Այս գիշեր Գերմանիայի Հանաու քաղաքում առնվազն 8 մարդու կյանք խլած հրաձգությունը՝ ֆոտոշարով
Նմանատիպ
ԵՐԵՎԱՆ, 20 ՓԵՏՐՎԱՐԻ, Tert.am: Գերմանիայի Հանաու քաղաքում այս գիշեր տեղի ունեցած հրաձգությունը խլել է առնվազն ութ մարդու կյանք, վեց մարդ ծանր վիրավոր է: Զինված ոստիկանությունը լայնածավալ գործողություններ է սկսել ամբողջ Գերմանիայի տարածքում՝ «այլ անհայտ հանցագործներին» ձերբակալելու նպատակով, որոնք կարող են նույնպես ներգրավված լինել զինված հարձակման մեջ, գրում է Daily Mail-ը:
Արյունալի հարձակման պատճառը դեռևս անհայտ է: Հաղորդագրությունների համաձայն՝ զոհերի թվում քրդեր են եղել:
Ըստ հաղորդման՝ հարձակվողը կրակ է բացել տեղի բարերից մեկում՝ բար մտնելուց անմիջապես հետո: Այնուհետև սև մեքենայով կարողացել է ճողոպրել հանցագործության վայրից, որից հետո կրակոցներ են հնչել գրեթե երկու մղոն հեռավորության վրա գտնվող քաղաքի հրապարակներից մեկում:
Բարում գտնվող ականատեսներից մեկը գերմանական Bild թերթին պատմել է, որ «անհայտ անձը սկսել է գնդակահարել մարդկանց անմիջապես բար մտնելուց հետո»։
Մյուս վկաները պատմել են 8 կամ 9 կրակոցի մասին, որոնք հնչել են տեղական ժամանակով ժամը 22:00-ից հետո:
Հաղորդվում է, որ իրավապահներին հաջողվել է ձերբակալել կրակոցների հեղինակին:
Հանաուն 100 000 բնակչությամբ քաղաք է, որը գտնվում է Ֆրանկֆուրտի ֆինանսական կենտրոնից 19 կմ հեռավորության վրա։
Վերջին տարիներին Գերմանիան դարձել է ծայրահեղականների մի քանի հարձակումների թիրախ, որոնցից մեկի հետևանքով 2016 թվականի դեկտեմբերին Բեռլինի կենտրոնում 12 մարդ էր զոհվել:
Հետևեք մեզ նաև Telegram-ում