AM | RU
USD
EUR
RUB

Նիկոլ Փաշինյանի մասին դիտարկվել են բացասական հոդվածներ. «Մեդիա պաշտպան»

 

ԵՐԵՎԱՆ, 1 ՀՈՒՆԻՍԻ, Times.am2020թ. մայիսի 21-ից 31-ը «Մեդիա պաշտպան» նախաձեռնությունը հետևել է առցանց մամուլում վարչապետ Նիկոլ Փաշինյանի անձին ու գործունեությանն առնչվող հոդվածներին։ Մշտադիտարկվել է ներհայաստանյան 5 լրատվական կայք՝ 1in.am-ը, azatutyun.am-ը, armtimes.com-ը, aravot.am-ը և tert.am-ը։

Մշտադիտարկման արդյունքում ընտրված 5 կայքերում հայտարարագրվել է 414 հոդված։ Որոնցից 49-ը՝ բացասական, 12-ը՝ դրական, 353-ը՝ չեզոք են։

Վարչապետ Նիկոլ Փաշինյանի մասին դիտարկվել են բացասական հոդվածներ։ Բացասական հոդվածները հիմնականում կապված են Ռուսաստանում մաքսանենգ ծխախոտի տարբեր խմբաքանակներ հայտնաբերվելու և սև շուկայում զենքի վաճառքի հետ։

Վատիկանում Նախկին դեսպան Միքայել Մինասյանն անդրադառնալով այդ թեմային ասել, որ Նիկոլ Փաշինայնը կապ ունի այդ մաքսանենգ ծխախոտի հետ։

Նախկին պատգամավոր Սամվել Ֆարմանյանն անդրադառնալով զենքի վաճառքին ասել է․ «Ի՞նչ պետք է աներ Նիկոլ Փաշինյանը, եթե հնարավորություն ունենար «ապացուցելու», որ զենքի միջազգային սև շուկայում առևտրի բացահայտված այս սկանդալի ու արյունոտ կոռուպցիայի հետ ինքը առնչություն չունի և, որ ավելի կարևոր է` հասկանում է, թե այս խնդիրը որքան լուրջ է, ինչքան հեռու կարող է գնալ ու ինչ անցանկալի հետևանքների կարող է հանգեցնել կիսապատերազմական վիճակում գտնվող ու զինամթերքի արտաքին մատակարարումներից կախվածություն ունեցող մեր երկրի համար»: Ֆարմանյանը նաև հավելել է՝ նախ պիտի հանգամանորեն ու հրապարակայնորեն ներկայացներ այն հիմքերը, որոնց ուժով իր կառավարությունը որոշել է զենքի մատակարարման/առևտրով զբաղվելու լիցենզիա տրամադրել մի ընկերության, որը գրանցված է ոչ թե Հայաստանում, այլ օֆշորային գոտում և երկրորդ`պետք է քրեական գործ հարուցվեր և հանգամանալից քննության առնվեր գործը։

Armtimes.com-ում հրապարակվել է 130 հոդված, բացասական՝ 1, դրական՝ 4, չեզոք՝ 125։
Վարչապետի լրատվական ծառայությունը հայտնել էր, որ Վրաստանի վարչապետ Գիորգի Գախարիան շնորհավորական ուղերձ է հղել վարչապետ Նիկոլ Փաշինյանին՝ Հանրապետության օրվա առթիվ:

Անդրադառնալով երդմանը՝ Հարությունյանը հիշեց իր զոհված եղբորը. «Հաճախակի ենք երդում տալիս, հաճախակի ենք երդում տվել, ուզում եմ իմ մի երդման մասին խոսել, որը տվել եմ 1988 թվականի փետրվարի 13-ին զոհված եղբորս: Մեծ եղբայրս՝ Արմենը այստեղ է: Սամվելը ինձնից մեծ էր երեք տարով: Սկսվում է շարժումը եւ փետրվարի 13-ին դիմում է իր փոքր եղբորը՝ պատրա՞ստ ես զոհվելու հանուն հայրենիքի: Պատասխանում եմ՝ այո: Նա երդումը պահեց, իմ երդումը դեռ մնում է»,- հուզմունքը մի կերպ զսպելով ասաց Հարությունյանը՝ իր խոսքը եզրափակելով նախորդ տարի Ստեփանակերտի Վերածննդի հրապարակում ՀՀ վարչապետ Նիկոլ Փաշինյանի արած հայտարարությամբ՝ «Արցախը Հայաստան է եւ վերջ»:

