AM | RU
USD
EUR
RUB

«Փաստ». Իշխանությունները ցանկություն չունեն դասեր քաղել իրենց թերացումներից

 

«Տարվա ընթացքում հանրային բուռն քննարկման առարկա դարձավ այն թեման, թե իշխանափոխությունից հետո ինչ դրական փոփոխություններ են նկատվում քաղաքացիների կյանքում:

Եվ խոսքը հիմնականում ոչ թե այն փոփոխությունների մասին է, որ մենք ականատես էինք լինում նաև նախորդ տարիներին, այլ հեղափոխական փոփոխությունների մասին, որի շուրջ վարչապետ Նիկոլ Փաշինյանը շատ է սիրում խոսել:

Իհարկե, արդեն իսկ դրական է, որ երկրի տնտեսությունը աճ է գրանցում, և կառավարությունն ակնկալում է տարին փակել մոտ 7 տոկոս տնտեսական աճով, սակայն հարցն այն է, թե այս աճը որքանով է հեղափոխական, մանավանդ, որ նախորդ տարիներին ևս եղել են նման չափով աճեր և նույնիսկ ավելին:

Պատահական չէ, որ մեծ թվով տնտեսագետներ այն կարծիքին են, որ այս տարվա տնտեսական աճի որակական մակարդակը շատ ցածր է:

Նշվում է, որ երկարաժամկետ հիմքեր չեն ստեղծվում հետագայում ևս տնտեսական զարգացման համար, և ներկայիս տնտեսական աճի մեջ մեծ մասնաբաժին ունեն այնպիսի բաղադրիչներ, որոնց նշանակությունը միայն կարճաժամկետ է:

Որպես նշվածի լավագույն օրինակ կարող ենք բերել ավտոմեքենաների ներմուծումը, որը հաջորդ տարվանից զգալիորեն նվազելու է:

Իսկ մեքենաների ներմուծումը այս տարվա տնտեսական աճի մեծ մասնաբաժինն է կազմել, և այն եկամուտները, որ ունեցել է պետբյուջեն ավտոմեքենաների ներկրման արդյունքում, հաջորդ տարի էլ չի ունենալու:

Սակայն պետք է հաշվի առնել, որ ավտոմեքենաների աճին զուգահեռ էլ ավելանում են Հայաստանից արտերկիր փոխանցվող գումարները, որոնք մեր քաղաքացիները վճարում են ավտոմեքենաների դիմաց, սակայն Հայաստանից գումարների արտահոսքը միայն ավտոմեքենաների ներկրմամբ չի պայմանավորված, և, ընդհանուր առմամբ, այս տարվա առաջին 9 ամիսներին Հայաստանից արտերկիր է փոխանցվել 1 մլրդ 67 մլն դոլարի գումար՝ նախորդ տարվա 829,6 մլն դոլարի դիմաց։

Ստացվում է գումարների արտահոսքն ավելացել է 238 մլն դոլարով կամ 28,6 %-ով։ Գումարների արտահոսքին զուգահեռ կրճատվել է նաև երկիր մտնող ֆինանսական միջոցների քանակը: Այսպես, այս տարվա ինը ամիսներին դրամական փոխանցումների ներհոսքը կրճատվել է 115,1 մլն դոլարով կամ 25.6 %-ով։

Եթե դեպի Հայաստան ներդրումների մեծ հոսք լիներ, ապա դա կարտահայտվեր նաև դրամական փոխանցումների տեսքով, իսկ սա վկայում է այն մասին, որ իշխանափոխությունից հետո Հայաստանի տնտեսական գրավչությունը առանձնապես չի մեծացել, իսկ տնտեսական հեղափոխության մասին իշխանությունների հայտարարությունները դեկլարատիվ բնույթ ունեն:

Իսկ այն ոլորտներում, որտեղ իշխանություններին չի հաջողվել աճ գրանցել, վարչապետը փորձում է արդարացնել, թե իբր նախկինում տարբեր մեխանիզմներով հնարավոր է եղել մեծ աճ ցույց տալ, իսկ հիմա, երբ այդ գործելակերպը իրենք վերացրել են, դրա համար էլ անկում է գրանցվել:

Օրինակ՝ Ազգային ժողովում վարչապետ Նիկոլ Փաշինյանը հայտարարեց, թե գյուղատնտեսության ոլորտում տարիներ շարունակ ուռճացված աճ է ցույց տրվել կեղծ մթերումների և կեղծ արտահանումների միջոցով, իսկ այժմ նման պրակտիկա չկա:

Սակայն սա ընդամենը արդարացում է իշխանությունների կողմից իրենց թերացումները քողարկելու համար, և համապատասխան քաղաքականության արդյունքում միանգամայն հնարավոր էր աճ ունենալ նաև գյուղատնտեսության ոլորտում:

Ու ընդհանրապես, իշխանությունները չեն ցանկանում խոսել իրենց բացթողումներից, այլ փորձում են իրականությունը ներկայացնել գունավոր ակնոցներով:

Նախընտրելի կլիներ, որ թերացումները և բացթողումները դառնային լայն քննարկման առարկա, որպեսզի իշխանությունները դասեր քաղեն և հետևություններ անեն իրենց սխալներից հաջորդ տարի սպասվող տնտեսական ռիսկերին դիմագրավելու համար:

Այնինչ Փաշինյանը շարունակում է խոսել տնտեսական թռիչքի մասին. ի՞նչ թռիչքի մասին է խոսքը, երբ ՎԿ-ի օրերս հրապարակված՝ «Հայաստանի սոցիալական պատկերը և աղքատությունը» զեկույցի համաձայն, Հայաստանում դեռևս գրեթե ամեն չորրորդն աղքատ է և վաստակում է 42 հազար 600 դրամից պակաս ամսական գումար»,-գրում է թերթը:

