«Հրապարակ». ԵՊՀ-ում խառն են

«Հրապարակ». ԵՊՀ-ում խառն են

«ԵՊՀ-ում Հոգաբարձուների խորհրդի և ռեկտորի ընտրությունը դարձել է անվերջանալի սերիալ։ «Դասախոսական կազմից հոգաբարձուների խորհրդի անդամ ընտրված աշխարհագրության և երկրաբանության ֆակուլտետի փոխդեկան Սարգիս Քելյանի թեկնածությունն առաջադրել է դեկան Մարատ Գրիգորյանը, որը Քոչարյանի գործով դատավոր Դավիթ Գրիգորյանի հայրն է, գործընթացի գլխին էլ կանգնած է ԿԳՄՍ փոխնախարար Գրիշա Թամրազյանը։

Ասել է թե` իմանալով, որ իշխանությանը դեմ մարդուն են «բրթել» խորհրդի անդամ, իսկ այդ մեկ ձայնը ռեկտորի ընտրություններում վճռորոշ նշանակություն ունի, որևէ բան չի արել»,- ասաց ԿԳՄՍ նախարարության մեր աղբյուրը:

Դե, ռեկտորի ամենահավանական թեկնածուն ևս կարծես «սրսուռ» իշխանական չէ. Դումանյան Վահրամը կարկառուն ՀՀԿ-ական Դերենիկ Դումանյանի հորեղբորորդին է, ՀԱԿ-ի հին համակիր։ «Այդպես է, բայց իր դեպքում կա ավելի հետաքրքիր նյուանս. Վահրամը 2006-ին եղել է Նիկոլի «Այլընտրանք» ընտրական դաշինքի անդամ, հետո հեռացել է Նիկոլից։ Նիկոլը գտել է, որ նա իրեն դավաճանել է, հիմա Նիկոլին ուզում են համոզել, որ Դումանյանն ամենաանցողիկ թեկնածուն է, ամենաշատ ձայնն ունի»:

Նախ` քաղաքականության մեջ չկան հավերժ թշնամիներ ու բարեկամներ, և հետո` ո՞վ է «զեկուցում»։ «ԿԳՄՍ նախարարի խորհրդական Սամվել Կարաբեկյանը, որը Դումանյանի ընկերն է»: Մի խոսքով` ԵՊՀ-ում Արամ Սիմոնյանի հրաժարականից հետո խառն են ու ոչ մի կերպ հունի մեջ չեն ընկնում»,-գրում է թերթը:

Մանրամասները՝ թերթի այսօրվա համարում:

Հետևեք մեզ նաև Telegram-ում