Ապրիլի 3-ին Ռոբերտ Քոչարյանը դատական հայց էր ներկայացրել ըննդեմ Նիկոլ Փաշինյանի՝ հրապարակայնորեն արտահայտված զրպարտությունից պատիվը եւ արժանապատվությունը պաշտպանելու պահանջով: Հայցը մակագրվել էր Երեւան քաղաքի ընդհանուր իրավասության դատարանի դատավոր Տիգրան Գրիգորյանին։

Aravot.am-ում հրապարակվել է 111 հոդված, բացասական՝ 23 , դրական՝ 3, չեզոք՝ 85։

Լրատվականում տեղ են գտել Սամվել Ֆարմանյանի և Միքայել Մինասյանի դիտարկումները։

Անդրադառնալով զենքի թեմային՝ Արմեն Աշոտյանն ասել է․ «Զենքի ապօրինի վաճառքի մեջ մեղադրանքների սկանդալային տեսանյութից հետո իշխանական պրոպագանդիստները ափալ-թափալ փրփուրներ են փնտրում՝ Նիկոլ Փաշինյանին ուղղված բուն մեղադրանքները հերքելու փոխարեն»:

Ռեֆորմիստական կուսակցության նախագահ Վահան Բաբայանն էլ նկատել է, որ Հայաստանում կորոնավիրուսի այսօրվա լայն տարածումը Նիկոլ Փաշինյանի եւ նրա կառավարության մեղքով է. «Այսքան մարդ է մահացել: Կառավարության գործողությունները եղե՞լ են համաչափ, ճշգրիտ, մասնագիտորեն: Այս հարցերի պատասխանները ո՞վ է տալու»:

ԻՔՄ-ն հայտարարել է, որ «Իրազեկ քաղաքացիների միավորման» Ստեփանակերտի գրասենյակը դիմում է ներկայացնելու Արցախի ոստիկանություն՝ խնդրելով վարչական պատասխանատվության ենթարկել երեկ Արցախի Հանրապետության նախագահի երդմնակալությանը հաջորդած խնջույքի մասնակիցներին՝ ԱՀ պարետի թիվ 2 որոշման պահանջները խախտելու համար: Այդ թվում խնդրելու ենք տուգանել ԱՀ նախագահ Արայիկ Հարությունյանին, վարչապետ Նիկոլ Փաշինյանին, ԱԺ նախագահ Արարատ Միրզոյանին և այլոց:

Կայքում տեղ է գտել Վրաստանի վարչապետի ուղերձը Նիկոլ Փաինյանին։ Արցախի նորընտիր նախագահը՝ Փաշինյանին ուղղված խոսքում ասել է. «Նա մեր անվտանգության աստիճանի բարձրացման գործում մեծ աշխատանք է արել»:

1in.am-ում հրապարակվել է 88 հոդված, բացասական՝ 5, դրական՝ 5, չեզոք՝ 78։

Կայքում տեղ է գտել «Փաստ» օրաթերթի հոդվածը, ըստ որի`«Վերջին շրջանում ավելի ու ավելի հաճախ է խոսվում այն մասին, որ Նիկոլ Փաշինյանի վարկանիշի նվազման և հանրային վստահության աստիճանական անկման պայմաններում իշխանության բարձր էշելոններում ակտիվորեն քննարկվում է իշխանության «տրանզիտի» հարցը։ Հարցն առավել ակտուալ է դարձել Ռուսաստանի (ու ոչ միայն) հետ Հայաստանի իշխանության լարված հարաբերությունների ֆոնին, երբ արդեն սպառվում են արտաքին լեգիտիմության ռեսուրսները»։

Միքայել Մինասյանի դիտարկումները նույնպես տեղ են գտել լրատվականում։ Կայքում հրապարակվել է ԻՔՄ-ի՝ խնջույքի վերաբերյալ դիմումը։

Կայքը հրապարակել է նաև Վրաստանի վարչապետի շնորհավորական ուղերձն՝ ուղղված Նիկոլ Փաշինյանին։

Սերժ Թանկյանն, անդրադառնալով Նիկոլ Փաշինյանի գրած բառերի հիման վրա ստեղծված «Հայաստանը» երգին, ասել է․ «Երբ ես Հայաստանում էի հեղափոխության օրերին, խոսում էի Նիկոլի հետ հայկական երգերի մասին, որ այդ երգերի մեծ մասը շատ մելանխոլիկ ու տխուր են։ Օրինակ՝ դուդուկն իր էությամբ շատ տխուր է։ Եվ քանի որ հեղափոխությունը նոր խանդավառություն էր հայ ժողովրդի համար, մենք մտածեցինք, որ հիանալի գաղափար է ունենալ նոր երգ՝ ավելի դրական, հաղթական բառերով»։