Մանրամասները՝ թերթի այսօրվա համարում:

Լրահոս
Հունիսի 18-ից ՍԴ-ն որոշում չի կարողացել կայացնել. Արամ Վարդևանյան ՀՀ տարածքում ջերմաստիճանն աստիճանաբար կնվազի Հակառակորդի կողմից հրադադարի պահպանման ռեժիմը խախտվել է շուրջ 295 անգամ Իրանը մտադիր է վրեժ լուծել գեներալ Սուլեյմանիի սպանության մասնակիցներից Արձակուրդից վերադառնալուց հետո Հրայր Թովմասյանը մասնակցել է բոլոր նիստերին. ՍԴ Ինչից է ՁԵԶ փորձում զրկել «հեղափոխությունը». Արփինե Հովհաննիսյան «Պռոշյանի գինու գործարան»-ում պայթյունի հետևանքով տուժածներից մեկը մահացել է Արցախի Ազգային ժողովի նստավայրը Ստեփանակերտից կտեղափոխվի Շուշի Սպասվում են լրջագույն քաղաքական զարգացումներ, որտեղ «Հայրենիք» կուսակցությունն ունենալու է առանցքային դեր․ Արթուր Վանեցյան Հայաստանում կորոնավիրուսով վարակվելու հաստատված դեպքերը «Տեսողությունս կորցնելուց հետո եմ միայն իմացել, որ գարդասիլի պատվաստում եմ ստացել» «Ժողովուրդ»․ Շուտով կհայտարարվի նախաքննության ավարտի մասին «Հրապարակ»․ Երկրի վարչապետն ավելի կարևոր մտահոգություն ունի, քան մեր երկրի սոցիալ-տնտեսական վիճակն ու բյուր խնդիրները «Ժողովուրդ»․ Առաջիկայում Հայաստանում նոր թանկացումներ կլինեն և արդեն կան «168 ժամ». Քաղաքական բանավեճի ու մշակույթի մակարդակն իջել ու իջնում է՝ հասնելով անթույլատրելի ցածր կետի «Հրապարակ». Ձեր երկրում անասելի շատ քրգործեր են հարուցվում, որոնք ոչ մի հանգրվանի չեն հասնում․ ՀՀ-ում ՌԴ դեսպան «Հրապարակ». Խաչատուր Սուքիասյանը իշխանության փիարը նոր մակարդակի է հասցնում ՕՐՎԱ ԽՈՐՀՈՒՐԴԸ: Սեպտեմբերի 19 «Իմ քայլը» հիմնադրամը նորաստեղծ ՀԿ-ին մոտ 96 մլն դրամ էր տվել՝ նոյեմբերին Համալիրում կազմակերպված փառատոնի համար Նոր չարտերային չվերթներ Մոսկվայից Երևան Պաշտպանվել սեփական կառավարությունից Նիկոլ Փաշինյանի հրաժարականի պահանջով բողոքի ակցիա՝ Մատենադարանի դիմաց. ՏԵՍԱՆՅՈՒԹ Այլևս չենք զարմանում մեզ հարևան որոշ երկրների դրսևորած վանդալիզմից. Հայրապետյան «Հայրենիք» կուսակցությունը խորհրդի նիստ է անցկացրել «Մտքովդ չանցնի, որ պետութունն ու ժողովուրդը վճարելու են քո ճակատագրական սխալների գինը». Աշոտյանը՝ վարչապետին Հայաստանում կա էլիտա, որը կարող է փոխարինել այս իշխանություններին. Ռոբերտ Քոչարյան (տեսանյութ) Ճիշտ չէ, որ բանակում չծառայած մարդն ասի՝ բոլորդ պետք է ծառայեք. Գորգիսյան Թո՛ղ գան, խոսե՛ն մարդկանց հետ. Ամուլսարի հարակից համայնքի բնակիչները Կառավարությանը հրավիրում են համայնք (Տեսանյութ) «Qatar Airways»-ը դեպի Երևան թռիչքները հոկտեմբերի 5-ից կդարձնի ամենօրյա Ես ասել ու ասում եմ՝ եթե պետությունը քայլեր չանի, փոփոխություններ չկատարի, մենք օր օրի անդունդ ենք գնալու. Գագիկ Ծառուկյան (տեսանյութ) Արցախի նախագահն ընդունել է ՀՀ ԱԳՆ պատվիրակությանը Սորոսական շրջանակնե՞րն են Բաթոյանին ջրից չոր դուրս բերում․ «Մեդիա պաշտպանի» մշտադիտարկումները մամուլում ՀՀ տարածքում վաղվանից ջերմաստիճանն աստիճանաբար կնվազի Արմավիրի մարզում մի քանի գյուղերի բնակիչներ փակել են Էջմիածին-Մարգարա ճանապարհը Այս ամենի հետևում նկատելի է «Թուրքիայի մեծ ականջները». Տիգրան Աբրահամյան Երկու ստենդ սրտիս ոտքով եկել եմ ու ընտրել քեզ, ինչո՞ւ ես դուխներս կոտրում. Ակցիայի մասնակիցը՝ Նիկոլ Փաշինյանին Անթաքույց փորձում են կրթական բովանդակության մեջ նվազեցնել ազգային մշակութային և արժեքային տարրերը. Ավետիք Չալաբյան Հայաստանում կորոնավիրուսով վարակվելու հաստատված դեպքերը Հագուստ և կոշիկ ներկրող տնտեսվարողները բողոքի ակցիա են անում Կառավարության շենքի դիմաց. ՈՒՂԻՂ ԱԺ նիստը՝ ուղիղ
Խմբագրի ընտրություն
website by Sargssyan