Ամուլսարի պահապանների պահանջները կատարվել են

Ամուլսարի պահապանների պահանջները կատարվել են

ԵՐԵՎԱՆ, 30 ՀՈՒՆԻՍԻ, Panorama.am«Դեմ եմ Ամուլսարում հանքաարդյունաբերությանը» նախաձեռնության հեղինակ, Ջերմուկ քաղաքի բնակիչ Շիրակ Բունիաթյանը հայտնում է, որ իրենց բոլոր պահանջները կատարված են, մի պահնորդական ծառայությանը կփոխարինվի մեկ այլով՝ նույն պայմաններով։

«Զենքերը, շոուները չեն լինի։ Այս գիշեր կմնան տարածքում, վաղը կտեղափոխվեն հյուրանոց կամ այլ վայր, տեղում կմնան միայն հերթափոխներն ու վերջ»,- ֆեյսբուքյան ուղիղ եթերում ասաց նա։

Ավելի վաղ հայտնել էինք, որ Ամուլսարի մոտ հավաքվել են ոստիկաններ, Ամուլսարի պահապանները։ Panorama.am-ին Ջերմուկի բնակիչ Արմեն Խաչատրյանն ասել էր, որ «Լիդիանը» փոխել է անվտանգության ծառայությանը, հիմա մի կազմակերպությունից փոխանցում են մյուսին, ուզում են տարածք մտնեն, այնտեղ մնան, իրենք էլ դեմ են։ Ամուլսարի պահապանների պահանջն է՝ «զորքով ներսում չլինեն, «Լիդիանի» մեքենաներից էլ չլինեն, իրենց նպատակը գույքի պահպանությունն է, թող իրականցնեն»։

Ամուլսարի պահապաններից մեկը բացատրել է, թե ինչու են դեմ. «Այս ամբողջ տարածքում տեսախցիկներ են դրված, նկարահանվում է, նայում են Ամերիկայում, Անգլիայում։ Եթե այստեղ շարժ է լինում, օգտագործում են մեր դեմ, այդ շարժը ցույց տալիս են ներդրողներին, ակցիաներ առնողներին, որ տեսեք՝ մեզ մոտ ամեն ինչ լավ է, որոշ չափով կարգավորվել է, կարող եք ձեր ներդրումներն անել, ակցիաների արժեքը բարձանում է։ Այսօր հասել ենք զրոյի, նրան, որ որևէ մեկը ռիսկ չի անում գնել այդ արժետոմսերը»։

 

Հետևեք մեզ նաև Telegram-ում