AM | RU
USD
EUR
RUB

Մեր ժամանակների հերոսները

 

ԵՐԵՎԱՆ, 13 ՀՈՒՆՎԱՐԻ, Facebook: 2016թ. Ապրիլյան պատերազմից մի դրվագ հիշեցի, որ ընկերներս են պատմել։ Խոսքը երիտասարդ հրամանատարներից մեկի մասին էր, ով իր զինվորներին ոգևերոլու համար ասում էր. «երանի ձեզ, տղերք, Աստված ձեզ հերոսանալու շանս տվեց»։ Տղերքն էլ, հաջողություններից ոգևորված, իսկապես հերոսանում էին՝ էլ տանկ խոցել, էլ թշնամի ոչնչացնել… Ամեն մեկը որքան հասցրեց, այդքան օգտվեց Աստծո պարգևից։ Կարգին գործ են արել ու հաղթանակ կերտել մեր ժողովրդի համար։ Պատկերացնում եմ, թե ինչ հաճույքով էին կռվում։ Պատմության ու Հայրենիքի առջև պատասխանատվության ինչպիսի զգացողությամբ։

Իրենց ու հատկապես այդ երիտասարդ հրամանատարի մասին շատ եմ մտածել հետո։ Հոգեհարազատ ինչ-որ բան կար նրա խոսքերում։ Ուշադիր լսեք՝ Աստված ձեզ հերոսանալու շանս տվեց։ Հիշում եմ, փոքր ժամանակ Հայրիկիս շատ էի հարցուփորձ անում պատերազմի մասին։ Ինձ դուր էին գալիս իր ու իր ընկերների պատմությունները։ Այնքան գունեղ էր ամեն ինչ, որ մեկ ինձ Լիսագորի անտառներում թշնամուն հետապնդելուց էի պատկերացնում, մեկ էլ՝ Մարտակերտում՝ վերջին ուժերով դիրք պահելուց։

- Մեծանամ, ֆիդայի եմ դառնալու, - երազկոտ ասում էի ես։

- Չէ, բալես։ Աստված չանի ֆիդայիներ լինեն, երբ մեծանաս։

Սկզբից չէի հասկանում՝ ինչու էր այդպես ասում, հետո տեղ հասավ՝ պետություններին բանակներ են պետք և ոչ թե ֆիդայական խմբեր։

«Բայց իմ հոր ու իր ընկերների պատմածները ֆիդայիների մասին են», - մտածում էի ես՝ մեծանալուս զուգընթաց հարմարվելով այն մտքին, որ այդքան սիրուն, նաև ռոմանտիկ թվացող կյանք ինձ չի «սպառնում»։ Հետո պատերազմն ավարտվեց ու ամեն ինչ վերջացած թվաց ինձ։ Հերոսներն արդեն կային։ Նրանց մի մասը մեր կողքին էր ապրում, մյուս մասը՝ աշխարհներից լավագույնում։ Հաղթանակները շատ իրական և շոշափելի էին։ Անգամ Հայրս ու իր ընկերները սկսեցին ուրիշ բաներով զբաղվել։ Տարօրինակ էր։

Մինչ պատերազմի ավարտը հերոսությունն ինձ համար շատ կոնկրետ տեսք ուներ՝ պետք էր կռվի դաշտում հնարավորինս շատ թուրք սպանել։ Այն ժամանակ չէի տեսնում, չէի հասկանում, որ հորիցս առավել, օրինակ, մայրս է հերոս։ Որովհետև անտրտունջ գնում էր ամուսնու ետևից, չէր վիճում նրա հետ, չէր հակաճառում, այլ ամեն պահ կանգնած էր նրա կողքին։ Որովհետև իր զավակների կյանքին սպառնացող վտանգի երեսից օրվա ընթացքում 10 անգամ այն աշխարհ էր գնում-գալիս, բայց շարունակում ապրել ու ապրեցնել։ Կարծես ամեն ինչ հենց այդպես էլ պետք է լիներ։ Չէի տեսնում ու չէի հասկանում, որ իմ հոր ընկերներից ավելի քաջ նրանց տիկնայք ու մայրերն էին, որ, չնայած ռմբակոծություններին, շարունակում էին դպրոցներում երեխա կրթել ու հիվանդանոցներում մարդ բուժել։

