AM | RU
USD
EUR
RUB

ՀՀ իշխանությունները որոշել են եթերազրկել ոչ միայն ռուսական, այլև հայկական հեռուստաալիքները. Աղասի Ենոքյան

 

ԵՐԵՎԱՆ, 1 ՓԵՏՐՎԱՐԻ, Tert.am: Ռուսական հեռուստաալիքները կարելի էր անջատել, եթե տեղական հեռուստատեսությունը մատուցեր հարուստ լրատվություն, որակյալ ժամանցային հաղորդումներ։ Այս մասին Tert.am-ի հետ զրույցում ասաց «Մեդիա Պաշտպան» նախաձեռնության ղեկավար, քաղաքագետ Աղասի Ենոքյանը` անդրադառնալով ՀՀ իշխանությունների կողմից ռուսական հեռուստաալիքները փակելու նախաձեռնությանը և բացատրեց, թե ինչու էր նախկինում կողմ եղել նախաձեռնությանը, իսկ հիմա՝ դեմ:

«Հայաստանի իշխանությունները որոշել են եթերազրկել նաև այն հայկական հեռուստաալիքները, որոնք ինչ-որ չափով բազմակարծություն են ապահովում եթերում։ Եթե դրան գումարենք ռուսական ալիքների խնդիրը, ապա շատ շուտով մեր եթերում կունենանք մի քանի Հ1-ներ, որոնք արդեն ոչ մի քանի ալիքներով կտարածեն այնպիսի ռեպորտաժներ, ինչպիսին Հրայր Թովմասյանի վերաբերյալ Հ1-ի վերջերս սփռած «լուրն» էր, այլև միջազգային քաղաքականությունը կներկայացնեն միակողմանի։ Միգուցե մի փոքր չափազանցնում եմ, բայց Կիմ Չեն Իրի պրոպագանդայի մաս կազմող՝ դեպի Արեգակ կորեացի տիեզերագնացների հաջող թռիչքի նման «աննախադեպ» լուրեր պետք է սպասել այդ դեպքում մեր եթերում»,-նշեց քաղաքագետը։

-Պարոն ենոքյան, Դուք վերջերս հանդես եկաք ՀՀ իշխանությունների կողմից ռուսական հեռուստաալիքները փակելու նախաձեռնության դեմ, մինչդեռ նախկինում ինքներդ եք քննադատել Հայաստանում ռուսական ալիքների հեռարձակումը։


- Եկեք երեք փաստ ֆիքսենք․ նախ, ես հանդես եմ եկել որպես անհատ, էքսպերտ, ինչպես կուզեք կոչեք, բայց ոչ պետական պաշտոնյա, երկրորդ. ես հանդես չեմ եկել այդ ալիքները փակելու իմպերատիվ պահանջով, բայց միշտ պնդել եմ, որ ռուսական հեռուստաալիքները ՌԴ պաշտոնական քարոզչության մաս են, և երրորդ՝ ես հիմա էլ եմ պնդում, որ ռուսական հեռուստաալիքները ՌԴ պաշտոնական քարոզչության մաս են կազմում։

-Ուրեմն ի՞նչ փոխվեց Ձեր մոտեցումներում։

- Շատ բան փոխվեց։ Ռուսական հեռուստաալիքները կարելի էր անջատել, եթե տեղական հեռուստատեսությունը մատուցեր հարուստ լրատվություն, որակյալ ժամանցային հաղորդումներ։ Ժամանակին այդ միտումը կար, բայց դեռ այդ մակարդակի չենք հասել, ավելին՝ կա լուրջ հետընթաց՝ կապված ոչ միայն քաղաքականության, այլև տնտեսության անկման՝ գովազդային միջոցների նվազման հետ։ Պետական և պետականամետ ալիքները, որոնք ունեն ամենամեծ սփռվածությունը, պրիմիտիվ քարոզչական գործիքներ են, ժամանցային հաղորդումները լռվել-մնացել են նույն սյուժեներով ու նույն դերասաններով սերիալների մակարդակում, և ռուսական ալիքների սփռումը դադարեցնելը մեզ կզրկի և ավելի լայն ու ընդգրկուն լուրեր ստանալու հնարավորությունից, և էապես կաղքատացնի մեր կողմից դիտվող որակյալ հաղորդումների ցանկը։

Սակայն ամենակարևորը դեռ առջևում է՝ ըստ ամենայնի Հայաստանի իշխանությունները որոշել են եթերազրկվել նաև այն հայկական հեռուստաալիքները, որոնք ինչ-որ չափով բազմակարծություն են ապահովում եթերում։ Եթե դրան գումարենք ռուսական ալիքների խնդիրը, ապա շատ շուտով մեր եթերում կունենանք մի քանի Հ1-ներ, որոնք արդեն ոչ մի քանի ալիքներով կտարածեն այնպիսի ռեպորտաժներ, ինչպիսին Հրայր Թովմասյանի վերաբերյալ Հ1-ի վերջերս սփռած «լուրն» էր, այլև միջազգային քաղաքականությունը կներկայացնեն միակողմանի։ Միգուցե մի փոքր չափազանցնում եմ, բայց Կիմ Չեն Ինի պրոպագանդայի մաս կազմող՝ դեպի Արեգակ կորեացի տիեզերագնացների հաջող թռիչքի նման «աննախադեպ» լուրեր պետք է սպասել այդ դեպքում մեր եթերում։

