Թուրքիայի ու Ասադի ուժերի հրթիռակոծումներից՝ առնվազն 20 զոհ
04/12/2019 10:22
Նմանատիպ
ԵՐԵՎԱՆ, 4 ԴԵԿՏԵՄԲԵՐԻ, Panorama.am: Սիրիայի մարդու իրավունքների պաշտպանության խմբի տվյալներով, Ասադի զորքերի կողմից արձակված հրթիռներից մեկը հարվածել է Մաարեթ ալ Նուման քաղաքի մարդաշատ շուկային՝ սպանելով 13 մարդկանց: Քաղաքը վերահսկվում է ընդդիմադիր զինյալների կողմից:
Ըստ ակտիվիստների, մի քանի զոհեր են գրանցվել նաև Սարաքիբ քաղաքի շուկայի վրա արձակված հրթիռների արդյունքում:
Սիրիայի հյուսիս-արևմտյան շրջանները միակ տարածքներն են, որոնք վերահսկվում են ընդդիմադիր զինյալների կողմից ութ տարի տևած քաղաքացիական պատերազմի արդյունքում:
Ինչպես գրում է Ամերիկայի Ձայնը, անցած ամիս Սիրիայի կառավարությունը սկսեց նոր հարձակում այդ շրջաններում՝ գրավելով նոր բնակավայրեր: Ռազմական գործողություններին օժանդակում է ռուսական և կառավարական օդուժը:
Հետևեք մեզ նաև Telegram-ում