Հետո մի քիչ էլ մեծացա։ Այլ հերոսների էլ տեսա։ Ծեր կանանց, որ ապրում են իրենց անմահացած զավակների վիշտը սրտներում։ Ապրում են լոկ մի բանի համար… որ շարունակեն իրենց որդիների գործը, որ նրանց բացակայությունը չզգացվի։ Որ իրենց սերն այլ մայրերի զավակներին բաշխեն։ Տեսա երիտասարդ ծնողների, որ օր ու գիշեր տանջվում, պայքարում են իրենց երեխաների լավ ապագայի համար։ Ու էլի շատ բան տեսա, որ ո՛չ պատմելու է և ո՛չ էլ հավատալու։

Հիմա կհարցնեք՝ ինչու՞ հիշեցի այս ամենը։ Ասեմ։ Վաղուց եմ մտածում այս հիշողություններով և մտորումներով կիսվելու մասին։ Կիսվել և հետո մատնացույց անել մեր երկրի համար չափազանց կարևոր պայքարի առաջնագծում կանգնած հերոսներին։

Ալվինա Գյուլումյան, Արևիկ Պետրոսյան, Արման Դիլանյան, Արաիկ Թունյան, Հրանտ Նազարյան, Ֆելիքս Թոխյան, Աշոտ Խաչատրյան և, վերջապես, Հրայր Թովմասյան։ Ձեզ ծանո՞թ են նրանց անունները։ Թե ոչ, հիշեք՝ մեր ժամանակների հերոսներն են։ Մարդիկ, ում Աստված հերոսանալու շանս է տվել։ Նրանք էլ օգտվում են։ Կարծում եմ՝ հեշտ չէ։ Հատկապես, երբ քեզ փորձում են ամեն կերպ կոտրել՝ մեկ ցմահ ճոխ թոշակ խոստանալով, մեկ էլ՝ արտաամուսնական կապեր բացահայտելու սպառնալիքով։ Մեկ ծեր ծնողների տները խուզարկելով, մեկ էլ՝ դստրերին ԱԱԾ «հրավիրելով»։ Նման պայմաններում պետք է որ դժվար լինի հասնել Աստծո՝ մեկնած ձեռքին։ Չգիտեմ։ Ինձ նման շանս երբեք չի տրվել։ Բայց երանի նրանց, ում տրվել է և ով կարողացել է օգտվել այդ հնարավորությունից։ Նրանք գիտեն իրենց առաքելությունը և պատվով են իրականացնում այն։ Տարիներ կանցնեն, խոսքս կհիշեք։

