AM | RU
USD
EUR
RUB

«Վերնատնից» բխող դիլեման. իշխանությունները՝ բարդ խնդրի առաջ

 

ԵՐԵՎԱՆ, 22 ՆՈՅԵՄԲԵՐԻ, Tert.am: Մինչ տարբեր շրջանակների կողմից քննարկման առարկա է շարունակում մնալ «Վերնատուն» հասարակական-քաղաքական ակումբի կազմավորումը, ծավալելիք գործունեությանն ու դրա՝ ներհայաստանյան կյանքի վրա թողնելիք ազդեցությանն առնչվող հարցերը, մի տեսակ օդից կախված իրավիճակում է մնացել Հանրային խորհրդի հարցը, որը, Վազգեն Մանուկյանի հեռանալուց հետո, փաստորեն, հայտնվել է անորոշ կարգավիճակում:

Ինչպես տեղեկանում ենք Հանրային խորհրդի մամուլի հաղորդագրությունից, նոյեմբերի 19-ին կայացել էր արտահերթ նիստ, որն, ըստ էության, աչքի է ընկել որոշակի «հակահեղափոխական» դրսևորումներով. նիստին ներկաներն ափսոսանք ու մտահոգություն են հայտնել Վազգեն Մանուկյանի հրաժարականի փաստի առնչությամբ, խորհրդի անդամներն անընդունելի են համարել, իշխանական որոշակի շրջանակների կողմից դրսևորվող ոչ պատշաճ վերաբերմունքն ու հրապարակային ելույթները խորհրդի գործունեության նկատմամբ՝ կարևորելով փոխադարձ հարգանքի հանգամանքը և այլն:

Իշխանություններն, ըստ էության, չեն թաքցնում իրենց բացասական վերաբերմունքը ո՛չ նոր կազմավորվող «Վերնատան», ո՛չ էլ, առավել ևս, Հանրային խորհրդի նկատմամբ. այս երկու կառույցներն էլ իշխանությունների «աչքի փուշն» են, ինչը, թերևս, պատճառաբանվում է դրանցում հեղափոխական շնչի բացակայությամբ:

Եթե «Վերնատան» լինել-չլինելու հարցը գործնականում դուրս է իշխանությունների կոմպետենտության շրջանակից, ապա նույնը չի կարելի միանշանակորեն պնդել Հանրային խորհրդի պարագայում, որի նկատմամբ ունեցած իշխանական լծակները, այնուամենայնիվ, շատ ավելի զորեղ են ու ազդու:

Եթե նկատի ենք ունենում այն, որ Հանրային խորհուրդն իր ներկա կազմով չի կարող տեղավորվել նորհայաստանյան իրողությունների շրջանակում, ապա մեջտեղ է գալիս ապագայի երկու տարբերակ՝ կա՛մ կառույցի ոչնչացում, լուծարում, կա՛մ դրա բովանդակային մասի վերանայում:

Այս իմաստով ուշագրավ է, որ իշխանական «Հայկական ժամանակը», անդրադառնալով Հանրային խորհրդի լինելիության խնդրին, չէր բացառել, իսկ ավելի ճիշտ՝ առավել նպատակահարմար էր համարել երկրորդ տարբերակը: Պատահակա՞ն են, արդյոք, իշխանական մամուլում հայտնված թափանցիկ ակնարկները, կամ որքանո՞վ է իսկապես հավանական Հանրային խորհրդի ապագային առնչվող նմանօրինակ սցենարը՝ առհասարակ:

Տիգրան Ավինյանը, լրագրողների հետ ճեպազրույցում պատասխանելով «Վերնատանն» առնչվող հարցին, դրական է արտահայտվել ակումբի մասին՝ համոզմունք հայտնելով, որ այն թարմություն կհաղորդի ներքաղաքական կյանքին: Ճիշտ է՝ դժվար է Ավինյանի տեսակետի ու իշխանական շրջանակներում գերիշխող մթնոլորտի միջև նշմարել որևիցե ներդաշնակություն, սակայն կասկածից վեր է, որ իշխանությունները վաղ թե ուշ ստիպված են լինելու ընդունել «Վերնատան» առաքելության նշանակությունը պետության հասարակական-քաղաքական կյանքում:

