AM | RU
USD
EUR
RUB

Նման լոկալ միջադեպերի հավանականությունը բարձր է. Ս. Օհանյան

 

ԵՐԵՎԱՆ, 15 ՀՈՒLԻՍԻ, Tert.am: Ակնհայտ է, որ սադրանքն իրականացրել են ադրբեջանցիները՝ իրենց Զինված ուժերի միջոցով․ ՀՀ Զինված ուժերը մեր սահմանի ներսում դիրքերի բարելավման խնդիրներ են իրականացրել, իսկ հարձակողական որոշակի գործողություններ փորձել են իրականացրել ադրբեջանիցները: Այս մասին Tert.am-ի հետ զրույցում ասաց ՀՀ պաշտպանության նախկին նախարար Սեյրան Օհանյանը՝ անդրադառնալով Ադրբեջանի ոտնձգություններին՝ Հայաստանի սահմանի նկատմամբ:

«Ակնհայտ է, որ ՀՀ Զինված ուժերը բանակային կորպուսի հրամանատարության և զորամասի հրամանատարի մակարդակով բարձր մակարդակով իրականացրել են իրենց առջև դրված խնդիրը»,- ասաց նա:

Սեյրան Օհանյանը կարծում է, որ սադրանքների հիմք կարող են հանդիսանալ բանակցային գործընթացում ադրբեջանցիների կողմի՝ որոշակի արագության վերաբերյալ ակնկալիքները, իրենք էլ հայտարարում են, որ բանակցային գործընթացում արդյունքներ իրենք չեն տեսնում: Ըստ նրա՝ Ադրբեջանի ներքաղաքական խնդիրները ևս կարող են դրա վրա ազդել, քանի որ Ադրբեջանը քաղաքական, տնտեսական բավականին լուրջ խնդիրներ ունի:

Անդրադառնալով Թուրքիայի կողմից Ադրբեջանին ցուցաբերված աջակցությանը, Սեյրան Օհանյանը նշեց, որ գուցե իրենք իրենց առաջ խնդիր են դրել ազդելու մեր քաղաքական խնդիրների, հանրության վրա: Նա կոչ արեց հետևել ՀՀ պաշտպանության նախարարության տեղեկատվությանը, քանի որ ամենաստույգը ՊՆ է հաղորդում։

Սեյրան Օհանյանն անդրադարձավ նաև նախորդ գիշերը սահմանային գոտում հարաբերական կայուն իրադրության վերաբերյալ ՊՆ-ի հայտարարությանը և նշեց․ «Դա կարող է լինել կա՛մ պայմանավորվածություն, կա՛մ էլ ընդհանուր առմամբ ադրբեջանցիները տեսել են, որ չեն կարողանում հասնել իրենց նպատակին, արդյունքում հանդարտվել են, բայց նրանցից ամեն ինչ էլ սպասելի է, այսինքն սադրանքները կարող են շարունակական լինել: Բայց չեմ կարծում, որ այս փոքր միջադեպը կարող է բերել լայնամասշտաբ մարտական գործողությունների՝ չնայած նրան, որ ՀՀ Զինված ուժերը և Արցախի պաշտպանության բանակը պատրաստ են իրենց առաջ դրած խնդիրը իրականացնել»,-ասաց նա:

Ըստ Օհանյանի՝ իշխանությունները պետք է ջանքեր ներդնեն քաղաքական ռեսուրսների ավելացման ուղղությամբ՝ այդ թվում միջազգային հանրության առումով և հիմնավորեն, պարտադրեն, որ այս սադրանքի համար Ադրբեջանի նկատմամբ քննադատություն հնչի և դա առաջին հերթին պետք է անի Հավաքական անվտանգության պայմանագրի կազմակերպությունը, որի անդամ ենք, պետք է անեն այն կառույցները, որոնք զբաղվում են հակամարտությամբ:

«Այսինքն բոլոր քաղաքական հնարավորությունները պետք է օգտագործենք, որ թույլ չտանք, որ այս հակամարտությունը վերածվի լայնամասշտաբ մարտական գործողությունների: Պաշտպանության նախարարությունը այս ընթացքում գործել է շատ հստակ, հրամանատարները գիտեն իրենց խնդիրը և պատրաստ են հետագա զարգացման»,- ասաց նա:

Ինչ վերաբերում է միջազգային կառույցների համարժեք արձագանքին, ապա Պաշտպանության նախկին նախարարը նկատեց, որ միջազգային կառույցները միշտ էլ նման դեպքերում դիմում են երկու կողմերին: «Դա արդյունք է նրա, որ հայ-ադրբեջանական այս խնդիրներում վերահսկողական մեխանիզմներ գոյություն չունեն, մենք բազմիցս անդրադարձել ենք դրան և Ադրբեջանը միշտ էլ մերժել է և հիմա էլ մերժում է»,- ասաց նա և նշեց, որ եթե վերահսկողությունը լինի, հայտնի կլինի, թե ով է սադրող կողմը, և այս դեպքում Ադրբեջանը կտուժի:

