AM | RU
USD
EUR
RUB

Հայաստանը նավթի գնանկումից, միանշանակ, կտուժի․ Հրանտ Բագրատյան

 

ԵՐԵՎԱՆ, 9 ՄԱՐՏԻ, Hraparak.amԵրկու օր է՝ նավթի համաշխարհային գներն իջել են, և դա մեծ իրարանցում է առաջացրել խոշոր խաղացողների և գերտերությունների շրջանում։ Այսօրվա դրությամբ (12:00 09.03.2020) Brent Crude Oil տեսակի մեկ բարել նավթի գինը կազմում է 33.61 դոլար, ինչը նշանակում է 25.76 տոկոս նվազում, իսկ ավելի թեթև՝ Light Sweet Crude Oil տեսակի մեկ բարել նավթի գինը հասել է 29.89 դոլարի՝ նվազելով 27.59 տոկոսով։

Սրանից առավելապես կտուժի մեր ռազմավարական դաշնակից պետությունը՝ Ռուսաստանը, որտեղ նաև ռուբլու գինն է նվազել, էական վնասներ կկրեն նաև հարևան Ադրբեջանը, Իրանը, ինչպես նաև Վենեսուելան՝ որպես աշխարհի խոշոր նավթարդյունահանող պետությունը, Արաբական Միացյալ Էմիությունները և ոչ միայն։

Նշենք, որ նախկինում երբևէ նավթի գների նման կտրում նվազում տեղի չէր ունեցել։ Տնտեսագետները նավթի գների այս աննախադեպ անկումը կապում են տարբեր պատճառների հետ՝ կորոնավիրուսից մինչև աշխարհաքաղաքական բախումներ։

Նախկին վարչապետ, տնտեսագիտության դոկտոր Հրանտ Բագրատյանն այս թեմայով մեզ հետ զրույցում ասաց, որ մի կողմից կապված է կորոնավիրուսի տարածման հետ, քանի որ Չինաստանը կտրուկ պակասեցրել է նավթի պահանջարկը, մյուս կողմից բախում կա նաև նավթ արտահանող երկրների միջև։

«Կորոնավիրուսի պատճառով նավթի գինն օրական 2-3 տոկոսով ընկնում էր: Նավթ արտահանող երկրների կազմակերպությունը (OPEC), որոշել է, որ օրական արդյունահանումը 2.5 միլիոնից իջնի 1.5 միլիոնի։ Դիմել է Իրանին և Ռուսաստանին՝ խնդրելով, որ իրենք կես միլիոնով ամենօրյա արդյունահանումն իջեցնեն, որպեսզի գինը բարձրանա, թե չէ քանդվում են, OPEC-ի ասելով՝ ըմբռնում չեն գտել, այնուամենայնիվ, առաջիկայում Վիեննայում նախատեսվում է հանդիպում OPEC-ի և Ռուսաստանի միջև։ Դրանից հետո Սաուդյան Արաբիան (Saudi Aramco ընկերությունը) միակողմանիորեն ավելացրել է արդյունահանումը, և արդյունքում տեղի է ունեցել այսպիսի բան»,-ասաց պարոն Բագրատյանը՝ նկատելով, որ նպատակը եղել է գնի բարձրացումը, սակայն ստացվել է հակառակը։

Այսինքն՝ միայն կորոնավիրո՞ւսը չի պատճառը, Հրանտ Բագրատյանն ասաց․«Քանի որ Չինաստանը ավելի քան երկու անգամ իջեցրել է նավթի իր գնումները, OPEC-ն ասել է՝ էսպես կքանդվենք, գոնե եկեք քիչ արտադրենք, որպեսզի գինը բարձրանա։ Եվ, իր ասելով, չի գտել Ռուսաստանի և Իրանի օժանդակությունը, և Սաուդյան Արաբիան ուղղակի քանդել է շուկան։ Այսինքն՝ ոչ թե կրճատվել է շուկա նետվող նավթը, այլ հակառակը՝ ավելացվել է»։

