Ցույցերի ֆոնին Աբխազիայի խորհրդարանը քվեարկել է նախագահի հրաժարականի օգտին (լուսանկարներ, տեսանյութ)
Նմանատիպ
ԵՐԵՎԱՆ, 10 ՀՈՒՆՎԱՐԻ, Tert.am: Աբխազիայի խորհրդարանը քվեարկել է նախագահ Ռաուլ Խաջիմբայի հրաժարականի օգտին: Այս մասին հայտնում է «ՌԻԱ Նովոստի» գործակալության թղթակիցը:
Ավելի վաղ Խաջիմբան հրաժարվել էր լքել նախագահի պաշտոնը, սակայն ընդդիմության հետ բանակցությունների պատրաստակամություն էր հայտնել:
Նախագահի հրաժարականը պահանջում են ցուցարարները, որոնք երեկ ներխուժել էին նստավայր և շրջափակել այն: Գրոհի ժամանակ աշխատակիցներն արդեն շենքում չեն եղել:
Խաջիմբան Անվտանգության խորհրդի արտակարգ նիստ էր հրավիրել և նշել, որ անհրաժեշտության դեպքում հանրապետությունում հնարավոր է արտակարգ դրություն մտցվի:
Ուժայիններն ուժեղացված ծառայության են անցել:
Խորհրդարանը որոշել է 5 անձի ուղարկել նախագահի հետ բանակցությունների: Հայտնի է, որ հանդիպումը դռնփակ է եղել, սակայն անցել է լարված մթնոլորտում:
Աբխազիայում ցուցարարները դժգոհում են նախագահական ընտրություններում պարտված Ալխաս Կվիցինիայի դատական գործի լսումների ընթացքից, 2019 թվականի նոյեմբերին Սուխումում տեղի ունեցած փոխհրաձգության հետաքննությունից, ինչպես նաև պետության վատ սոցիալ-տնտեսական վիճակից և կոռուպցիայից:
Նախագահը`
Հետևեք մեզ նաև Telegram-ում