-Այսինքն՝ խնդիրը զուտ լսարանի՞ն է վերաբերում, չկա՞ այստեղ հակառուսական տարր։

-Իհարկե կա։ Մեր «հակառուսականությունը» իրականում ֆանֆարոնություն է, Հայաստանի քաղաքականությունը երբեք այսքան պրոռուսական չի եղել։ Ռուսաստանին այսպիսի կսմիթը շատ նման է այնպիսի շոուներին, ինչպես Խաչատուրովին հետ կանչելն էր կամ Պուտինին օդանավակայանում չդիմավորելը, որոնք ամենևին չեն ավելացնում Հայաստանի սուվերենությունը, իսկ, այ, Ռուսաստանին դուր գալու համար հայկական զորքը Սիրիա ուղարկելը զգալիորեն սպառնում է մեր անվտանգությանն ու սուվերենությանը։

Ուրախ եմ, որ այս հարցը տվեցիք, ուրեմն թույլ տվեք մի քիչ ծավալվեմ, մանավանդ, որ վաղուց չեմ խոսել վարվող արտաքին քաղաքականության մասին։ Անվտանգության բնագավառը այս կարգի դիլետանտիզմներ չի հանդուրժում։ Որքան էլ որպես տաֆտալոգիա հնչի, Հայաստանի արտաքին քաղաքականության իմաստը պետք է լինի Հայաստանի անվտանգության ամրապնդումը, և չի կարող լինել ինքնանպատակ «հակառուսականություն», «հակաամերիկանիզմ»։ Անգամ «հակաթուրքականությունը» չի կարող լինել ինքնանպատակ՝ այն պետք է ծառայի Հայաստանի ազգային անվտանգությանը։ Դասագրքային փաստ է, որ պետությունները պետք է պատրաստ լինեն արտաքին ուժերին զիջումների բոլոր հարցերում, բացի ամենաէականներից։ Իսկ Հայաստանի դեպքում հակառակն է՝ իշխանությունները պիժոնություն են անում Ռուսաստանի հետ հարաբերություններում, շոուներ են անում, մինչդեռ հիմնական հարցերում հսկայական զիջումների են գնում։

Միաժամանակ, փոքր երկրների սուվերենության հիմնական գործոնը բազմավեկտոր արտաքին քաղաքականությունն է։ Այժմ Հայաստանը զրոյացրել է ԱՄՆ հետ հարաբերությունները, ԵՄ հետ հարաբերություններում նախկին ձեռքբերումները անխնա վատնել է, Իրանը արդեն սրանց լուրջ չի ընդունում։ «Նոր Հայաստանը» ակամա հայտնվել է Ռուսաստանի աներկբա ազդեցության տակ, այս տեսանկյանից եմ ասում, որ մեր արտաքին քաղաքականությունն այժմ ակամայից, անկախ իշխանությունների ցանկություններից, անգամ՝ ի հեճուկս դրանց, աննախադեպ պրոռուսական է դարձել անկախություն ձեռք բերելուց ի վեր, և այս հանգամանքներում «հակառուսականությունը» պարզապես արկածախնդրություն է, շոու, որը վտանգում է մեր ազգային անվտանգությունը։ Եթե ցանկանում են սուվերենությունն ավելացնել, պետք է անմիջապես, անհապաղ ձեռնամուխ լինեն բազմակողմանի կապերի նախ՝ վերականգնմանը, ապա՝ զարգացմանը, և ոչ թե իրենց «թավշյան» ամենուր, անիմաստ թափահարեն։

Ավելին՝ միջազգային հարաբերությունների ներկա ժամանակաշրջանում, երբ լիբերալիզմը նահանջում անխնա հարձակվող Realpolitik-ի առաջ, երբ ֆուկույամական «Պատմության ավարտի» ժամանակաշրջանը ավարտվում է և փոխարինվում է կոշտ հաշվարկի և ազդեցության գոտիների բաժանման ժամանակաշրջանով, մեր կողմից վարվող արտաքին քաղաքականությունն առնվազն ադեկվատ չէ։

Կներեք, որ շատ գլոբալից եկա, սակայն Ռուսաստանն արդեն հայտնել է իր մտահոգությունը հեռուստաալիքների փակման կապակցությամբ, և այս միտումը շարունակելն առնվազն անպատասխանատու քաղաքականություն կլինի։

