AM | RU
USD
EUR
RUB

Լևոն Տեր-Պետրոսյան. պետականամետն ընդդեմ հակամարտող կողմի

 

ԵՐԵՎԱՆ, 6 ՀՈՒՆԻՍԻ, Times.amՉկա ավելի պատվաբեր կարգավիճակ, քան նախկին նախագահ լինելը: Այդ կարգավիճակը թույլ է տալիս ընթացիկ իրողություններին պատմական դիտանկյունից նայել և պետականության դիրքերից հասարակական համերաշխությանը նպաստող ծանր խոսք ասել: Լևոն Տեր-Պետրոսյանը, ունենալով այդ կարգավիճակը, ցավոք, դարձել է ներքաղաքական հակամարտության կողմ: Նրա հայտարարությունները ոչ թե կորացնում և մեղմացնում են առկա սուր անկյունները, այլ ավելի են սրում դրանք:

Հեղափոխությունից հետո ՀԱԿ նախագահը հանդես է եկել թվով ինը հայտարարություններով, որոնցից միայն մեկն էր, որ Փաշինյանի շահերին հարմարեցված չէր (Բակո Սահակյանին աջակցելու կոչը): Մնացած բոլոր դեպքերում նա կա՛մ քննադատել է ընդդիմությանը, կա՛մ այնպիսի առաջարկներ է արել, որոնք բխել են օրվա իշխանության շահերից: Վերհիշենք Տեր-Պետրոսյանի հետհեղափոխական հայտարարությունները և հասկանանք դրանց տրամաբանությունը:

1. 10.05.2018- Տեր-Պետրոսյանը Փաշինյանի վարչապետ ընտրվելուց երկու օր անց կոչ է անում հնարավորինս շուտ անցկացնել արտահերթ խորհրդարանական ընտրություններ (1),

2. 14.05.2018- Տեր-Պետրոսյան հակադարձում է Վիգեն Սարգսյանի հայտարարությանը՝ նրան համարելով անգետ, իսկ Փաշինյանին՝ միանգամայն ճիշտ (2),

3. 17.05.2018- Տեր-Պետրոսյանը կոչ է անում հեղափոխությունից ոգևորված մարդկանց դադարեցնել բողոքի ակցիաները (3),

4. 03.06.2018- Տեր-Պետրոսյանը կոչ է անում միայնակ չթողնել Բակո սահակյանին, քանի որ այն, ինչ ընդունելի է Հայաստանի, կործանարար կարող է լինել Արցախում (4),

5. 04.02.2019- Տեր-Պետրոսյանը երկու սովետական անեկդոտ է հիշում օրհներգը փոխելու շուրջ բանավեճի առիթով (5),

6. 16.02.2019- Տեր-Պետրոսյանը խնդրում է «Իլուրի» խմբագրությանը արտատպել 1in.am-ում հրապարակված «Քոչարյանը պետք է դուրս մղվի ներքաղաքական օրակարգից» հոդվածը (6),

7. 23.02.2019- Տեր-Պետրոսյանը հերքում է իր և Փաշինյանի ինտենսիվ շփումների մասին լուրերը (7),

8. 07.04.2020- Տեր-Պետրոսյանը հայտարարում է, որ պատերազմի մեջ գտնվող իշխանության նկատմամբ ընդդիմությունը թիկունքից հարվածում է: Առաջարկում է դադարեցնել հրապարակային քննադատությունը, իսկ որպես փոխադարձ քայլ՝ սառեցնել Ապրիլյանի հանձանժողովի գործողությունը (8):

Ինչպես տեսնում եք, կա որոշակի տրամաբանություն: Տեր-Պետրոսյանը ակտիվություն է դրսևորում այն ժամանակ, երբ Փաշինյանի իշխանությանը որոշակի վտանգ է սպառնում, և հավելյալ օգնության կարիք կա: Նման իրավիճակ առկա էր հետհեղափոխական ամիսներին, նման իրավիճակ առկա է համավարակային այս օրերին:

Այսօր էլ առաջին նախագահը հայտարարել է, որ այս պատերազմական իրավիճակում «ով պայքարում է իշխանության դեմ, կամա թե ակամա դավաճանում է ազգին»: Նա չի հիշատակել է, թե վերջին երկու ամիսներին քանի խնդրահարույց օրենք է ԱԺ հասել, որոնք ուղղակիորեն թիրախավորում են ընդդիմությանը (ապօրինի գույքի մասին օրենք, ՍԴ-ի կազմը ԱԺ-ով փոխելու նախաձեռնություն և այլն): Նա չի նշում, որ այս պատերազմական ընթացքը պատճառ չի դարձել, որ իշխանությունը դադարեցնի քրեական գործերի և կալանավորումների տարափը: Այսինքն, իշխանությունը չի մոռացել ներքաղաքական պայքարի մասին, սակայն ընդդիմության պայքարը որակվում է իբրև «դավաճանություն»:

