Եվրախորհուրդն օգոստոսի 19-ին Բելառուսում տիրող իրավիճակի հարցով արտահերթ նիստ կանցկացնի
17/08/2020 15:53
Նմանատիպ
ԵՐԵՎԱՆ, 17 ՕԳՈՍՏՈՍԻ, Tert.am: Եվրոպական խորհուրդն օգոստոսի 19-ին Բելառուսում տիրող իրավիճակի հարցով արտահերթ նիստ կանցկացնի, այս մասին այսօր թվիթերյան իր օգտահաշվում հայտնել է կառույցի ղեկավար Շառլ Միշելը:
«Ես այս չորեքշաբթի ժամը 12։00-ին Եվրախորհրդի անդամների խորհրդակցություն կհրավիրեմ՝ Բելառուսում տիրող իրավիճակը քննարկելու համար»,- գրել է Միշելը։
Կառույցի ղեկավարը գրառման մեջ նշել է, որ Բելառուսի ժողովուրդն իր ապագան որոշելու և ազատորեն իր ղեկավարին ընտրելու իրավունք ունի։
«Ցուցարարների նկատմամբ բռնությունն անթույլատրելի է»,- ընդգծել է Շառլ Միշելը։
Նրա մամուլի քարտուղար Բարենդ Լեյցը, իր հերթին, թվիթերյան իր օգտահաշվում մանրամասնել է, որ խորհրդակցությունը տեսահամաժողովի ձևաչափով է անցկացվելու։
Հետևեք մեզ նաև Telegram-ում