Պուտինը հետաձգել է սահմանադրական փոփոխությունների հանրաքվեն. «Ռիա Նովոստի»

Պուտինը հետաձգել է սահմանադրական փոփոխությունների հանրաքվեն. «Ռիա Նովոստի»

ԵՐԵՎԱՆ, 25 ՄԱՐՏԻ, Tert.amՌԴ նախագահ Վլադիմիր Պուտինը կորոնավիրուսի տարածման պատճառով հետաձգել է սահմանադրական փոփոխությունների հանրաքվեն, որը կարող է նրան հնարավորություն տալ 2024 թվականին վերընտրվել նախագահի պաշտոնում: Այս մասին տեղեկացնում է Ռիա Նովոստի գործակալությունը:

ՌԴ նախագահը նոր ժամկետի մասին չի խոսել և ասել է, որ դա կախված կլինի համավարակի տարածման մակարդակից: Հայտնի է, որ ամբողջ աշխարհում կորոնավիրուսով վարակվածների թիվը գերազանցել է 422 000-ը, ավելի քան 18900 մարդ մահացել է, ապաքինվել՝ ավելի քան 109 000-ը: Չինաստանի իշխանություններն անհայտ տեսակի վարակի համաճարակի մասին Առողջապահության համաշխարհային կազմակերպությանը տեղյակ էին պահել դեկտեմբերի 31-ին:

Հետևեք մեզ նաև Telegram-ում