Թուրքիայում գրանցվել է կորոնավիրուսից մահանալու 30 դեպք

Թուրքիայում գրանցվել է կորոնավիրուսից մահանալու 30 դեպք

ԵՐԵՎԱՆ, 23 ՄԱՐՏԻ, Ermenihaber.amԹուրքիայում մարտի 22-ի դրությամբ նոր տեսակի կորոնավիրուսից (Covid-19) մահացածների թիվը հասել է 30-ի։ Այս մասին Twitter միկրոբլոգի իր պաշտոնական էջում հայտնել է Թուրքիայի առողջապահության նախարար Ֆահրեթթին Քոջան։ Այս մասին գրում է ermenihaber-ը։

Գրառման մեջ նախարարը նշել է, որ վարակակիրների թիվն ավելացել է 289-ով։ Այսպիսով 20․345 թեստի արդյունքում ընդհանուր առմամբ հաստատվել է կորոնավիրուսով վարակվելու 1236 և մահվան 30 դեպք։ Համավարակի պատճառով մահացած նշյալ 30 հիվանդները եղել են բարձր տարիքային խմբի քաղաքացիներ։

Նախարարը կոչ է արել քաղաքացիներին մնալ տանը և զգուշավորություն ցուցաբերել։

Հետևեք մեզ նաև Telegram-ում