2887. Սինձո Աբեն դարձել է Ճապոնիայի ամենաերկար պաշտոնավարած վարչապետը

2887. Սինձո Աբեն դարձել է Ճապոնիայի ամենաերկար պաշտոնավարած վարչապետը

ԵՐԵՎԱՆ, 20 ՆՈՅԵՄԲԵՐԻ, Panorama.am: Ճապոնիայի վարչապետ Սինձո Աբեն կարծում է, որ ինքն ու իր կառավարությունը կարողացել են կայունացնել երկրում քաղաքական համակարգը: Այս մասին նա ասել է չորեքշաբթի լրագրողների հետ հանդիպման ժամանակ, երբ ամփոփել է իր գործունեության արդյունքները, գրում է ՏԱՍՍ գործակալությունը։

«Մենք մեր բոլոր ջանքերը գործադրում ենք երկրում կայուն քաղաքական համակարգ ստեղծելու և ժողովրդին տրված խոստումների կատարման համար»,- նշել է կառավարության ղեկավարը:

Նա նաև ասել է, որ «անցյալի համեմատ, երբ կառավարությունները փոխվում էին մեկը մյուսի հետևից», նրա ղեկավարությունը ցուցաբերել է կայունություն և դիմացկունություն:

Ճապոնիայի վարչապետ Սինձո Աբեն դարձել է ամենաերկար ղեկավարած վարչապետը Ճապոնիայի ամբողջ պատմության ընթացքում։ Ընդհանուր առմամբ, նա կառավարության ղեկավարի պաշտոնին է 2887 օր։

Հետևեք մեզ նաև Telegram-ում