Հրանտ ՄԵԼԻՔ-ՇԱՀՆԱԶԱՐՅԱՆ

Լրահոս
Չինաստանից ուղարկված առաջին մարդասիրական օգնությունը հասել Իրան Եղանակը կտաքանա «ՁԻԱՀ-ի կանխարգելման կենտրոն»–ի՝ «Նորք» ինֆեկցիոն հիվանդանոցին միավորվելու ԱՆ որոշման մասին ասուլիսը. ՈՒՂԻՂ «Թույլ տվեք չմեկ­նա­բա­նեմ» Զոհված կամ վիրավորված զինծառայողների մասին նախագիծ՝ Ազգային ժողովում Թուրքիան սիրիական Իդլիբում 33 զոհ և 32 վիրավոր ունի ԱՄՆ-ում հայտնել են, թե ինչպիսի մակերևույթների վրա է կորոնավիրուսն առավել երկար «ապրում» ՍԴ փոխնախագահ Ալվինա Գյուլումյանը հանդիպել է մի շարք բուհերի իրավաբանական ֆակուլտետների ներկայացուցիչների հետ Երևանում պայթեցրել են Մալաթիա-Սեբաստիայի դատախազության դատախազի Mercedes-ի դիմապակին ԱԺ պաշտպանության և անվտանգության հարցերի մշտական հանձնաժողովի նիստը՝ ուղիղ Ինչպես պաշտպանվել կորոնավիրուսից Վիտալի Բալասանյան. «Գիտեմ՝ ինչ վիճակում է գտնվում կամուրջը, որը կենսական նշանակություն ունի Ձեզ համար» Բելառուսում, Նոր Զելանդիայում, Նիգերիայում գրանցվել են կորոնավիրուսով վարակման առաջին դեպքերը Կորոնավիրուսի առաջին դեպքն է հայտնաբերվել Լիտվայում Վարդենյաց լեռնանցքը կցորդիչով բեռնատարների համար փակ է Ն. Փաշինյանը և Վեհափառ Հայրապետը հարգանքի տուրք են մատուցում Սումգայիթի անմեղ զոհերի հիշատակին. ՏԵՍԱՆՅՈՒԹ «Իրատես». Փաշինյանի «հանելուկը». Ո՞ւր կորավ Իշխան Զաքարյանի դղյակը «Ժողովուրդ»․ Թափառող շների հարցն օր օրի ավելի անլուծելի է դառնում «Հրապարակ». Նախագծի ընդունման դեպքում Գևորգ Պետրոսյանը կարող է դատապարտվել «Իրատես». ՔՊ դրամահավաքին հյուրերից շատերը որոշակի ակնկալիքով են մասնակցել «Իրավունք». Որքա՞ն գումար է փոխանցել Սամվել Ալեքսանյանը հանրաքվեի համար նախատեսված դրամահավաքին «Ժողովուրդ»․ Հայաստանում հոսպիտալացվել է ջերմող կամ այլ նշաններ ունեցող 40 հոգի «Հրապարակ». ԲԴԽ անդամն իր դատավճիռն է գրել, կդադարեցվի՞ նրա անդամությունը ԲԴԽ-ին «Փաստ». Նախկին էյֆորիան վաղուց արդեն չկա, կոշտ հռետորաբանությունը կարող է սպասված արդյունքը չունենալ «Հրապարակ». Գագիկ Ջհանգիրյանի համար պաշտոնի որոնումները շարունակվում են «Փաստ». Կկայանա՞ «Մարտի 1-ի» երթը «Իրատես». Ինչո՞ւ են կորոնավիրուսի հնարավոր վարակակիրներին առանձնացնում բոլոր երկրներում, իսկ ՀՀ-ում՝ տուն ուղարկում «Հրապարակ». Փաշինյանն ընդլայնում է Կառավարության հաստիքացուցակը «Փաստ». Եվս մեկ ռիսկային նախագիծ իշխանության կողմից ՕՐՎԱ ԽՈՐՀՈՒՐԴԸ: Փետրվարի 28 Թուրք զինվորականներն Իդլիբում հրետակոծում են սիրիական և ռուսական ինքնաթիռները (տեսանյութ) Մարտի 1-ը քաղաքական խաղաքարտ է Նիկոլ Փաշինյանի իշխանության ձեռքին, որն անընդհատ շահարկվում է․ Նարեկ Սամսոնյան (տեսանյութ) Ո՞ւմ դրոշը ծածանվեց Ռեյխսթագի վրա, որևէ մեկը դա չի մոռանա․ Վլադիմիր Պուտին Հայաստանում մահացած քաղաքացու՝ կորոնավիրուսով վարակված լինելու հանգամանքը հերքվել է Կորոնավիրուսից մահացել է Վատիկանում Իրանի նախկին դեսպանը Երևանի փոքր կենտրոնում գործում է նոր և գերժամանակակից ավտոկայանատեղի 7 մարդ ովքեր մեր բոլորի պետությունը վեր դասեցին փողից ու ցմահ թոշակի գայթակղիչ առաջարկից Երանի նրան, ով հիշատակ ունի Սուրբ Էջմիածնում ՍԴ դատավորներից որեւէ մեկը վաղ կենսաթոշակի անցնելու դիմում չներկայացրեց Իրանի փոխնախագահի մոտ կորոնավիրուս է ախտորոշվել
Խմբագրի ընտրություն
website by Sargssyan