AM | RU
USD
EUR
RUB

Ոչ միայն Հանրային հեռուստաընկերությունը, այլև պետական բոլոր ինստիտուտներն իջեցվում են Փաշինյանի գռեհիկ հայտարարությունների մակարդակին. Աղասի Ենոքյան

 

ԵՐԵՎԱՆ, 15 ՆՈՅԵՄԲԵՐԻ, Tert.am: Ոչ միայն Հանրային հեռուստաընկերությունը, այլև պետական բոլոր ինստիտուտները իջեցվում են Փաշինյանի կոպիտ, գռեհիկ հայտարարությունների՝ «պատին ծեփելու», «ասֆալտին փռելու» մակարդակին: Այս մասին Tert.am-ի հետ զրույցում ասաց «Մեդիա Պաշտպան» նախաձեռնության ղեկավար, քաղաքագետ Աղասի Ենոքյանը` անդրադառնալով Հանրային հեռուստաընկերության լուրերի ֆեյսբուքյան էջում հրապարակված ծաղրանկարներին:

«Խնդրին կարելի է երկու տեսանկյունից նայել. առաջինն այն է, որ Հանրային հեռուստաընկերությունը, որը սնվում է հանրային փողերով, մեր բոլորի տված փողերով, իրեն թույլ է տալիս միակողմանի, գռեհիկ քարոզչություն, մյուս կողմն այն է, որ այս թեման բարձրացնելով՝ իշխանությունները փորձում են վանել այն կասկածները, որոնք արդեն-իսկ իրենց վզից կախված են: Այսինքն՝ այդ կոռուպցիա կոչվածը, եթե կար նախկին ռեժիմի ժամանակ, հիմա ոչ միայն չի թուլացել , այլև շատ ավելի գռեհիկ ձևեր է ստացել՝ սկսած 2 մլն դոլարով Փաշինյանի տունը վերանորոգելուց, 55 մլն դոլարով նրա համար ինքնաթիռ գնելուց և այլն, և այլն: Այս երկու ֆունկցիան Հանրային հեռուստաընկերությունը վերցրել է իր վրա, որ այդ ամեն ինչը ներկայացնի սխալ լույսի տակ, կամ իր համար հաճելի լույսի տակ»,- ասաց նա:

Նրա խոսքով՝ հիմա էլ հանրայինն է լծվել նախկին իշխանություններին ծաղրելու գործին, որ ուշադրությունը վարչապետից շեղվի: «Դա է ողջ խնդիրը: Այսօրվա կոռուպցիոն դրսևորումների վերաբերյալ տալիս են մանկապարտեզի բացատրություններ, թե ինքնաթիռը պետության համար է գնվում, ոչ թե Նիկոլ Փաշինյանի, բայց պետությունը 30 տարի է՝ գոյություն ուներ և առանց այդ ինքնաթիռի կարողանում էր «յոլա գնալ»: Ասում են՝ տունը վերանորոգում են պետության համար, այլ ոչ թե Նիկոլ Փաշինյանի, բայց նախկինում 2 մլն դոլարով պետությունը երբեք չի մտածել, որ կարող է իր համար տուն վերանորոգել: Այսինքն այս գռեհկությունները իրենք փորձում են քողարկել ավելի գռեհիկ ծաղրանկարների տակ»,- ասաց նա:

Նա շեշտեց, որ հիմա էլ Հանրային հեռուստատեսությունն է իջեցվում Փաշինյանի մակարդակին: «Այսինքն՝ ոչ միայն Հանրայինը, այլև պետական բոլոր ինստիտուտներն իջեցվում են Փաշինյանի կոպիտ, գռեհիկ հայտարարությունների՝ «պատին ծեփելու», «ասֆալտին փռելու» մակարդակին: Սա նորմալ է, որովհետև Հայաստանում այսօր մենիշխանություն է: Այսօր Նիկոլ Փաշինյանի իշխանությունն է, որը տարածվում է ոչ միայն վարչապետի աշխատակազմի, այլև ողջ Կառավարության, Հանրային հեռուստատեսության, ինչպես նաև մնացած բոլոր ինստիտուտների վրա»,- ասաց նա:

 

 

Ինչ վերաբերում է այսօր Ազգային ժողովում վարչապետի՝ լրագրողների հարցերին չպատասխանելուն և լրագրողների դժգոհությանն առ այն, որ բարիկադներ էին կառուցվել, որպեսզի լրագրողները հարցեր չկարողանան ուղղել վարչապետին, Ենոքյանն ասաց. «Տարի ու կես առաջ Նիկոլ Փաշինյանը ժողովրդի վարչապետն էր, հիմա նա դարձել է վարչապետ և փորձում է իր գործողությունները հնարավորինս գաղտնի պահել ժողովրդից, հեռու մնալ լրատվամիջոցներից, որովհետև արդեն իսկ կան հարցեր, որոնց պատասխաններն ինքը չունի, անգամ իր մեծածավալ «կռուտիտների» դեպքում: Հիմա նա նախընտրում է միայն ունենալ ֆեյսբուքյան լայվեր, ամբիոններից հայտարարություններ, որովհետև դրանք միակողմանի մեսիջինգ են, այդ դեպքում ինքը հարցերի չի պատասխանում, ինքը հայտարարություններ է անում և ինքն է հարցադրումներ անում»:

Tert.am-ը փորձեց ՀՀ վարչապետ Նիկոլ Փաշինյանի մամուլի խոսնակ Վլադիմիր Կարապետյանից ճշտել՝ ինչու այսօր վարչապետը չի պատասխանել լրագրողների հարցերին, սակայն մեզ չհաջողվեց նրա հետ կապ հաստատել. Կարապետյանը զանգերին չպատասխանեց:

