Պուտինն ասել է, որ Ռուսաստանը «թքած ունի» պատժամիջոցների վրա
Նմանատիպ
ԵՐԵՎԱՆ, 16 ՄԱՐՏԻ, Panorama.am: Ռուսաստանի Դաշնության նախագահ Վլադիմիր Պուտինը հայտարարել է, որ երկիրը «թքած ունի պատժամիջոցների» վրա, քանի որ վաստակել է այնքան, որքան կորցրել է: Այս մասին, ինչպես գրում է Gazeta-ն, Պուտինն ասել է ՏԱՍՍ-ին տված հարցազրույցում:
«Այո, թքած դրանց վրա, այդ պատժամիջոցների», – ասել է Պուտինը։
Ըստ տարբեր գնահատականների, երկիրը կորցրել է մոտ 50 միլիարդ, բայց նաև վաստակել է, ինչպես Պուտինը վստահեցնում է, նույն գումարը: Նա կարծում է, որ պատժամիջոցները թույլ են տվել «միացնել ուղեղը» և սկսել արտադրել իրենց արտադրանքը և տեխնոլոգիաները, որոնք այնտեղ չեն եղել կամ մոռացվել են: Իր հերթին, հակապատժամիջոցները օգնել են պետությանը զարգացնել գյուղատնտեսությունը և ազատել ներքին շուկան:
Պուտինը նշել է, որ ոչ ոք չէր սպասում, որ Ռուսաստանը խոշոր արտահանող լինի:
«Դա, անշուշտ, մեզ օգուտ է տալիս, դա դիվերսիֆիկացնում է մեր տնտեսությունը, և իրականում օգնում է մեզ լուծել հիմնական խնդիրը», – ասել է Պուտինը:
Նշենք, որ ՌԴ նկատմամբ պատժամիջոցներ սահմանվեցին 2014թ․-ին՝ Ղրիմի բռնակցումից հետո։
Հետևեք մեզ նաև Telegram-ում