Արգենտինայում բժշկական ինքնաթիռ է կործանվել
06/05/2020 10:17
Նմանատիպ
ԵՐԵՎԱՆ, 6 ՄԱՅԻՍԻ, Tert.am: Արգենտինայի Անդերի նախալեռներում գտնվող Էսքելի օդանավակայանում վայրէջք կատարելիս կործանվել է Learjet 35 բժշկական ինքնաթիռը, որում երկու բժիշկ և երկու օդաչու է եղել, հայտնում է «ՌԻԱ Նովոստի» գործակալությունը։
Տրանսպորտի անվտանգության խորհուրդը հաստատել է, որ Learjet 35 ինքնաթիռը վթարի է ենթարկվել Անտոնիո Պարոդիի միջազգային օդանավակայանում:
Լրատվամիջոցի տեղեկությունների համաձայն՝ զոհերի մասին հստակ տեղեկություններ դեռևս չկան։ Հայտնի է, որ օդանավում գտնվողները պետք է սրտի հիվանդություն ունեցող երեքամյա երեխայի տեղափոխեին։
Ենթադրվում է, որ վթարը տեղի է ունեցել մառախուղով պայմանավորված վատ տեսանելիության հետևանքով։ Դեպքի վայրում աշխատում են արտակարգ ծառայությունները։
Հետևեք մեզ նաև Telegram-ում