Չփորձենք քողարկել այն ռիսկերը, որոնք պարունակում են Սերգեյ Լավրովի և Զաքիր Հասանովի հայտարարությունները. Նաիրա Զոհրաբյան (տեսանյութ)
Նմանատիպ
ԵՐԵՎԱՆ, 5 ՄԱՅԻՍԻ, Tert.am: Կարողացե՛ք, տեղորոշել քաղաքացիներին: Այսօր Ազգային ժողովում հայտարարեց «Բարգավաճ Հայաստան» խմբակցության պատգամավոր Նաիրա Զոհրաբյանը՝ անդրադառնալով կառավարության կողմից կորոնավիրոսի տնտեսական հետևանքները չեզոքացնելու ծրագրերին:
«Կարգի բերեք ձեր համակարգերը, որպեսզի այն քաղաքացիները, որոնք այս կամ այն ծրագրի շահառու են, կարողանան ծրագրերից օգտվել»,– ասաց նա:
Մասնավորապես, ուսանողներին աջակցության ծրագրի վերաբերյալ նա ասաց, որ այնպիսի բարձր մոգ են սահմանել, որ նման մոգ ունեցողը, այսպես թե այնպես, օգտվում էր զեղչերից:
«Հիմա ուզում եմ հասկանալ՝ ֆորսմաժորային իրավիճակը ուղիղ կապ ունի՞ ուսման առաջադիմության հետ, այսինքն՝ ով առաջադիմություն չունի, նշանակում է ուսման վարձի զեղչման խնդիր չունի՞»,– ասաց նա և կոչ արեց, վերանայել այս համակարգը, քանի որ սա անարդար մոտեցում է:
«Ես կարծում եմ, որ Սերգեյ Լավրովի և Զաքիր Հասանովի վերջին հայտարարությունները շատ լուրջ քննարկման պետք է արժանանան, որոնց համար ակնկալում ենք հանգամանալից պատասխան»,– ասաց նա և նշեց, որ առաջիկա օրերին իրենց խմբակցություն կհյուրընկալեն ՀՀ արտաքին գործերի նախարարին և հարցեր կուղղեն:
«Եկեք կեղծ հայրենասիրությամբ, ոչ մի թիզ հող թշնամուն լոզունգներով չփորձենք քողարկել այն ռիսկերը, որոնք պարունակում են այդ հայտարարությունները»,-ասաց նա:
Հետևեք մեզ նաև Telegram-ում