Իսկ սա նշանակում է, որ Վերնատան դեմ պայքարը ուշ թե շուտ դուրս է գալու ֆեյքային տրամաբանությունից, ինչը, թերևս, իշխանություններին ստիպելու է փնտրել ակումբին հակակշիռներ:

Հանրային խորհուրդը կարո՞ղ է դառնալ իրական հակակշիռ «Վերնատանը»: Չի բացառվում, որ իշխանական որոշ շրջանակներ արդեն իսկ սկսել են մտմտալ այդ հարցի շուրջ՝ փնտրելով այն մոդելը, որի պրոյեկտման ճանապարհով ՀԽ-ն կարող է «անպետք կառույցից» վերածվել «հանրօգուտ ինստիտուտի»:

Ի սկզբանե էլ պարզ էր, թե ինչով է պայմանավորված իշխանությունների բացասական վերաբերմունքը Հանրային խորհրդի նկատմամբ. այնտեղ հավաքված մարդկանցից շատերը չեն համապատասխանում նորհայաստանյան այն ստանդարտներին, որոնք բացառապես կոչված են՝ բավարարելու Նիկոլ Փաշինյանի քմահաճույքներն ու ծառայել նրա քաղաքական շահերին: Իշխանությունները տանել չեն կարողանում ընդդիմախոսությունը: Այսինքն՝ խնդիրը ոչ թե Հանրային խորհրդի ֆիզիկական գոյության մեջ էր, այլ դրա բովանդակության: Ուստի՝ կա մեծ հավանականություն, որ իշխանությունները կարող են ձեռնարկել մի գործընթաց, որի վերջնական նպատակը կլինի ոչ թե Հանրային խորհրդի ոչնչացումը, այլ դրա կազմի վերաթարմացումը. կառույցը կարող են լցնել «նորհայաստանյան արժեքների» ջատագով «սպիտակներով»՝ նրանց վերապահելով մեկ հիմնական հանձնարարական՝ սպասարկելով Նիկոլ Փաշինյանի քաղաքական շահերը՝ հնարավորինս հակազդել «Վերնատանը»:

Հանրային խորհրդի շուրջ ծավալվելիք իրադարձությունների նմանօրինակ սցենարն իսկապես բացառել չի կարելի, սակայն ողջ հարցն այդ պարագայում կայանալու է նրանում, թե որքանո՞վ իշխանություններին կհաջողվի մեկ վայրում մեկտեղել հանրության շրջանում իսկապես հեղինակություն վայելող մարդկանց, այնպիսիներին, որոնք կկարողանան մի կողմից՝ սպասարկել հեղափոխությանը, մյուս կողմից՝ այդ ճանապարհին չկորցնել իրենց դեմքն ու եսը, եթե այն, առհասարակ, կունենան:

