AM | RU
USD
EUR
RUB

Իշխանությունների՝ Սահմանադրական դատարանի դատավորներից ազատվելու բոլոր քաղաքական փորձերն անարդյունք էին. Արա Ղազարյան

 

ԵՐԵՎԱՆ, 9 ԴԵԿՏԵՄԲԵՐԻ, Tert.am: Իշխանությունների՝ Սահմանադրական դատարանի դատավորներից ազատվելու բոլոր քաղաքական փորձերն անարդյունք էին, դրա համար էլ այժմ դիմում են նրանց՝ վաղաժամ թոշակի անցնելու նախագծին: Tert.am-ի հետ զրույցում այս տեսակետը հայտնեց փաստաբան Արա Ղազարյանը:

«Իշխանությունների հայտարարությունները, թե ՍԴ-ում չկան դատավորներ, կան անդամներ, և փորձում էին հիմնավորել, թե քանի որ իրենք անդամներ են, հետևաբար չեն կարող շարունակել պաշտոնավարել, այնուհետ ՍԴ նախագահության հռչակում՝ ՍԴ դատավորներից մեկի կողմից. սրանք բոլորը քաղաքական լուծումներ էին, բայց չաշխատեցին: Եվրոպացիներն էլ դեմ եղան այդ լուծումներին՝ ընդգծելով, որ պետք է գնալ իրավական ճանապարհով»,- ասաց Ղազարյանը՝ նշելով, թե այժմ իշխանություններին մնացել է իրավական այս միակ ճանապարհը՝ սոցիալական փաթեթի միջոցով դատավորներից ազատվելը:

«Մյուս իրավական ճանապարհը կլինի քրեական կամ կարգապահական հետապնդումը, որի համար հիմքեր չկան»,- հավելեց փաստաբանը:

Հիշեցնենք, որ նախագծով առաջարկվում է Սահմանադրական դատարանի դատավորների բացառապես կամավոր սկզբունքով վաղ կենսաթոշակի անցնելու կառուցակարգ՝ բոլոր սոցիալական երաշխիքների պահպանմամբ: Մասնավորապես, առաջարկվում է Սահմանադրական դատարանի դատավորի կողմից մինչև 2020 թվականի հունվարի 31-ը հրաժարական ներկայացնելու դեպքում, նրա լիազորությունները դադարելուց հետո, մինչև իր համար Սահմանադրությամբ սահմանված պաշտոնավարման տարիքը լրանալը նրան հատկացնել կենսաթոշակ՝ հրաժարականի պահին ստացած պաշտոնային դրույքաչափի ու հավելավճարի չափով:

Արա Ղազարյանի կարծիքով՝ իշխանությունների նպատակը ՍԴ դատավորներից ազատվելն է, ասպարեզից նրանց հեռացնելը, որովհետև դատավորներն ընտրվել են նախկին իշխանությունների կողմից, մինչդեռ, ըստ Ղազարյանի, եթե նրանք ընտրվել են նախկին իշխանությունների կողմից, չի նշանակում, թե վատ դատավորներ են:

«Այս իմաստով չէի ցանկանա, որ ընդհանարապես այս նախագիծը լիներ, մանավանդ, որ իշխանությունների կողմից զուգահեռ հնչել են նաև անհանդուրժողականության կոչեր ՍԴ դատավորների հասցեին»,- ասաց փաստաբանը:

Դիտարկմանը, թե ԱԺ ընդդիմադիր խմբակցությունները հայտարարել են, թե դեմ են նախագծին, և արդյո՞ք իշխող «Իմ քայլը» խմբակցությունն ականջալուր կլինի քննադատություններին, Արա Ղազարյանն արձագանքեց, թե «Իմ քայլը» քաղաքական ծրագիր ունի, որն իրականացնելուն ոչինչ չի խանգարում, քանի որ բացարձակ մեծամասնություն ունի:

«Բազմաթիվ հրապարակային հայտարարությունները խոսում են այն մասին, որ իշխող խմբակցությունը վճռական է տրամադրված, հետևաբար՝ նախագիծը կընդունվի»,- ասաց փաստաբանը՝ նշելով նաև, որ ամբողջ հարցն այն է, թե ՍԴ դատավորներից որևէ մեկը կօգտվի՞ այդ նախագծից, թե՞ ոչ:

«Իմ կարծիքով՝ գուցե մեկ-երկու հոգի օգտվեն, բայց մեծամասնությունը հաստատ չի օգտվի: Ամեն դեպքում այն, որ նախագիծը հարկադրանք չի պարունակում, կամավոր սկզբունքով է, և թողել են ՍԴ դատավորների հայեցողությանը, լավ է: Եթե վերջիններս չօգտվեն, որևէ հետևանք չի լինի»,- ասաց Արա Ղազարյանը՝ հավելելով, թե նախագիծը նաև հակասում է դատավորների անփոփոխելիության սկզբունքին:

