Հռոմի պապը կորոնավիրուսի պատճառով տնից է աշխատում
28/02/2020 18:43
Նմանատիպ
ԵՐԵՎԱՆ, 28 ՓԵՏՐՎԱՐԻ, Panorama.am: Հռոմի պապ Ֆրանցիսկոսը չեղյալ է հայտարարել մի շարք միջոցառումներ և թեթև հիվանդության պատճառով տնից է աշխատում։ Այս մասին գրում է bbc.com-ը։
Ավելի վաղ՝ շաբաթվա սկզբին նրա մոտ նկատվում էին մրսածության ախտանշաններ։
83-ամյա հոգևոր հայրը Մոխրոտ չորեքշաբթիի ընթացքում, որը համարվում է ծոմապահության առաջին օրը, հազացել է, ապա շփվել հավատացյալների հետ, սեղմել նրանց ձեռքը։
Նշվում է, որ Հռոմի պապը հազվադեպ է չեղարկում հանդիպումներն ու միջոցառումները։
Վատիկանի տարածած հայտարարության մեջ չի նշվում, որ Պապը վարակվել է նոր տեսակի կորոնավիրուսով։
Վերջին տվյալների համաձայն՝ Իտալիայում կորոնավիրուսով վարակվել է 655 քաղաքացի, որոնցից 17-ն արդեն բուժվել է։
Հետևեք մեզ նաև Telegram-ում