Oտարերկրյա քաղաքացիների համար Ռուսաստանում գտնվելու ժամկետը երկարաձգվել է
18/04/2020 13:25
Նմանատիպ
ԵՐԵՎԱՆ, 18 ԱՊՐԻԼԻ, Panorama.am: Ռուսաստանի Դաշնության նախագահ Վլադիմիր Պուտինը, կորոնավիրուսի համաճարակի ֆոնին, հրամանագիր է ստորագրել, համաձայն որի՝ Ռուսաստանում օտարերկրյա քաղաքացիների ժամանակավոր գտնվելու ժամկետը երկարացվել է մինչև հունիսի 15-ը։ Այդ մասին հայտնել է Կրեմլի ծառայությունը, գրում է «ՌԻԱ Նովոստի» գործակալությունը։
Որոշման մեջ ասված է. «2020 թվականի մարտի 15-ից հունիսի 15-ն ընկած ժամանակահատվածում Ռուսաստանի Դաշնությունում ժամանակավոր գտնվելու՝ օտարերկրյա քաղաքացիների և քաղաքացիություն չունեցող անձանց ժամանակավոր կամ մշտական բնակության ժամանակահատվածները, նաև նրանց գտնվելու վայրում կամ գրանցվելու վայրում, հաշվառման համար տրված ժամկետի հաշվարկը երկարացնել, եթե նշված ժամանակահատվածում այդ ժամկետներն ավարտվում են»։
Հետևեք մեզ նաև Telegram-ում