«Ներքաղաքական զինադադարի» գաղափարը իհարկե գրավիչ է, սակայն ներքաղաքական պայքարի առկայությունը չի կարելի դավաճանություն որակել: Օրինակ, 1992-ի պատերազմական ամռանը ընդդիմությունը ամենօրյա ցույցեր ու հանրահավաքներ էր կազմակերպում Երևանի կենտրոնում, բայց դա դավաճանություն չէր: 2008թ-ին, երբ Սերժ Սարգսյանը փորձում էր Թուրքիայի հետ բանակցություններ վարել, Դաշնակցություն փողոցային պայքար էին վարում, սակայն դա դավաճանություն չէր: Այս օրերին, օրինակ, ԱՄՆ-ում կորոնավիրուսային ճգնաժամ է, սակայն ներքաղաքական պայքարը շարունակվում է ամենաօրյա ցույցերով: Ուստի միայն քաղաքականապես գերմոտիվացված պատմական գիտությունների դոկտորը կարող է նման որակումներ հնչեցնել:

«Ներքաղաքական զինադադարի» գաղափարը գրավիչ է, բայց այն պետք է նախաձեռնի ուժեղ կողմը՝ իշխանությունը, այլ ոչ թե ընդդիմությունը: Իսկ որպես միջնորդ պետք է հանդես գա հեղինակություն վայելով այնպիսի մարդ, ով հակամարտության կողմ չի հանդիսանում:

