Թուրք զինվորականներն Իդլիբում հրետակոծում են սիրիական և ռուսական ինքնաթիռները (տեսանյութ)
Նմանատիպ
ԵՐԵՎԱՆ, 27 ՓԵՏՐՎԱՐԻ, Tert.am: Սիրիայի Իդլիբ նահանգում թուրք զինվորականներն ու ընդդիմադիր գրոհայինները կրակ են բացում սիրիական և ռուսական օդուժի ուղղությամբ՝ փորձելով խոցել ռազմական ինքնաթիռները: Այս մասին հայտնում է «Россия-24» հեռուստաալիքը:
«Սիրիայի ռազմաօդային ուժերի և ՌԴ ռազմատիեզերական ուժերի ինքնաթիռները մեկը մյուսի հետևից կանգնեցնում են գրոհայիններին: Իդլիբի երկնքում ներկա պահին նույնպես վտանգավոր է. գրոհայիններն ու թուրք մասնագետներն ակտիվորեն կիրառում են շարժական զենիթահրթիռային համակարգերը»,- դեպքի վայրից հայտնում է հեռուստաալիքի թղթակիցը:
Հեռուստաալիքի տվյալներով՝ ռուսական և սիրիական ավիացիան պաշտպանության ջերմային թակարդներ է օգտագործում զենիթահրթիռային համակարգերի կրակից պաշտպանվելու համար:
Նշվում է նաև, որ թուրքական ուժերն անդադար հրետակոծում են սիրիական բանակի դիրքերը: Բացի այդ, թուրքական տանկերը տեղակայվում են «Ջեբհաթ ան-Նուսրա» ահաբեկչական խմբավորման դիրքերում, որտեղից հարվածներ են հասցնում բնակելի տների ուղղությամբ:
Սիրիական բանակը Ջուբաս բնակավայրում, որտեղ դաժան մարտեր են ընթանում, թուրքական ուժերի բացած կրակի պատճառով մեծ թվով զրահատեխնիկա է կորցրել:
Հետևեք մեզ նաև Telegram-ումWow, looks like Russian Su-24 somewhere over Idlib was targeted by MANPADS launched by FSA, but didn’t reach it’s target. pic.twitter.com/BRl95F51p8
— Status-6 (@Archer83Able) February 20, 2020