 

Լրահոս
Կորոնավիրուսը սնանկացնում է աշխարհը Ահա այսպես շուրջ երկու տարի է Նիկոլ Փաշինյանի իշխանությունը ստում ու ստում է. Միհրան Հակոբյան Բակո Սահակյանը խորհրդակցություն է անցկացրել կորոնավիրուսի թեմայով 30 000 դրամ ստացող նպաստառուն ի վիճակի՞ է վճարել 45 000 դրամ տան վարձ. ՏԵՍԱՆՅՈՒԹ Բոլորս հասկանում ենք, որ սա բավականին բարդ խնդիր է լուծելու համար. Նիկոլ Փաշինյան (ՏԵՍԱՆՅՈՒԹ) Վերակենդանացման բաժանմունքներում կորոնավիրուսով վարակված 25 պացիենտ կա Ինչով է տարբերվում կորոնավիրուսը գրիպից Մեր թիվ մեկ բորտը Եվրոպա կարանալու ա թռնի՞, թե երկրի ղեկավարը եզներին լծած ֆայտոնով ա գնալու Բրյուսել. Արմեն Մինասյան Ռուսաստանում կորոնավիրուսով վարակված ՀՀ քաղաքացի է մահացել Դեսպանատունը պարզաբանում է՝ ինչպես են ընտրվել Մոսկվա-Երևան չվերթի ուղևորները Վթարի է ենթարկվել կորոնավիրուսով վարակված 3 քաղաքացու տեղափոխող շտապօգնության մեքենան «Այստեղ խայտառակ վիճակ է». 500-ից ավելի հայ մնացել են ՌԴ-ում և չեն կարողանում վերադառնալ Հայաստան (Լուսանկարներ) Այս ապաշնորհ պաշտոնյաները Նիկոլ Փաշինյանի դեմ ամենածավալուն ցուցմունքներ տվողներն են լինելու. Նարեկ Սամսոնյան (տեսանյութ) Օդի ջերմաստիճանը կբարձրանա, հետո կրկին կիջնի Ռուսաստանը կորոնավիրուսը հայտնաբերելու թեստային համակարգ է փոխանցել ԱՄՆ-ին. ՌԻԱ Նովոստի «Կոնտակտավորների» նկատմամբ վերահսկողություն հաստատելու մեխանիզմը բազմաթիվ հարցեր է առաջացնում. Ռուբեն Մելիքյան Սահմանփակումները խախտելու համար մեկ օրում տուգանվել է 477 մարդ Հայաստանին լրջագույն վնաս է հասցվել Հլը մեկը լինի հարցնող՝ ո՞ւմ վրա ես հոխորտում, ո՞ւմ ես քո կարճ խելքով սովորեցնում. Ռուսլան Բաղդասարյանը՝ Հայկ Մարությանին Վրաստանում գրանցվել է կորոնավիրուսից մահվան առաջին դեպքը. «Sputnik-Վրաստան» Զինծառայող Գ. Բաբակեխյանին դիտավորությամբ կյանքից զրկելու կասկածանքով ձերբակալվել է համածառայակիցը․ ՔԿ Հակառակորդը խախտել է հրադադարի պահպանման ռեժիմն ավելի քան 170 անգամ Արթուր Վանեցյանը հեռավար դաս է անցկացրել Քաշաթաղի դպրոցականների հետ (տեսանյութ, լուսանկարներ) «Դոմոդեդովոյում» մնացած ՀՀ քաղաքացիները տեղափոխվել են մոտակա հյուրանոց. ՌԴ-ում ՀՀ դեսպանատուն Որոշել էի չպատմեմ, բայց երևի իզուր. Վարդան Նիկոյան Տաթևիկ Ռևազյանը թքած ունի իր հայրենիքի վրա. Նարեկ Մալյան (տեսանյութ) Արցախի տեղեկատվական շտաբը տեղեկացնում է ԱՀԿ-ն՝ կորոնավիրուսի համաճարակի ժամանակ ճիշտ սննդակարգի մասին Հայաստանում կորոնավիրուսով վարակվածների թիվն ավելացել է. Թարմ տվյալներ Ինչ եղանակ է սպասվում հանրապետությունում ԱՄՆ դոլարի և եվրոյի փոխարժեքները բարձրացել են Կորոնավիրուսը Նյու Յորքում գրեթե երկու հազար մարդու կյանք է խլել. Ինտերֆաքս Հայ առաքելական եկեղեցին նշում է Ղազարոսի հարության հիշատակության օրը Մարտին սպառողական շուկայում արձանագրվել է գնաճ Նախկին ԽՍՀՄ երկրներում Հայաստանը 4-րդն է կորոնավիրուսի հաստատված դեպքերի թվով Թրամփն ասել է, թե ինչու դիմակ չի կրում Հայաստանի մի շարք բնակավայրերում ձյուն է տեղում, ավտոճանապարհները հիմնականում անցանելի են Սիրուն կենաց՝ ողբերգական ավարտով. Վահրամ Պետրոսյան Թարմ տվյալ՝ Հայաստանում կորոնավիրուսային իրավիճակից Մեկ շաբաթ է՝ կարանտինում ենք, 9 ամսական երեխաս ոչինչ չի ուտում. մեկուսացված քաղաքացին դժգոհել է
Խմբագրի ընտրություն
website by Sargssyan