Հորդորում ենք զերծ մնալ շրջակա միջավայրը աղտոտելուց․ պարետատուն

Հորդորում ենք զերծ մնալ շրջակա միջավայրը աղտոտելուց․ պարետատուն

ԵՐԵՎԱՆ, 1 ԱՊՐԻԼԻ, Times.am: Շրջակա միջավայրի նախարարությունը կոչ է անում օգտագործված բժշկական դիմակներն ու ձեռնոցները չնետել չնախատեսված վայրերում։ Այս մասին հայտարարություն է տարածել պարետատունը։

«Հորդորում ենք զերծ մնալ շրջակա միջավայրը աղտոտելուց, քանի որ փողոցում նետված օգտագործված դիմակը կամ ձեռնոցը շրջակա միջավայրը աղտոտելուց զատ վարակի տարածման հնարավոր աղբյուրներ են։

Հիշեցնում ենք, որ օգտագործված դիմակներն ու ձեռնոցները պետք է առանձնացվեն փակ աղբամաններում՝ դրանց վրա առկա հավանական վարակի տարածումը կանխելու համար։

Եվս մեկ անգամ հորդորում ենք պահպանել համակեցության, հանրային առողջությանը միտված համապետական կանոնները, հետևել առողջապահության նախարարության խորհուրդներին և պահպանել շրջակա միջավայրը։

Մնացեք տանը և առողջ եղեք»,- ասված է պարետատան տարածած հայտարարության մեջ։

Հետևեք մեզ նաև Telegram-ում