Պուտինն առաջարկել է ԵԱՏՄ-ում կրճատել որոշ մաքսատուրքեր

Պուտինն առաջարկել է ԵԱՏՄ-ում կրճատել որոշ մաքսատուրքեր

ԵՐԵՎԱՆ, 14 ԱՊՐԻԼԻ, Aysor.amՌուսաստանի Դաշնության նախագահ Վլադիմիր Պուտինն առաջարկել է նվազեցնել կամ զրոյացնել որոշ մաքսատուրքեր Եվրասիական տնտեսական միության շրջանակներում (ԵԱՏՄ): Մասնավորապես, առաջարկը վերաբերում է արդյունաբերության համար նշանակալի ճյուղերի նյութերին, գրում է ТАСС-ը:

«Արժե մտածել արդյունաբերության տնտեսապես և սոցիալապես նշանակալի ճյուղերի բաղադրիչների և նյութերի վրա մաքսատուրքերի իջեցման կամ զրոյացման մասին», – ասել է Պուտինը:

ՌԴ նախագահն ընդգծել է տնտեսության այն ճյուղերին աջակցելու անհրաժեշտությունը, որոնք առավելագույնն են տուժել կորոնավիրուսից:

Հիշեցնենք՝ Եվրասիական տնտեսական միության երկրների ղեկավարների հանդիպումն անցկացվել է այսօր՝ տեսանկոնֆերանսի ձևաչափով:

 

Հետևեք մեզ նաև Telegram-ում