Լրահոս
Թուրքիան թույլ չի տվել, որ ռուսական ռազմական ինքնաթիռներն իր տարածքով անցնեն Սիրիա Facebook-ում Տեր-Պետրոսյանի ու Քոչարյանի պատիվն ու արժանապատվությունը նվաստացնելու համար հարուցվել է քրեական գործ. ԱԱԾ Ստեփանակերտի միջադեպը պետք է դիտարկել օտարերկրյա գործակալական ցանցի գործունեության համատեքստում Իրանում կորոնավիրուսով վարակման 13 նոր դեպք է գրանցվել, նրանցից երկուսը մահացել են Ի՞նչ էր ակնարկում Փաշինյանը Հանրայինի եթերում Փաստաբաններ. Վերաքննիչ դատարանը արձանագրել է Գագիկ Խաչատրյանին անհրաժեշտ բուժօգնություն չտրամադրելու դեպքում իրավական հետևանքները ԵՊՀ խորհրդի նիստ. Քննարկվում է «Բարձրագույն կրթության և գիտության մասին» օրենքը Իրանում կորոնավիրուս հայտնաբերելու հանգամանքով պայմանավորված՝ «Մեղրի» անցակետում հսկողությունն ուժեղացվել է․ ԱԱՏՄ Սահմանադրական հանրաքվեն նախադեպ է ստեղծում, որպեսզի ցանկացած հարց լուծվի անօրինական ճանապարհով. ԱԺՄ Իրաքը կորոնավիրուսի պատճառով փակել է Իրանի հետ սահմանը Եղանակը զգալի կտաքանա Լուկաշենկոն խոսել է Պուտինից ստացած անսպասելի առաջարկի մասին Հերթական պաշտոնանկությունները ՊՆ-ում Փաշինյանի այդ խոսքերից անգամ Պետրոս Ղազարյանի ուղեղն է «կախել» Նիկոլ Փաշինյանը մասնակցում է տարվա 10 լավագույն մարզիկների պարգևատրման արարողությանը. ՈՒՂԻՂ Ովքեր են Ստեփանակերտում բողոքի ակցիա իրականացնողները. «նրանցից մեկը Վադիմ Ռաջաբի Գրիգորյան կամ Վադիմ Ռաջաբ օղլի Վելիևն է» Երևանում կբացվի Սլովակիայի դեսպանատունը, Հայաստան է այցելում Միրոսլավ Լայչակը Ասուլիս՝ սահմանադրական փոփոխությունների հանրաքվեի, Կառավարության հակակոռուպցիոն պայքարի մասին․ ՈՒՂԻՂ Արցախի ոստիկանությունը հայտարարություն է տարածել Զարիֆ. Իրանի ընտրությունները ցույց են տալիս, որ ժողովուրդը ցանկանում է ինքը որոշել իր ճակատագիրը Եթե կա թալանված բան, ապա դատեք կոնկրետ մարդուն, այս ինչ տոնայնությունն է. Հրանտ Բագրատյան Բակո Սահակյանը Իգոր Գրիգորյանին նոր աստիճան է շնորհել Բակո Սահակյանն ու Արման Թաթոյանը քննարկվել են մարդու իրավունքների պաշտպանության հարցեր Պուտինը, Մերկելն ու Մակրոնը հեռախոսազրույցի ընթացքում քննարկել են Սիրիայում և Լիբիայում տիրող իրավիճակը Խորհրդարանական լսումներ. ՈՒՂԻՂ Իրանում խորհրդարանական ընտրություններ են, մասնակցում են նաև հայ թեկնածուներ «Իրավունք». Լևոն Տեր-Պետրոսյան պայմանավորվել է Փաշինյանի հետ, մշակել են հերթական ծրագիրը ՀՀ տարածքում կան փակ և դժվարանցանելի ավտոճանապարհներ Հոկտեմբերի 27-ի ակնարկը պարզապես անբարո էր․ Արմեն Աշոտյանը՝ Նիկոլ Փաշինյանին «Հրապարակ». Փաշինյանի կադրեր ընտրելու տրամաբանությունը «Իրատես». «Սորոսական» Հովհաննես Հով­հան­նի­սյա­նին ռեկ­տոր դարձնելու դեպքում լուրջ հար­վա­ծի տակ կընկ­նեն «Հրապարակ». Ի՞նչ հարցեր են ներառված Հայաստան-Արցախ ԱԽ համատեղ նիստում «Ժողովուրդ»․ Ազատումների ալիքը հասավ ՊԲ․ ովքե՞ր կլքեն պաշտոնները «Փաստ». Հայազգի մի շարք բարձրաստիճան պաշտոնյաներ ազատվել են իրենց զբաղեցրած պաշտոններից «Հրապարակ». Սուրեն Պապիկյանի կենսագրությունից «բացակայող» ևս մեկ փաստ «Իրատես». «Իմ քայլում» կռիվ է ընկել «Փաստ». Պաշտոնյաներ դարձան մարդիկ, որոնցից շատերը նույնիսկ երազում չէին կարող տեսնել դա «Հրապարակ». 6-րդ վարչությունը քաղաքապետարանում է. թելերը տանում են դեպի քաղաքապետ «Իրատես». Անիմաստ, անբովանդակ փառատոններից Հայաստանն աչք չի բացում «Փաստ». Պետական բյուջեից ավելի քան 7 մլն դոլար՝ մեկ անձի ամբիցիաների բավարարման համար
Խմբագրի ընտրություն
website by Sargssyan