Դավիթ ՄԱԹԵՎՈՍՅԱՆ

Հղումներ՝

  1. Լևոն Տեր-Պետրոսյան. Անհրաժեշտ պարզաբանում, https://www.ilur.am/news/view/68068.html  
  2. Լևոն Տեր-Պետրոսյան. Փաշինյանն այս հարցում միանգամայն ճիշտ է, իսկ Վիգեն Սարգսյանը բացարձակ անգետ, https://www.ilur.am/news/view/68122.html
  3. Լևոն Տեր-Պետրոսյան. Պետականությանն սպառնացող վտանգավոր իրավիճակ https://www.ilur.am/news/view/68171.html
  4. Լևոն Տեր-Պետրոսյան. Լավատեսական ահազանգ, https://www.ilur.am/news/view/68504.html
  5. Լևոն Տեր-Պետրոսյանը՝ Հայաստանի օրհներգը փոխելու շուրջ ընթացող բանավեճի մասին, https://www.ilur.am/news/view/73316.html
  6. Լևոն Տեր-Պետրոսյան. Իլուրի խմբագրությանը, https://www.ilur.am/news/view/73570.html
  7. Լեւոն Տեր-Պետրոսյան. Իմ եւ Նիկոլ Փաշինյանի հարաբերությունների մասին, https://www.ilur.am/news/view/73725.html
  8. Լեւոն Տեր-Պետրոսյան. Պատերազմական վիճակի թելադրանքով, http://www.ilur.am/news/view/81307.html
Լրահոս
Եկեղեցիների համաշխարհային խորհրդի նամակն` ընդդեմ Այա Սոֆիան մզկիթի վերածելու Էրդողանի որոշման Առավոտյան հակառակորդը վերսկսել է հրետակոծել հայկական դիքերը. ՊՆ ՕՐՎԱ ԽՈՐՀՈՒՐԴԸ: Հուլիսի 13 Հայաստանը առաջատարն է տարածաշրջանում 1 մլն շնչի հաշվով կորոնավիրուսով վարակման և մահացության ցուցանիշով Հոնկոնգցի փորձագետը հայտնել է «Քովիդ-19»-ի՝ առավել վարակիչ շտամի առաջացման մասին Ադրբեջանական կողմը վերսկսել է հրետակոծել մեր նույն դիրքի ուղղությամբ ականանետից և տանկից. Շուշան Ստեփանյան Ինչո՞ւ պետք է Եվրոպական դատարանը մեզ վերաբերվի որպես ժողովրդավար երկիր. Միքայել Մինասյան ԱՄՆ-ում կորոնավիրուսով վարակման մեկօրյա ցուցանիշի ևս մեկ ռեկորդ է գրանցվել Հայաստանում աղետ է, և քանի դեռ Նիկոլ Փաշինյանն իշխանության ղեկին է, դա շարունակվելու է. Միքայել Մինասյան Հույս ունեմ, որ Հայ առաքելական եկեղեցու հոգևոր դասը կհասկանա, որ Նիկոլ Փաշինյանի հետ չի կարելի պայմանավորվել. Միքայել Մինասյան (ՏԵՍԱՆՅՈՒԹ) Ադրբեջանի ԶՈՒ-ն ունի կորուստներ. ՀՀ ՊՆ ՀՀ ԱԳՆ-ի արձագանքը հերթական խորը հիասթափությունն էր. Աշոտյան ՕՐՎԱ ԽՈՐՀՈՒՐԴԸ: Հուլիսի 12 «Հաղթանակ» կամրջի տարբեր հատվածներում 2 տղամարդ փորձում են ցած նետվել, նրանցից մեկին փրկել են, մյուսին փորձում են փրկել Գիտնականները նշել են, թե ինչպես է կորոնավիրուսն ազդում ողջ օրգանիզմի վրա «Երկնագույն հոսք» գազատարը մայիս ամսից չի աշխատում ԱԳՆ խոսնակ. Մեզ խորապես մտահոգել է Թուրքիայի իշխանությունների որոշումը Հացի արտադրությունը նվազել է Խոսել «մի՛ ստիր» պատվիրանի մասին և բացարձակ սուտ խոսել՝ անազնվություն է. Տեր Տիգրան քահանա Բադիրյանը՝ ԿԳՄՍ նախարարին Ֆրանսիան ցավում է Սոֆիայի տաճարը մզկիթի վերածելու Թուրքիայի որոշման համար «Հրապարակ». ԼՀԿ-ն իր կորցրած մանդատի հարցով գնալու է մինչև վերջ «Հրապարակ». ԿԳՄՍՆ-ում տեղափոխություններ են սպասվում. ով հրաժեշտ կտա պաշտոնին Պատգամավորի անձեռնմխելիության սահմանների վերաբերյալ.Գոհար Մելոյան ՕՐՎԱ ԽՈՐՀՈՒՐԴԸ: Հուլիսի 11 Երկրի պրոբլեմը Կառավարության շենքում է․ Ռոբերտ Քոչարյան Չգիտես ինչու Նիկոլը որոշել է, որ հենց ինքն է այն մարդը, որը պիտի սահմանի հայ ազգի արժեքները. Կարեն Վրթանեսյան Տուրիզմի ոլորտը փլուզումից փրկելու համար պետական աջակցություն է հարկավոր. Մեխակ Ապրեսյան Էրդողանը Սուրբ Սոֆիայի տաճարը մզկիթ դարձնելու մասին հրամանագիր է ստորագրել Գյումրու գիշերօթիկ հաստատության 10 երեխաների և 5 աշխատակիցների մոտ կորոնավիրուս է հաստատվել Թուրքական դատարանը հրապարակեց իր վճիռը․ Սուրբ Սոֆիայի տաճարն այլևս թանգարան չի լինի Արմեն Սարգսյանն Արցախում է, որտեղ հանդիպել է նախագահ Արայիկ Հարությունյանի հետ Արայիկ Հարությունյանը հեգնում է եկեղեցուն Հանրային հեռուստաընկերության եթերում. Մեդիա Պաշտպան Հայտնի են գլխավոր գործոնները, որոնք մեծացնում են կորոնավիրուսից մահվան ռիսկը Դպրոցի տնօրենը դատի է տվել ԿԳՄՍ նախարարին Հանրակրթության չափորոշիչների նախագծում կան խնդրահարույց և ռիսկային ձևակերպումներ. ՀՅԴ ՀԵՄ Մանվել Գրիգորյանի առողջությունն այլևս չի կարող լինել դրական Դոնի Ռոստով քաղաքից Հայաստան է վերադառնում 124 ՀՀ քաղաքացի ՀՀ տարածքում ջերմաստիճանը կնվազի Ծառուկյանից վախենալ պետք չէ, պետք է վախենալ առանց աշխատանք մնացած հազարավոր մարդկանցից․ ԲՀԿ առաջնորդի հայտարարությունը Ոստիկանները բերման ենթարկեցին Վահագն Չախալյանին, Սոնա Աղեկյանին և նրանց համակիրներին
Խմբագրի ընտրություն
website by Sargssyan