Վարդգես ՍԱՐԳՍՅԱՆ

Լրահոս
Սերժ Սարգսյանը հեռախոսազրուց է ունեցել Ն.Ս.Օ.Տ.Տ. Արամ Ա Մեծի Տանն Կիլիկիո Կաթողիկոսի հետ Բեյրութում տեղի ունեցած պայթյունի հետևանքով զոհվածների թիվը հասել է 135-ի Ամուլսարի տարածքից 7 քաղաքացի բերման է ենթարկվել ոստիկանություն. Էդգար Ջանոյան Համայնքի 11 զոհերը Լիբանանի զանազան շրջանների բնակիչներ էին. Մանրամասներ Մարդու իրավունքների պաշտպանի հանձնարարությամբ՝ արագ արձագանքման խումբն արդեն Ոստիկանության Վայքի բաժնում է Ամուլսարում մեքենան անցել է ցուցարարի ոտքի վրայով, սկսվեց նստացույց Հրապարակվել են Ալեն Սիմոնյանի և Արթուր Դանիելյանի միջև ծեծկռտուքից կադրեր ու Ոստիկանություն Սիմոնյանի արած զանգի ձայնագրությունը Սիրիայում իսրայելական օդուժի հարվածի հետևանքով 15 զինվորական է զոհվել Խոշոր ավտովթար Արմավիրի մարզում. տուժել է 40 մարդ Որոշում է կայացվել արտակարգ դրության ռեժիմը ևս մեկ ամսով երկարացնել․ Տիգրան Ավինյան Ամուլսարում 2-րդ օրն անընդմեջ բողոքի ակցիա է՝ ընդդեմ հանքի շահագործման. ՈՒՂԻՂ Փոխոստիկանապետ Հայկ Մհրյանը նոր պաշտոն կստանա Մենք ունենալու ենք կորոնավիրուսից իջեցող մահացածություն. Արսեն Թորոսյանը նոր թվեր հրապարակեց. ՈՒՂԻՂ Արթուր Վանեցյանը հեռախոսազրույց է ունեցել Արամ Ա-ի հետ, ցավակցական նամակ հղել Լիբանանի դեսպանին Ջերմուկցիները մենակ են մնացել. Վահագն Վարագյան (տեսանյութ) Փաստաբան. Ալեն Սիմոնյանի հոգեկան խիստ հուզմունքի մասին խոսելը անթույլատրելի է Նորակոչիկների զինվորական երդման արարողությունները կիրականացվեն առանց տեսակցությունների ու հրավերների Հայաստանը պետք է ցույց տա, որ Լիբանանի ժողովրդի, նաև Լիբանանի հայ համայնքի կողքին է․ Սուրեն Սարգսյան Օրենքի հետ բացարձակ կապ չունեցող գործողություններ են տեղի ունենում, սա աբսուրդ է. ՏԵՍԱՆՅՈՒԹ Արսեն Թորոսյանը մնում է ամենաքննադատվող քաղաքական գործիչների շարքում. «Մեդիա պաշտպան» Օդի ջերմաստիճանը զգալի կբաձրանա Ինձ համար անսպասելի էր. փոխոստիկանապետ Տիգրան Եսայանը՝ պաշտոնից ազատվելու մասին Ոստիկանությունը գործողություններ է կատարում M GROUP ընկերությունում, փաստաբանի հավաստմամբ՝ դրանք ուղեկցվում են լիազորությունների չարաշահմամբ 3-5 մլրդ դոլար. Բեյրութի նահանգապետը գնահատել է նավահանգստում տեղի ունեցած պայթյունի հետևանքով առաջացած վնասի չափը (տեսանյութ) Քրեական ոստիկանության գլխավոր վարչության ծառայողները M Group ընկերությունում են. ՈՒՂԻՂ ՀՀ երկու փոխոստիկանապետերը հրաժարականի դիմո՞ւմ են ներկայացրել Ինչո՞ւ չեն արվում հակամարմինների թեստեր՝ պարզելու համար կորոնավիրուսի տարածվածության աստիճանը. Էլինար Վարդանյան Ռուսաստանը պայթյունի հետևանքով տուժածների համար Բեյրութում շարժական հոսպիտալ կտեղակայի Ինչ-որ մեկը վերջին պահին դիմում է ներկայացրել և դառնալու է տնօրեն. կա´մ մարզպետի բարեկամն է, կա´մ էլ կաշառք է տվել Բեյրութում պայթյունից մահացածների թվում 6 հայ կա․ ՀՀ ԱԳՆ Արարատի մարզի Նորամարգ գյուղի դպրոցի ուսուցիչների բողոքի ակցիան. ՈՒՂԻՂ Բեյրութում հայ զոհերի թիվը հասավ 5-ի Վարչապետի աթոռը զավթած մարդը վախենում է որոշում կայացնել՝ Ամուլսարը սա՞ր է մնալու, թե՞ հանք է դառնալու. Միհրան Հակոբյան Ավերածությունների օր Բեյրութում. արնաշաղախ մարդիկ հուսահատ փնտրում են իրենց կորած հարազատներին (տեսանյութ, լուսանկարներ) Երբ իշխանությունը չի կայացնում հստակ որոշումներ եւ չի ստանձնում պատասխանատվություն, գալիս է քաոսը. Արման Սաղաթելյան Հայաստանում հաստատվել է կորոնավիրուսով վարակվելու 288 նոր դեպք ԱԳՆ. Երեք հայ է մահացել, բայց այս թիվը կարող է աճել Օգոստոսի 5-ին պոտենցիալ վտանգավոր համարվող երկնաքարը նվազագույն հեռավորության վրա կանցնի Երկրի կողքով Հարութ Սասունյան. Ադրբեջանի նկատմամբ քաղաքական հաղթանակը նույնքան կարևոր է, որքան ռազմական հաղթանակը Պայթյունի հետևանքով մեծ վնասներ է կրել Անթիլիասի մայրավանքը
Խմբագրի ընտրություն
website by Sargssyan