AM | RU
USD
EUR
RUB

Հայաստանի ասորական համայնքը դատական հայցով Հայ առաքելական եկեղեցուց պահանջում է վերադարձնել Դիմիտրով համայնքի եկեղեցին (տեսանյութ)

 

ԵՐԵՎԱՆ, 6 ՀՈՒLԻՍԻ, Tert.am: Հայաստանի ասորական կազմակերպությունների «Խայադթա» ֆեդերացիան Արարատի մարզի Դիմիտրով գյուղի Սուրբ Աստվածածին եկեղեցին ասորական համայնքին վերադարձնելու պահանջով դիմել է դատարան։

Եկեղեցու շուրջ վիճաբանությունը սկսվել է դեռևս 2007 թվականին։ Խնդրի վերաբերյալ «Խայադթան» դիմել է Մայր Աթոռ Սուրբ Էջմիածին, ինչպես նաև վարչապետ Նիկոլ Փաշինյանին, առաջարկել են հանձնաժողով ստեղծել՝ ուսումնասիրելու համար պատմական փաստերը և որոշելու, թե ումն է եկեղեցին, սակայն բոլոր տեղերից մերժում են ստացել։

«Եկեղեցին, որը վիճարկվում է, 1868 թ-ին կառուցվել է ասորիների կողմից։ Պարզվում է, որ 2018 թ-ին ինչ-որ նվիրատվություն է եղել՝ մեր եկեղեցին Էջմիածնին։ Ստիպված էինք տալ դատարան, որ ապացուցենք՝ եկեղեցին ասորական է, ասորի ժողովրդի ժառանգությունն է, հետևաբար, դա պետք է վերադարձվի մեզ»,- ասաց Հայաստանի ասորական կազմակերպությունների «Խայադթա» ֆեդերացիայի նախագահ Իրինա Գասպարյանը։

Ասորական Դիմիտրով և հայկական Մասիս գյուղերում 1 կմ հեռավորությամբ 2 եկեղեցի է եղել, ասորական համայնքի պնդմամբ՝ հայկական եկեղեցին խոնարհվել է, իսկ ասորական եկեղեցին Հայ առաքելական եկեղեցին ներկայացնում է որպես հայկական։

«Հիմա իրենք այդ հայկական եկեղեցու փաստաթղթերը փորձում են ներկայացնել որպես մեր ասորական եկեղեցու փաստաթղթերը։ Երբ հարց բարձրացրի՝ ուր է ձեր Մարիամ Աստվածածին եկեղեցու փաստաթղթերը, ասում են՝ չկա։ Ինչպես կարող է հայկական եկեղեցու, այն խոնարհված եկեղեցի է, փաստաթղթերը բացակայեն։ Բացակայում են մեր եկեղեցու փաստաթղթերը, քանի որ այն ուղղափառ է և երբևէ չի գրանցվել ո՛չ Էջմիածնում, ո՛չ Ազգային արխիվում։ Սակայն իրենք դա ներկայացնում են որպես մեր եկեղեցու փաստաթուղթ»,- ասաց նա։

Իրինա Գասպարյանը նաև նշում է, որ 2007 թ-ից հետո եկեղեցու 7 ուղղափառ սրբապատկերներն անհետացել են։

«Մենք ունենք գյուղացի, որը հայ էր, դարձել է հայ առաքելական եկեղեցու հոգևորական, սակայն նա ինչ-որ մի հարցով նեղացել էր և ասաց՝ դե կտեսնեք ձեր հալը, և այդ ամենից սա սկսվեց՝ 2007-2008 թ-ից։ Նա սկսեց վրեժ լուծել ասորի ժողովրդից»,- նշեց Իրինա Գասպարյանը։

Խնդրի վերաբերյալ Հայ առաքելական եկեղեցու դիրքորոշումն իմանալու համար Tert.am-ը կապ հաստատեց Արարատյան Հայրապետական թեմի Ս. Սարգիս եկեղեցու խորհրդակատար Տեր Եսայի քահանա Արթենյանի հետ։

«Մենք այս թեմային վաղուց մանրամասն փաստերով անդրադարձել ենք։ Մեր դիրքորոշումը հստակ է, որ դա Հայ առաքելական եկեղեցուն պատկանող եկեղեցի է, դրա համար կան շատ հստակ փաստեր, արխիվային նյութեր։ Qahana.am-ում մանրամասն ամեն ինչ ներկայացված է»,- նշեց նա։

Այսօր՝ հուլիսի 7-ին նշանակված դատական նիստը հետաձգվեց, քանի որ պատասխանող կողմը՝ Հայ առաքելական եկեղեցին, պատշաճ ծանուցված չի եղել դատական նիստի անցկացման ժամանակի, վայրի մասին։ Հաջորդ դատական նիստը տեղի կունենա սեպտեմբերի 29-ին։

