ՊՆ մամուլի խոսնակը ներկայացրել է վիրավոր զինծառայողների վիճակը այս պահի դրությամբ
22/07/2020 11:38
Նմանատիպ
ԵՐԵՎԱՆ, 22 ՀՈՒԼԻՍԻ, Tert.am: Մեկ ծայրահեղ ծանր վիճակում գտնվող զինծառայողի և վիրավորված տասը զինծառայողների վիճակն անփոփոխ է: Դուրս գրվողներ չեն եղել: Այս մասին այսօր Tert.am-ը տեղեկացավ ՀՀ պաշտպանության նախարարության մամուլի խոսնակ Շուշան Ստեփանյանից: Նա հավելեց, որ փոփոխություններ լինելու դեպքում այդ մասին կհայտարարեն:
Հիշեցնենք, որ ավելի վաղ Շուշան Ստեփանյանը հայտնել էր, որ Հայ-ադրբեջանական պետական սահմանագոտու հյուսիսարևելյան հատվածում ծավալված գործողությունների ընթացքում տարբեր աստիճանի վիրավորված տասը զինծառայող այժմ բուժում է ստանում, մեկ զինծառայող ծայրահեղ ծանր վիճակում է:
Նա նշել էր, որ հինգ զինծառայողների վիճակը միջին ծանրության է` դրական դինամիկայով, մյուսներն առաջիկա մեկ շաբաթվա ընթացքում կվերադառնան շարք:
Հետևեք մեզ նաև Telegram-ում