Tert.am-ում հրապարակվել է 48 հոդված, բացասական՝ 17, դրական՝ 2, չեզոք՝ 29։

Կայքում տեղ են գտել Սամվել Ֆարմանյանի և Միքայել Մինասյանի դիտարկումները։

Հրապարակվել է նաև քաղաքագետ Աղասի Ենոքյանի ֆեյսբուքյան գրառումը, որտեղ քաղաքագետն, անդրադառնալով ՀՀ իշխանություններին, ասել է․ «Դիմակը դառնում է Նիկոլ Փաշինյանի իշխանության 4-րդ սիմվոլը՝ ձերբակալված Քոչարյանի, մաքսանենգ ծխախոտի եւ ՀԴՄ-ների կողքին։ Իհարկե, այս չորս սիմվոլն էլ երկրի զարգացման հետ որեւէ կապ չունեն, սակայն ինչպես ժամանակին ուռճացվում էր ՀԴՄ-ների դերը, այնպես էլ այժմ գերագնահատվում է դիմակների դերը, ընդհուպ՝ մինչեւ վարչապետի հայտարարություն, թե դիմակ կրելով մենք կարող ենք զրոյացնել վարակակիրների թիվը»։

Քաղաքագետ Հրանտ Մելիք-Շահնազարյանն էլ անդրադառնալով մաքսանենգ ծխախոտի թեմային ասել է․ «Ճի՞շտ եմ հասկանում, որ ի պատասխան Միքայել Մինասյանի՝ վարչապետին ուղղված ծխախոտի ու ադամանդի մաքսանենգ բիզնեսներ անելու մեղադրանքների՝ Նիկոլ Փաշինյանը որոշել է նոր քրեական գործեր հարուցել նախկին դեսպանի դեմ։ Այնպիսի բաներ, որոնք, ըստ վարչապետի երևակայության, պիտի կոծկեն մաքսանենգ ճանապարհով Ռուսաստան ուղարկված ադամանդների փայլը։ Ես չգիտեմ՝ ինչպես կոչել վարչապետի այս «ստրատեգիան»՝ մանկամտությո՞ւն, ստոր շահարկո՞ւմ... Ի՞նչ կոչել դա»։

Azatutyun.am-ում հրապարակվել է 42 հոդված, բացասական՝ 3, դրական՝ 0, չեզոք՝ 39։
Կայքում նշվում է, որ Արցախի նախագահի երդմնակալության արարողության մասնակիցների նկարը, որտեղ գտնվել է նաև Նիկոլ Փաշինյանը, արժանացել է քննադատությունների։

Լրատվականը նաև նշում է, որ ԱԱԾ նախկին տնօրեն Արթուր Վանեցյանը հաստատել է իր և Միքայել Մինասյանի հանդիպման փաստը։

 

