ՍԴ-ն մնացել է միակ անառիկ ամրոցը, որը գրավելով՝ իշխանությունը կարող է ցանկացած նախաձեռնություն կյանքի կոչել. Գևորգ Պետրոսյան

ՍԴ-ն մնացել է միակ անառիկ ամրոցը, որը գրավելով՝ իշխանությունը կարող է ցանկացած նախաձեռնություն կյանքի կոչել. Գևորգ Պետրոսյան

ԵՐԵՎԱՆ, 10 ԴԵԿՏԵՄԲԵՐԻ, Aysor.am: Ո՞վ չի հասկանում, որ սա իրականում կամավոր գործընթաց չէ. ամբողջ պետական մեքենան լծվել է այս գործին, այդ ե՞րբ է իրավունքը պարտադրվել մարդկանց, որ այսօր էլ պարտադրվի, և հարց է՝ ինչո՞ւ է թիրախավորվել հենց Սահմանադրական դատարանը, ԱԺ ամբիոնից այսօր իր ելույթն այսպես սկսեց պատգամավոր Գևորգ Պետրոսյանը՝ անդրադառնալով ՍԴ դատավորներին վաղաժամ կենսաթոշակի ուղարկելու նախագծին։

«Ի՞նչու են ընտրվել հենց 2018 թվականից հետո ընտրված անդամները. որովհետև դրանից առաջ ընտրվածները նախորդ իշխանությունների ներկայացուցիչներն են։ Պարոն նախարար, հարկատուներից հարցրե՞լ եք՝ նրանք ուզո՞ւմ են չաշխատող դատավորին ամսական մոտ 800 հազար աշխատավարձ տալ։ Վստահաբար կարող եմ ասել՝ ոչ», – արդարադատության նախարար Ռուստամ Բադասյանին հարց ուղղեց պատգամավորը։

Նրա խոսքով՝ այսօր ՍԴ-ն մնացել է միակ անառիկ ամրոցը, որը գրավելով՝ իշխանությունը կարող է ցանկացած նախաձեռնություն կյանքի կոչել, այդ թվում՝ Ստամբուլյան կոնվենցիան, մինչդեռ ներկա կազմը դա անել թույլ չի տալիս։ «Այն, որ ՍԴ-ի հարցը բացառապես քաղաքական գործընթաց է, դուք եք խոստովանել»,- ասաց Գևորգ Պետրոսյանը։

Հետևեք մեզ նաև Telegram-ում