Լրահոս
Կորոնավիրուսային վարակից երկու պայմանագրային զինծառայող է մահացել․ դատախազությունը հաստատում է ՍԴ նախագահի պաշտոնում ինքնաառաջադրվել է Երվանդ Խունդկարյանը. Է. Շաթիրյան (տեսանյութ) Սաթիկ Սեյրանյան. Թույլ չտվեցի, որ Փաշինյանը շոուն շարունակի (Տեսանյութ) ՍԴ նիստը կրկին ընդմիջվեց, կշարունակվի վաղը. նախագահի միակ թեկնածուն այս պահին Երվանդ Խունդկարյանն է Գրիշա Թամրազյանը հրաժարականի դիմում է ներկայացրել Չի կարելի անտեսել հեռակա համակարգում սովորողներին. Ափոյան Արցախի նախագահն այցելել է Ստեփանակերտի արևելյան հատվածում տեղակայված գերեզմանատան տարածք ՍԴ նախագահի մեկ առաջադրված, մեկ ինքնաառաջադրված թեկնածու կա. Նոր մանրամասներ՝ ՍԴ նիստից ՀՔԾ-ն արձագանքել է Ղազինյանի բողոքի բավարարման մասին հրապարակմանը Թույլ մի՛ տվեք, որ գաղթենք. պահանջում ենք աչալուրջ մոտեցում հայրենադարձության նոր ալիքի նկատմամբ. հայրենադարձ (տեսանյութ) Պաշտպան. Գագիկ Ծառուկյանի գործով հանցագործության մասին հաղորդում է ներկայացվել Սա խուժանապետություն է, Փաշինյանը բոլորին համոզել է, որ կա մի մեթոդ՝ աղմուկ ու փողոցային պայքար. Միհրան Հակոբյան (տեսանյութ) Ֆիզիկական կուլտուրայի և սպորտի ինստիտուտ ընդունվելու կարգը կփոխվի Աննա Հակոբյանի մասին դիտարկվել են բազմաթիվ բացասական հոդվածներ․ «Մեդիա պաշտպան» Պուտինը Խաղաղության Նոբելյան մրցանակի է առաջադրվել «Վարկային հիմնախնդիրները՝ ՀՀ բանկային համակարգում» թեմայով խորհրդարանական լսումները՝ ուղիղ Վարկառուները կսկսեն չվճարել՝ ենթադրելով, որ ապագայում ներվելու են. Երիցյանը՝ համաներման մասին Իրանի նախագահը երեք օր անց շնորհավորել է Նիկոլ Փաշինյանին Ինչ եղանակ է սպասվում առաջիկա օրերին Ֆրանսիական Բուրգ լե Վալանսի քաղաքապետը կոշտ պատասխան է տվել ադրբեջանցիներին Էլինար Վարդանյան. Վարչապետի դատաիրավական էմոցիաները Լևոն Շիրինյան՝ 300 դոլարով «ստատուս գրողը» Կարող եմ ենթադրել, որ որոշակի անդամներ միմյանց հետ որոշակի քննարկումներ կատարում են, ես այդ ամեն ինչից տեղյակ չեմ. Հրայր Թովմասյան (Տեսանյութ) Հայաստանի դատական ոլորտում բարեփոխումների համար Եվրոպական հանձնաժողովը 30 մլն եվրո կտրամադրի Արսեն Թորոսյան. Վարակակիրների կտրուկ աճը դեռևս չենք պայմանավորում դպրոցները բացելով Կառավարության նիստ. ՈՒՂԻՂ Հայաստանում կորոնավիրուսով վարակվելու դեպքերն ավելացել են Կառավարության դիմաց տեղի ունեցող ակցիաները՝ ուղիղ Արցախի հարցում Թուրքիան և Ադրբեջանը երկու ծրագիր ունեն. Հրանտ Մելիք-Շահնազարյան Որ աշակերտներն այսուհետ կարող են դիմակ չկրել. Նոր որոշում է ստորագրվել «Հրապարակ»․ Արկադի Ղուկասյանը իր դեմ մահափորձի վերաբերյալ տեսանյութ ունի «Ժողովուրդ»․ Հայաստան ուղարկվող գումարները կրճատվել են «Փաստ»․ ԱԺ-ում որոշել են անաղմուկ ՌԴ-ի պահանջը կատարել «Հրապարակ». Ամեն ինչ արել են, որ սանկցիայի քննությունը համընկնի դատավոր Մնացական Մարտիրոսյանի հերթապահությանը «Հրապարակ». Իշխանության ներքին խոհանոցից տեղեկություն դուրս հանողներին խիստ պատիժ է սպասվում «Փաստ». Բանակցային սեղանին մադրիդյան սկզբունքնե՞րն են «Փաստ». Նիկոլ Փաշինյանի նկատմամբ քրեական գործ կհարուցվի՝ պաշտոնեական կեղծիք կատարելու համար ՕՐՎԱ ԽՈՐՀՈՒՐԴԸ: Սեպտեմբերի 24 Իրանի նախագահի կողմից Փաշինյանին ուղղված շնորհավորանքի ուշացումն արդեն ուղերձ է. Վարդան Ոսկանյան Նիկոլ Փաշինյանի կառավարությունը Սևանի հիմնախնդիրը «գցել է ոտքին». Վ. Վարագյան
Խմբագրի ընտրություն
website by Sargssyan