Լրահոս
Տավուշ տեքստիլի և կոնյակի գործարանի հրետակոծությունը խիստ դատապարտելի է. Արման Թաթոյան Մեր զինված ուժերի ստորաբաժանումները խոցել են հակառակորդի թվով 13 ԱԹՍ-ներ. Արծրուն Հովհաննիսյան Արցախի նախագահը նոր նախարար է նշանակել Արծրուն Հովհաննիսյանի և Մարդու իրավունքների պաշտպան Արման Թաթոյանի ճեպազրույցը՝ Իջևանում․ ՈՒՂԻՂ Նման լոկալ միջադեպերի հավանականությունը բարձր է. Ս. Օհանյան Հայաստանը հանդիասնում է Արցախի անվտանգության երաշխավորը, պատերազմը տարբերակ չէ. Մնացականյան Ադրբեջանական ԶԼՄ-ները հայտնում են Հայաստանում որոնվող ՀՀ քաղաքացու` Ադրբեջանում հայտնվելու մասին Կոչ ենք անում Հայաստանին և Ադրբեջանին անհապաղ դադարեցնել փոխհրաձգությունն ու վերսկսել բանակցությունները․ Մայք Պոմպեո Այստեղ իրավական գործընթաց չէ և դրան մասնակցելն իմաստ չունի. Նարեկ Մալյանը հրաժարվել է ցուցմունք տալ. Տիգրան Աթանեսյան Թուրքիայի սադրիչ կեցվածքը լուրջ վնաս է հասցնում ղարաբաղյան հակամարտության խաղաղ կարգավորմանը․ ՀՀ ԱԳՆ Մեր պետության համար օրհասական այս պահին, իշխանությունները փորձ են անում շահագործել Ամուլսարը. Վահագն Վարագյան (ՏԵՍԱՆՅՈՒԹ) Մահացել է ՀՀ արվեստի վաստակավոր գործիչ Ժիրայր Ալթունյանը Սահմանամերձ Ներքին Կարմիրաղբյուր եւ Այգեպար գյուղերը՝ հրետակոծությունից հետո. ԼՈՒՍԱՆԿԱՐՆԵՐ Շուշան Ստեփանյանը մանրամասներ է հայտնում սահմանի վիճակից Մատվիենկոն Հայաստանին ու Ադրբեջանին կոչ է արել բանակցություններ սկսել Նիկոլ Փաշինյանը նոր որոշում է ստորագրել Դուք անհարմար չե՞ք զգում այս նախագիծը բերելու և այստեղ քննարկելու համար․ Անի Սամսոնյանը՝ Սուրեն Գրիգորյանին Բողոքի ակցիա՝ Երևանում Ուկրաինայի դեսպանության մոտ. ՏԵՍԱՆՅՈՒԹ Արցախում մտադիր են համաներում հայտարարել Թուրքիան և Ռուսաստանը պայմանավորվել են վերսկսել ավիափոխադրումները Շոգ օրեր են սպասվում առաջիկա օրերին Եթե հետաքրքիր է՝ ահա՛ մեր հին օրենքը պատերազմում թշնամուն մահ պատճառողների մասին. Ռուբեն Մելիքյան Հայ հաքերները հայտնում են, որ անհասանելի են դարձրել ադրբեջանական հիմնական հաքերային թիմի կայքը․ Մարտիրոսյան ԱԺ-ն նիստ է գումարել. ՈՒՂԻՂ Արմեն Սարգսյանի հրամանագրերով երեք զինծառայողի գեներալ-մայորի զինվորական կոչում է շնորհվել Հակառակորդի կողմից Չինարի բնակավայրի վրա արձակած կրակոցների դեպքի առթիվ հարուցվել է քրեական գործ Ցեղասպանության կուլմինացիա. Սուրբ Սոֆիայի տաճարի վերափոխումն աշխարհիկ Թուրքիայի ավարտն է. Washington Examiner Արցախում կորոնավիրուսի նոր դեպք չի գրանցվել Տարբեր աստիճանի վիրավորումներ ստացած տասը զինծառայող այժմ բուժում է ստանում. ՊՆ «Elbit Hermes 900» թանկարժեք ԱԹՍ-ն խոցվել է Հայաստանում արդիականացված «Оса» համակարգով. Արծրուն Հովհաննիսյան ԵԱՀԿ-ն մտահոգություն է հայտնել հայ-ադրբեջանական սահմանին տեղի ունեցող իրադարձությունների կապակցությամբ Երևանի Կապույտ մզկիթում պայթուցիկ սարքի ահազանգ է ստացվել. ՈՒՂԻՂ Արծրուն Հովհաննիսյանի ճեպազրույցը՝ հայ-ադրբեջանական սահմանում տիրող իրավիճակի մասին. ՈՒՂԻՂ Հայաստանում հաստատվել է կորոնավիրուսով վարակվելու 515 դեպք. մանրամասներ Գիշերը Բաքվում շատ թեժ է եղել. ամբոխը ոստիկանական ավտոմեքենա է շրջել և մտել Միլլի Մեջլիսի շենք (Տեսանյութ) Ռուսաստանում ցանկանում են օրենքով արգելել նույնասեռականների միջև ամուսնությունն ու նրանց կողմից երեխա որդեգրելը Հայ-ադրբեջանական սահմանին ժամը 23:15-ից մինչ այս պահը հարաբերական անդորր է. ՊՆ մամուլի խոսնակ «Հրապարակ». Իշխանական վրեժխնդրություն «Ժողովուրդ»․ Երբ և ինչ պատճառով կարող են քաղաքացուն անձնագիր չտալ. նոր փոփոխություններ «Փաստ». Զբոսաշրջության, զվարճությունների ու հանրային սննդի ոլորտները շարունակելու են վնասներ կրել
Խմբագրի ընտրություն
website by Sargssyan