Բագրատյանը հիշեց, որ 1991 թվականից ի վեր՝ առաջին անգամ է նման բան լինում՝ նկատելով, որ հետխորհրդային տարածքն ավելի շատ քանդվում էր նավթի գների անկումից (մինչև 95, 96, 97 թվերը), քան թե նրանից, որ Սովետական Միությունն օբյեկտիվորեն չկա։

Իսկ հիմա ի՞նչ ազդեցություն կունենա նավթի գների նման կտրուկ անկումը աշխարհի և համաշխարհային տնտեսության վրա, Բագրատյանն ասաց, որ իրականում շատ վատ բան է տեղի ունենում։

«Բայց կարող է՝ մի քանի օր տևի, որովհետև ասվում է, որ ամենաուշը մի քանի օրից հանդիպելու են Վիեննայում, այսինքն՝ իրենց մեջ երկխոսություն, այնուամենայնիվ, կա։ Խոսքը վերաբերում է OPEC-ի, (ըստ էության՝ OPEC-ը Սաուդյան Արաբիան է), և Ռուսաստանի միջև»,-ասաց նա։

Իսկ Հայաստանը սրանից կշահի՞, թե՞ կտուժի, Հրանտ Բագրատյանն ասաց, որ Հայաստանը միանշանակ կտուժի, որովհետև մեր հիմնական գործընկեր երկրները՝ Ռուսաստանը, Ղազախստանը, որոնց հետ մեր հիմնական առևտրաշրջանառությունն է, հայտնվել են վատ դրության մեջ։

«Իհարկե, Ադրբեջանն էլ կտուժի, բայց ես երբեք չեմ նայում՝ ինչքան կտուժի մեր հակառակորդը, ինձ ավելի շատ հետաքրքրում է՝ ինչքան կտուժի մեր գործընկեր երկիրը։ Բացի այդ, Հայաստանում նավթի գնանկումից ստացած օգուտը միշտ, որպես կանոն, լինում է շատ ավելի փոքր, քան թե այն վնասը, որը մենք կրում ենք Ռուսաստան՝ մեր արտահանման ծավալների անկումից»,-եզրափակեց Բագրատյանը։

