում արգելված է անել այլ բան, քան այն, ինչը քեզ թելադրում են: Կրկրնում եմ` ՀՀ Սահմանադրությունը արգելում է ստեղծել ազգային պետություն: ՀՀ Սահմանադրությունը արգելում է ժողովրդագրական ցուցանիշների բարելավումը հռչակել գերակայություն: Ժողովրդագրական տվյալները հնարավոր է բարելավել միայն անձնական շահի զեղչմամբ, ինչը արգելված է, որովհետև մարդն է, անձն է բարձրագույն արժեք: Չի կարելի չեղարկել անձի որևէ շահ կամ իրավունք հանուն ընդհանուրի: Ընդհանուրը սոցիումն է, ընդհանուրը սոցիալիզմն է: Իսկ անհատը, անձը՝ կապիտալիզմը:

Ըստ այդմ, թե´ Նիկոլը և թե´ Արայիկը ընդամենը քաղցկեղի սիմպտոմներ են: Ուրիշ հարց, որ շատ տհաճ սիմպտոմներ են, սիմպտոմներ, որոնց չեղարկումը կարող է թեթևացնել ցավերը, բայց չի կարող բուժել: Սիմպտոմները չեղարկել փորձելիս մարդ իրավունք չունի մոռանալ բուն հիվանդության մասին: Քաղցկեղից տառապող, բայց միայն դրա սիմպտոմների դեմ պայքարող մարդը հավասարազոր է ինքնասպանի:

Պետք է ու կարելի է չեղարկել սիմպտոմները: Սիմպտոմների չեղարկումը կարող է ուժ ու եռանդ տալ պայքարել բուն հիվանդության դեմ, բայց միայն ու միայն հիվանդության դեմ պայքարելու համար է պետք դա անել: Այլապես, միայն սիմպտոմների դեմ պայքարը ինքնասպանություն է:

Իմ համար հարցն էս կամ ցանկացած այլ նմանատիպ ակցիայի դեպքում հետևյալն է՝ դուք պատրա՞ստ եք քիմոթերապիայի, թե զուտ ջերմությունն եք ուզում իջեցնել… մի կես ժամով:

Ու նկատի ունեցեք երկու բան՝ էսօրվա միջին ՀՀ քաղաքացուն ազգային պետություն պետք չէ, նրան այֆոն է պետք, իսկ դրսից ազգային պետություն ստեղծելու համար ոչ մեկ գրանտ ու վարկ չի տալու: ՈՉ ՄԵԿ:

Հ.Գ. եթե այս տեքստն ընթերցողների մեջ կան մարդիկ, ովքեր ամբողջ կյանք երազել են 500 հատ 30 կիլոյանոց կուբիկներով բարձված Կամազ դատարկել, թող պլյուս դնեն մեկնաբանություններում: Ես պատրաստ եմ այդ մարդկանց երազանքը մեծահոգաբար իրականացնել:

Արթուր ԴԱՆԻԵԼՅԱՆ