«Ադրբեջանի նկատմամբ ինչ պետք է, անհրաժեշտ է, արդեն ՀՀ ԶՈՒ-ն կիրառել են, մենք մեր տարածքում բարելավել ենք մեր դիրքերը, իրենք փորձել են սադրանք կազմակերպել և ստացել են արժանի հակահարված: Քանի որ ՀԱՊԿ-ում կան երկրներ, որոնք Ադրբեջանի հետ միջազգային բարձր մակարդակի հարաբերություններ ունեն, այնտեղ որոշումներ ընդունելը, հայտարարությունները անելն այնքան էլ հեշտ չէ՝ ընդհանուր կոնսեսուսի գալու առումով: Այդ պարագայում ՀՀ իշխանությունները պետք է պահանջատեր լինեն, օգտագործեն բոլոր մեխանիզմները: Ընդ որում, Հայաստանի Հանրապետությունը և Զինված ուժերը բավականին լուրջ աշխատանք են տարել ռազմական ուղղվածության, ռազմական կոմպոնենտի զարգացման համար և նաև քաղաքական ռեսուրսների ավելացման ուղղությամբ, ՀՀ իշխանությունները պարտավոր են աշխատել»,- ասաց նա:

Ինչ վերաբերում է Հայաստանի ուղղությամբ Ադրբեջանի ոտնձգություններին, Օհանյանը նշեց, որ Ադրբեջանը այս դեպքում կարող է երկու նպատակ ունենալ։

«Առաջինը՝ այն վերածելու հայ-ադրբեջանական պետական մակարդակի հակամարտության և երկրորդը՝ Ադրբեջանը և Թուրքիան իրենց ռազմավարական պլանների շրջանակներում կարողանան ազդել նաև Հայաստանի վրա, այստեղ կարող է հիմք հանդիսանալ, որ Թուրքիան ընդգրկվի արդեն որպես այս հակամարտության թաքնված կողմ»,-ասաց նա:

Ամփոփելով՝ Սեյրան Օհանյանը նշեց՝ մեր Զինված ուժերը ցույց տվեցին, որ անընդհատ զարգացող, կատարելագործվող կառույց են և նրա մարտունակությունը միշտ ավելանում է: «Սա ևս մեկ անգամ հայ հանրության մեջ բարձրացրեց Զինված ուժերի նկատմամբ վստահությունը, իսկ Ադրբեջանին ցույց տվեց, որ նրանք գործ ունեն մարտունակ, մրցունակ Զինված ուժերի հետ տարածաշրջանում և հենց այնպես չեն կարողանալու որևէ ռազմական խնդիր կատարել, դեռ ավելին՝ և՛ պաշտպանողական, և՛ կանխարգելիչ հնարավությունները տարեցտարի ավելանում են և մենք միշտ արժանի հարվածներ տալու ենք հակառակորդներին»,- ասաց նա և նշեց, որ հավանականությունը, որ նման լոկալ միջադեպեր կլինեն, դեռևս բարձր է:

Հիշեցնենք, որ հուլիսի 12-ին՝ ժամը 12:30-ի սահմաններում, Ադրբեջանի զինված ուժերի զինծառայողները, անհասկանալի պատճառով, ՈՒԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձ են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ՈՒԱԶ մակնիշի ավտոմեքենան, վերադարձել են իրենց դիրք:

Հուլիսի 12-ին՝ ժամը 13:45-ին, Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը՝ կիրառելով հրետանային կրակ, սակայն ճնշվել են հայկական կողմից և կորուստներ կրելով` հետ շպրտվել:

Ադրբեջանական կողմը հրետակոծությունը շարունակել է նաև հուլիսի 13-ին և 14-ին։ Ադրբեջանական կողմը, ըստ պաշտոնական հաղորդագրությունների, ունի 11, հայկական կողմը՝ 4 զոհ

