Թրամփը Սպիտակ տանը հանդես կգա նոր կորոնավիրուսի թեմային նվիրված մամլո ասուլիսով
Նմանատիպ
ԵՐԵՎԱՆ, 26 ՓԵՏՐՎԱՐԻ, Tert.am: ԱՄՆ նախագահ Դոնալդ Թրամփը հայտնել է, որ այսօր ավելի ուշ Սպիտակ տանը հանդես կգա մամլո ասուլիսով, որը նվիրված կլինի նոր կորոնավիրուսի շուրջ ստեղծված իրավիճակին:
Ինչպես փոխանցում է CNN-ը, ասուլիսը նախատեսված է տեղի ժամանակով 18:00-ին (երևանյան 03:00 փետրվարի 27): Ասուլիսին ներկա կլինեն նաև ԱՄՆ հիվանդությունների կանխարգելման կենտրոնի ներկայացուցիչները: Թրամփը թվիթերյան գրառմամբ «կեղծ լրատվամիջոցներին» մեղադրել է լարվածություն առաջացնելու մեջ՝ կապված նոր կորոնավիրուսի հետ:
Հաղորդվում է, որ համաշխարհային շուկաները երրորդ օրն անընդմեջ անկում են գրանցում կորոնավիրուսի պատճառով: Ներդրողները մտահոգված են այն հանգամանքով, թե ինչպես է կորոնավիրուսի տարածումն ազդում սպառողական պահանջարկի, արտադրանքների մատակարարման շղթայի գործունեության և համաշխարհային տնտեսության վրա:
Հեռուստաալիքի փոխանցմամբ՝ այսօր ավելի վաղ Ֆրանսիայում արձանագրվել է կորոնավիրուսից մահացության առաջին դեպքը: Խոսքը Փարիզի 60-ամյա բնակչի մասին է:
Հետևեք մեզ նաև Telegram-ում