Բակո Սահակյանը հանդիպել է Արփինե Հովհաննիսյանի հետ
Նմանատիպ
ԵՐԵՎԱՆ, 13 ՄԱՐՏԻ, Facebook: Երեկ «Իրավական կրթություն և վերահսկողության» հասարակական կազմակերպության պատվիրակությունը` նախագահ Արփինե Հովհաննիսյանի գլխավորությամբ հյուրընկալվել է Արցախի Հանրապետության նախագահ Բակո Սահակյանին: Հանդիպման ժամանակ Նախագահին ներկայացվել են կազմակերպության գործունեության հիմնական ուղղությունները և նախագծերը, ինչպես նաև Արցախի 2020 թվականի համապետական ընտրությունների ժամանակ դիտորդական առաքելություն իրականացնելու ծրագրերը:
Հանդիպումը հատկապես կարևորվում է Արցախի 2020 խորհրդարանական և նախագահական ընտրությունների նախաշեմին, երբ հասարակական կազմակերպությունների դիտորդական առաքելությունները ունենում են կարևոր ներդրում թափանցիկ, ազատ հավասար ընտրությունների իրականացման գործում:
Նախագահի հետ քննարկման ընթացքում երկուստեք ընդգծվել է խաղաղ, սադրանքներից զերծ ընտրական գործընթացների ապահովման առաջնայնության մասին` որպես Արցախի քաղաքացիների ազատ կամքի արտահայտման կարևորագույն երաշխիք եւ Արցախի կենսագործունեության անհրաժեշտություն։
Հետևեք մեզ նաև Telegram-ում