Լրահոս
Մղձավանջ. այն, ինչ չկարողացան անել թուրքերը, անում են Նիկոլ Փաշինյանն ու Զարեհ Սինանյանը Բեյրութում հազարավոր բնակիչներ բողոքի ցույց են իրականացնում, ոստիկանությունն արցունքաբեր գազ է կիրառել (տեսանյութ) Օգոստոսի 7-ին բոլոր լրատվամիջոցները, բացի Հանրայինից, անդրադարձել են Ամուլսարին. «Մեդիա պաշտպան» Արսեն Թորոսյանի թիմում մարդիկ են, որոնք չունեն անցյալ և ապրում են թիթեռի կյանքով. Գևորգ Գրիգորյան Վիրուսոլոգը հայտնել է՝ ում է հակացուցված կորոնավիրուսի դեմ պատվաստանյութը Արսեն Թորոսյանի պաշտոնանկության հարցն արդեն մտնում է վճռական փուլ. նախարարի 2 թեկնածու կա Սևանա լճի ափամերձ տարածքներում կա 3800 ապօրինի շենք-շինություն՝ բոլորը ենթակա ապամոնտաժման. Ռոմանոս Պետրոսյան Նարեկ Մալյանի հայտարարությունը խանութից հերքել են Արտակարգ դեպք Երևանում Ուշագրավ բացահայտումներ է՝ Բեյրութի պայթյունից (լուսանկարներ) Հայաստանի արձագանքը Բեյրութի պայթյուններին որևէ կերպ պատշաճ չէր. Կարեն Բեքարյան (տեսանյութ) Մենք չգիտենք, թե Հայաստան ներթափանցած պակիստանցիները Թուրքիայի հրահանգով երբ կպայթեցնեն երկիրը. Ղազինյան Օդի ջերմաստիճանը կբարձրանա Հայաստանը չի կարող ասորիների, արաբների հայրենիքը լինել Ալեն Սիմոնյանին վռնդել են խանութից դիմակ չունենալու պատճառով Նախորդ օրը կորոնավիրուսից մահացած քաղաքացիներից միայն 51-ամյա կինը չի ունեցել ուղեկցող քրոնիկական հիվանդություններ Առողջապահության «պատասխանատուն» ազատվում է այն մարդկանցից, ովքեր տեղյակ են համավարակի ընթացքում իր «քաջագործություններից». Թամամյան Հայաստանում հաստատվել է կորոնավիրուսով վարակվելու 200 դեպք Նիկոլ Փաշինյանի աներորդին Ձորաղբյուրում առանձնատուն է գնել Կորոնավիրուսից մահացածների ու վարակակիրների թիվը՝ այսօրվա դրությամբ «Ժողովուրդ»․ Հայկ Հարությունյանի գործով հարցաքննվել է Ալիկ Սարգսյանը «Ժողովուրդ»․ Գյուղատնտեսական արտադրանքն այս տարվա 6 ամիսների արդյունքներով ավելացել է «Ժողովուրդ»․ «Ընտրական օրենսգիրք» սահմանադրական օրենքի վերաբերյալ հանրային քննարկումները վերսկսվում են առցանց «Ժողովուրդ»․ Գրիշա Թամրազյանի և Սմբատ Գոգյանի թեժ «մարտերում» ի վերջո ով է ճիշտ․ ծառայողական քննության հետքերով «Հրապարակ». ԱԱԾ-ում նոր սկանդալ է հասունացել ՕՐՎԱ ԽՈՐՀՈՒՐԴԸ: Օգոստոսի 8 70% ձայնը չեն ստացել, որ պարգևավճարներ թալանեն, մարդկանց ասֆալտին պառկեցնեն․ Աղասի Ենոքյան Հնդկաստանում օդանավը կոշտ վայրէջքից հետո երկու կեսի է բաժանվել. կան տասնյակ զոհեր և վիրավորներ (լուսանկարներ, տեսանյութ) Հարց է՝ ինչու «հեղափոխական իշխանությունները» անտեսեցին և չկարողացան օգտագործել ապրիլյան քառօրյայի ձեռքբերումները. Սարգսյան (Տեսանյութ) Հայաստանն օգոստոսի 25-ից կվերսկսի օդային հաղորդակցությունը Թեհրանի հետ Առաջին ամսվանից հետո արտակարգ դրության երկարաձգումն անիմաստ էր. համաճարակաբան Վիտալի Բալասանյանը հանդես է եկել կոչով ‹‹ORBITER-3›› տիպի անօդաչու թռչող սարքը խոցած զինծառայողները պարգևատրվել են Ջուր չի լինի Բեյրութում տեղի ունեցած պայթյունի հետևանքով զոհված հայերի թիվը հասել է 13-ի Արցախի Ազգային ժողովը կգումարի արտահերթ նստաշրջան Չեմ պնդել, որ մեր բանակը ետ վերցնի հակառակորդի գրաված տարածքը՝ առավելությունը տալով մեր զինվորների կյանքին. Սերժ Սարգսյան (Տեսանյութ) «Գոյություն ունի արտաքին ուժերի միջամտության հավանականություն». Լիբանանի նախագահ (լուսանկարներ) Ամուլսարում բողոքի ակցիան վերսկսվել է. ՈՒՂԻՂ Պուտինը Լուկաշենկոյի հետ քննարկել է Մինսկում ՌԴ քաղաքացիների ձերբակալության հարցը
Խմբագրի ընտրություն
website by Sargssyan