ՆԱՍԱ-ի տիեզերագնացը հրապարակել է 2020-ի առաջին երկնաքարային հոսքը պատկերող լուսանկար
08/01/2020 22:15
Նմանատիպ
ԵՐԵՎԱՆ, 8 ՀՈՒՆՎԱՐԻ, Tert.am: Ամերիկյան տիեզերական գործակալության (ՆԱՍԱ) տիեզերագնաց Քրիստինա Կոխը հրապարակել է 2020 թվականի առաջին՝ «Կվադրանտիդներ» կոչվող երկնաքարային անձրևը պատկերող լուսանկարը:
Ինչպես ներկայացնում է CNN-ը, տիեզերագնացը թվիթերյան հաղորդագրությամբ հայտնել է, որ ընկնող աստղերը հնարավոր է տեսնել տիեզերքից և Միջազգային տիեզերակայանից:
Ինչպես երևում է, հրապարակված պատկերում, երկնաքարային հոսքն առկայծող աստղերի խումբ է, որոնք ցրվում են երկնքով մեկ:
Երկնաքարային հոսքը տեղի է ունեցել հունվարի 4-ի գիշերը:
Նշենք, որ 2019-ի տարեվերջին հայտնի էր դարձել, որ ամերիկուհի տիեզերագնաց Քրիստինա Կոխը կանանց շրջանում ռեկորդ է սահմանել` մեկ թռիչքի ժամանակ տիեզերքում գտնվելու տևողությամբ:
