Լավրովը հանդիպել է հայ և ադրբեջանական համայնքի ներկայացուցիչների հետ

Լավրովը հանդիպել է հայ և ադրբեջանական համայնքի ներկայացուցիչների հետ

ԵՐԵՎԱՆ, 23 ՀՈՒԼԻՍԻ, Panorama.amՀուլիսի 23-ին Ռուսաստանի Դաշնության արտաքին գործերի նախարար Սերգեյ Լավրովը հանդիպումներ է ունեցել Ռուսաստանի հայկական և ադրբեջանական համայնքների ներկայացուցիչների՝ «Ռուսաստանի հայերի միության» նախագահ Ա. Աբրահամյանի և «Կիևսկայա Պլոշչադ» ՍՊԸ-ի ղեկավար Գ.Ս. Նիսանովի հետ:Այս մասին տեղեկացնում է ՌԴ ԱԳՆ պաշտոնական կայքը։

Քննարկվել է ադրբեջանական և հայկական համայնքների դերը՝ Ռուսաստանի Դաշնության տարածքում ազգամիջյան խաղաղության և ներդաշնակության պահպանման գործում՝ գործող օրենսդրությանը շրջանակում:

Ընդգծվել է համատեղ բացատրական և կրթական աշխատանքների կարևորությունը` ազգային հիմունքներով Ռուսաստանի քաղաքացիների իրավունքների ոտնահարման դեպքերը կանխելու և վերացնելու համար:

Կարևորվել է նաև Ադրբեջանի և Հայաստանի համայնքների կառուցողական աշխատանքների անհրաժեշտությունը` Բաքվի և Երևանի միջև հարաբերությունների նորմալացման գործում։

Հետևեք մեզ նաև Telegram-ում