Լրահոս
«Բելառուսը և Ադրբեջանը պետք է անհապաղ հեռացվեն Արևելյան գործընկերության ծրագրից»․ Սոցիալիստների և դեմոկրատների առաջադիմական դաշինք Կապիտան Ռուբեն Սանամյանը կարժանանա Ազգային հերոսի կոչման․Նիկոլ Փաշինյան Դիմակի կրում անձնական օգտագործման մեքենաներում այսուհետ պարտադիր չէ Ազգերի համագործակցության գլխավոր քարտուղարը հրավիրվել է «Մտքերի հայկական գագաթնաժողով»-ին Եվրախորհրդարանի երկրորդ ամենամեծ քաղաքական խումբն Ադրբեջանին ԱլԳ-ից դուրս մղելու կոչ է արել ԱԱԾ-ն յուրայիներով համալրելը նաև իշխանությունների վախի հետևանքն է. իրավաբան Սփյուռքի գործերի գլխավոր հանձնակատար Զարեհ Սինանյանի մամուլի ասուլիսը. Ուղիղ Ընտրական օրենսգրքի բարեփոխումների վերաբերյալ հանրային քննարկումներն. Ուղիղ Ավտոներկրողների ակցիան` Կառավարության դիմաց. Ուղիղ Ո՞րն է լինելու Հայաստանի հաջորդ քայլը Լիբանանի հարցում. Տիգրան Աբրահամյան Միջազգային հարթարկներում պոպուլիզմը վերածվում է ինֆանտիլիզմի. Արմեն Աշոտյան Հայ Դատը առաջնային ուշադրություն պիտի դարձնի նրան, որ ԱՄՆ-ն դադարեցնի Հայաստանում պարտվողականության քարոզը. Արթուր Դանիելյան ԱԺ-ում Մանե Թանդիլյանին կփոխարինի Ստեփան Ստեփանյանը Արցախում կորոնավիրուսի նոր դեպք չի գրանցվել ՀՀ էկոնոմիկայի նախարար Տիգրան Խաչատրյանի մամուլի ասուլիսը. Ուղիղ Հայաստանում հաստատվել է կորոնավիրուսով վարակվելու 276 դեպք Ի՞նչ են խոսել Պուտինն ու Ալիևը․ Հայաստանին մատակարարված ռազմամթերքի թեման միակը չի եղել «Ժողովուրդ». ՀՀ ՊՆ-ի և Արցախի ՊԲ-ի միջև կադրային տե­ղափոխությունները շարունակվում են Ռուսաստանում հարցման մասնակից բժիշկների մեծ մասն անվստահություն է հայտնել կորոնավիրուսի դեմ առաջին գրանցված պատվաստանյութի առնչությամբ ԱԺ աշխատակիցներին աշխատավարձի 125%-ի չափով պարգևավճար է հատկացվել, ընդհանուր՝ 304.000 դոլար Մանե Թանդիլյանը վայր է դնում պատգամավորական մանդատը. նա առողջական խնդիրներ ունի «Ժողովուրդ»․ Ծախսերն ավելացել են․ ի՞նչ աշխատանքներ են կատարվել պետական բյուջեով «Ամուլսարի վերաբերյալ Նիկոլ Փաշինյանի դիրքորոշումը մնում է նույնը». Արմեն Խաչատրյան Անկարայում պղծվել է Սուրբ Փրկիչ և Քառասուն մանուկ եկեղեցիներին պատկանող հայկական գերեզմանատունը, մարդկային ոսկորները ցրիվ են տրվել ՎԶԵԲ-ը դադարել է մաս կազմել Ամուլսարի ծրագրին ՀՀ-ում ԱՄՆ դեսպանատունն իր քաղաքացիներին կոչ է անում չօգտվել հայկական ավիաընկերություններից Կառավարության նիստում օճառն անպակաս էր Ռ. Քոչարյանի գրառումը հավանելու համար ոստիկանության ավագ լեյտենանտին ուղարկել են կադրերի ռեզերվ Ինչպես են Հայաստանում կոծկում կորոնավիրուսով վարակվածների իրական թիվը Ոստիկանությունը շարունակում է տուգանել քաղաքացիներին՝ ավտոմեքենայում դիմակ չդնելու համար Կորոնավիրուսի տնտեսական հետևանքների չեզոքացման Կառավարության 23-րդ ծրագիրն ուղղված է զբոսաշրջության ոլորտին Կառավարությունը չընդունեց Եկմալյան փողոցի բնակիչներին. ակցիան ավարտվեց (տեսանյութ) Վրաստանում մահացել է COVID19-ով վարակված 17 մարդ՝ 61 անգամ ավելի քիչ, քան Հայաստանում «Խորհուրդ չեմ տալիս ինձ ներքաշել քաղաքական դաշտ». Վլադիմիր Գասպարյան Հայաստանի ձախողված և Վրաստանի հաջողված պայքարը. նույն համաճարակի երկու տարբեր պատմություն ԱԺ-ն արտահերթ նիստ է գումարել` արտակարգ դրության երկարաձգման հարցով. ուղիղ «Մուտիլովշիկից» այլ բա՞ն էիք սպասում «Առավոտ». Կորոնավիրուսը նախնական ահազանգ է միայն «Ժողովուրդ». Հայկ Մհրյանը նոր պաշտո՞ն կստանա «Ժողովուրդ». Արայիկ Հարությունյանը որոշել է, որ բուհերի հոգաբարձուների խորհուրդներում այլևս չպետք է լինեն պատգամավորներ
Խմբագրի ընտրություն
website by Sargssyan