Մամեդյարովն ու Մնացականյանը միասին ընթերցում են Տոլստոյի «Պատերազմ և խաղաղություն»-ը՝ շվեդերենով

ԵՐԵՎԱՆ, 29 ՀՈՒՆՎԱՐԻ, Facebook: Ժնևում 5 ժամ առաջ մեկնարկել է Հայաստանի և Ադրբեջանի արտաքին գործերի նախարարներ Զոհրաբ Մնացականյանի և Էլմար Մամեդյարովի հանդիպումը: Հանդիպման ավարտի մասին այս պահին որևէ պաշտոնական տեղեկություն չկա:

Հաշվի առնելով, որ Նիկոլ Փաշինյանը պնդում է, որ սեղանին չկա բանակցային փաստաթուղթ, ապա այսքան երկար տևող հանդիպման ընթացքում կողմերը՝

-Netflix-ով նայում են ՎԻԿԻՆԳՆԵՐ-ի բոլոր սեզոնները:

-Միասին ընթերցում են Տոլստոյի «Պատերազմ և խաղաղություն»-ը՝ շվեդերենով:

-Play Station են խաղում, խաղը թեժ է, մոռացել են ժամին նայեն:

-Խաշից հետո արդեն 4-րդ տաք ուտեստն են բերում:

-Զոհրաբ Մնացականյանը բառ առ բառ պատմում է Նիկոլ Փաշինյանի վերջին ասուլիսի մասնրամասները:

-Մամեդյարովն իր գործընկերոջ հետ կիսվում է քաղաքական ընդդիմախոսների գրպանը թմրանյութ և Կալաշնիկով գցելու ադրբեջանական փորձով:

-Միասին քննարկում են, թե ինչ քըխ էին Սերժ Սարգսյանը, Էդուարդ Նալբանդյանը ու հանրապետականները:

Ու տենց:

Չէ փաստաթուղթ չկա, Մադրիդյան սկզբունքները մերժվել են:

Արմեն ԱՇՈՏՅԱՆ