Մանրամասները՝ տեսանյութում։

Լրահոս
Բեյրութում տեղի ունեցած պայթյունի հետևանքով զոհված հայերի թիվը հասել է 13-ի Արցախի Ազգային ժողովը կգումարի արտահերթ նստաշրջան Չեմ պնդել, որ մեր բանակը ետ վերցնի հակառակորդի գրաված տարածքը՝ առավելությունը տալով մեր զինվորների կյանքին. Սերժ Սարգսյան (Տեսանյութ) «Գոյություն ունի արտաքին ուժերի միջամտության հավանականություն». Լիբանանի նախագահ (լուսանկարներ) Ամուլսարում բողոքի ակցիան վերսկսվել է. ՈՒՂԻՂ Պուտինը Լուկաշենկոյի հետ քննարկել է Մինսկում ՌԴ քաղաքացիների ձերբակալության հարցը Բեյրութում տեղի ունեցած պայթյունի հետևանքով զոհերի թիվը հասել է 154-ի Ոստիկանության տեսանյութը՝ հետախուզվող Լևոն Սարգսյանին ՌԴ-ից Հայաստան տեղափոխելու մասին Հատուկ քննչական ծառայությունը սանիկներից սահուն անցում կատարեց Հրայր Թովմասյանի նախկին վարորդներին. Փաստաբան «Նորք» ինֆեկցիոն կլինիկական հիվանդանոցի տնօրեն Մհեր Դավիդյանցն ազատման դիմում է ներկայացրել Նիկոլ Փաշինյանը Գեորգի Ավետիսյանին գործուղում է Արցախ Նիկոլ Փաշինյանը հետևում է Ամուլսարի շուրջ տեղի ունեցող զարգացումներին Մարդիկ ընկալում են, որ իշխանությունները լռելյայն աջակցում են «Լիդիան Արմենիայի» գործողություններին. Ռուբեն Մելիքյան «Խոսենք անկեղծ. Սերժ Սարգսյանը՝ Ապրիլյան պատերազմի մասին». ՄԱՍ 2 (ՏԵՍԱՆՅՈՒԹ) Լուկաշենկոն պնդել է, որ Պուտինը չի նախագահի մինչև 2036 թվականը, նա կհեռանա Աշնանը կորոնավիրուսի դեպքերի աճը չպետք է անվանել «երկրորդ ալիք». փորձագետ Իրավական համակարգի, իրավունքի ջախջախումն իշխանության կողմից պարբերական բնույթ է կրում. Արսեն Բաբայան (տեսանյութ) Արցախում արդեն երկու օր կորոնավիրուսով հիվանդացության նոր դեպքեր չեն գրանցվում «Դուխ» ասածը հերիքելու է ապաշնորհության ողջ մեղքը Արսեն Թորոսյանի վրա բարդելու ու նրան պաշտոնից ազատելու համար. Վանեցյան Վագոն-տնակների դիրքի փոփոխությունը ոչինչ չի նշանակում, շարունակելու ենք պայքարել. Շիրակ Բունիաթյան ՄԻՊ. Արտակարգ դրության պայմաններում հավաքների ազատության սահմանափակումը չի կարող լինել բացարձակ ՀՀ-ն 3 ինքնաթիռով հումանիտար օգնություն կուղարկի Լիբանանին Ամուլսարի շուրջ ծավալվող իրադարձությունների վերաբերյալ մասնագետների ասուլիսը. ՈՒՂԻՂ ԲՀԿ, ՀՅԴ և «Հայրենիք» կուսակցության ներկայացուցիչների մամուլի ասուլիսը. ՈՒՂԻՂ ՀՀ երրորդ նախագահ Սերժ Սարգսյանը սկսում է պատասխանել հանրությանը հետաքրքրող հարցերին. ՏԵՍԱՆՅՈՒԹ ՀՔԾ-ում խառնաշփոթ է. Ռոբերտ Նազարյանը հրաժարվում է Սերժ Սարգսյանի դեմ ցուցմունք տալ, իսկ նրան կալանավորելու հիմքեր չեն գտնում Հայաստանում հաստատվել է կորոնավիրուսով վարակվելու 166 դեպք Բեյրութում բախումների հետևանքով վիրավորներ կան Հրատապ ենք համարում ԱԻՆ փրկարարներ, բժիշկներ ու վիրաբույժներ Բեյրութ գործուղելը․ «Ազգային օրակարգ» «25-ամյա զինծառայությունից հետո զորացրվում եմ ՊԲ շարքերից». Սենոր Հասրաթյան Բեյրութում պայթյունի հետևանքով զոհերի թիվը հասել է 149-ի. ԶԼՄ «Ժողովուրդ». «Իմ քայլի» մի քանի պատգամավորներ օրենսդրական նախաձեռնությամբ հանդես կգան «Ժողովուրդ». Հայաստանում, նախորդ տարվա համեմատ, այս տարվա 6 ամիսներին ծնվածների թիվը պակասել է «Հրապարակ». ԱԱԾ տնօրենը որոշել է ամեն գնով իրականացնել վարչապետի հանձնարարականը «Հրապարակ». Կոռուպցիայի կանխարգելման հանձնաժողովը Հայկ Սարգսյանի եկամուտների կասկածելի աճն է ստուգում ՕՐՎԱ ԽՈՐՀՈՒՐԴԸ: Օգոստոսի 7 Ուկրաինայում հակահայ հայտարարության համար քրեական վարույթ է սկսվել ԱԳՆ-ի աշխատակցի նկատմամբ Նույնիսկ Նիկոլ Փաշինյանը խնդրի լրջությունը չի պատկերացնում․ Վահագն Վարագյան Լուկաշենկոն մեկնաբանել է Պուտինի հետ «լարված» հարաբերությունները Սպասվում է նոր պաշտոնանկություն
Խմբագրի ընտրություն
website by Sargssyan