ՌԴ պետական հեռուստաալիքը նվաստացրել է Էրդողանին (տեսանյութ)
Նմանատիպ
ԵՐԵՎԱՆ, 10 ՄԱՐՏԻ, Tert.am: Թուրքիայի ԱԳ նախարար Մևլութ Չավուշօղլուն անհարգալից վերաբերմունքի դրսևորում է անվանել ռուսական ԶԼՄ–ներում տեսանյութի տարածումը, որտեղ երևում է, թե ինչպես է թուրքական պատվիրակությունը՝ նախագահ Ռեջեփ Թայիփ Էրդողանի գլխավորությամբ, սպասում Կրեմլի համաժողովների սրահի փակ դռների առաջ։
«Ռուսական ԶԼՄ–ները հարցը ներկայացրել են «դեղին մամուլի» ոճով, ինչն անարգանքի դրսևորում է։ Նման դիրքորոշումը սխալ է։ Անկարայի և Մոսկվայի միջև նվազագույն տարաձայնությունների առկայության պարագայում ռուսական ԶԼՄ–ները վերածվում են սև քարոզչության զենքի։ Հենց որ հարաբերությունները կարգավորվում են, Թուրքիայի նկատմամբ բացասական վերաբերմունքի մասին անմիջապես մոռանում են»,– Minval.az–ի փոխանցմամբ՝ ասել է Չավուշօղլուն։
Տվյալ տեսանյութը հրապարակվել է Россия 1 հեռուստաալիքի եթերում։ Ռեպորտաժում նշվում է, որ ցանկացած արտասահմանյան պատվիրակություն որոշ ժամանակ սպասում է Կրեմլում՝ մինչև, որ նախագահ Վլադիմիր Պուտինը հայտնի հյուրերին ընդունելու պատրաստականության մասին։ Սակայն ռուսական պետական հեռուստաալիքի ընդգծմամբ՝ թուրքական պատվիրակության համար այդ ժամանակահատվածը անսպասելիորեն ձգձգվել է։
Հիշեցնենք, որ Պուտին–Էրդողան հանդիպումը տեղի է ունեցել մարտի 5-ին, որի ժամանակ կողմերը քննարկել են սիրիական Իդլիբում տիրող իրավիճակն ու պայմանավորվել հրադադարի մասին։
Հետևեք մեզ նաև Telegram-ումPutin humiliated Erdogan and his entire entourage by making them wait outside the door until he couldn’t stand anymore. Where he sat is where butlers sit and wait for the next order from the boss. When inside, they stood under the statue of Catherine II. pic.twitter.com/3Ttn5ZnhAb
— Imam of Peace (@Imamofpeace) March 9, 2020