Հայաստանում կորոնավիրուսով վարակվածների թիվն ավելացել է. Թարմ տվյալներ

ԵՐԵՎԱՆ, 4 ԱՊՐԻԼԻ, Times.am: Ապրիլի 4-ի, ժամը 11:00-ի դրությամբ հաստատվել է կորոնավիրուսային հիվանդության 770 դեպք, որոնցից 43-ն` առողջացած, 7-ը` մահվան ելքով: Փաստացի բուժում է ստանում 720 պացիենտ: Բացասական արդյունք է արձանագրվել 3477 թեստավորման դեպքում:

Առողջապահության նախարարությունը կրկին կոչ է անում`

մնացե’ք տանը,

սահմանափակե’ք շփումները,

հետևե’ք անձնական հիգիենային,

հաճախակի լվացե’ք ձեռքերն օճառով` առնվազն 20 վայրկյան տևողությամբ, հատկապես սնունդ ընդունելուց առաջ և տուն մտնելուց հետո,

հնարավորության սահմաններում նվազեցրե’ք հանրային տրանսպորտից օգտվելը,

շփումների դեպքում պահպանե’ք առնվազն 1 մետր հեռավորություն,

գրիպանման երևույթների առկայության դեպքում չզբաղվե’լ ինքնաբուժմամբ, տեղեկացնել բժշկին,

եթե վերադարձել եք այնպիսի երկրներից, որտեղ համաճարակային իրավիճակը լարված է, ինքնամեկուսացե’ք 14 օր` կապ հաստատելով պոլիկլինիկայի Ձեր բժշկի հետ,

պարբերաբար կատարեք ջերմաչափում` արդյունքների մասին տեղեկացնելով բժշկին,

խուճապի մի’ մատնվեք և հետևեք Ձեր բժշկի խորհուրդներին:

Հիշեցնենք, որ առողջապահության նախարարությունում գործում է շուրջօրյա «թեժ գիծ» ծառայություն` 8003 և «օպերատիվ զանգերի կենտրոն»` 060838300 հեռախոսահամարներով

ՀՀ Առողջապահության նախարարություն