Կողմերը պիտի վերադառնան բանակցությունների, հակամարտության խաղաղ կարգավորման այլընտրանք չկա. Կոպիրկին
Նմանատիպ
ԵՐԵՎԱՆ, 29 ՍԵՊՏԵՄԲԵՐԻ, Yerkir.am: Ռուսաստանի դիրքորոշումը հստակ է՝ ռազմական գործողությունները պիտի դադարեցվեն, լրագրողների հետ ճեպազրույցում ասաց ՀՀ-ում ՌԴ դեսպան Սերգեյ Կոպիրկինը՝ Հանրային խորհրդի նիստից առաջ.
«Կողմերը պիտի վերադառնան բանակցությունների, հակամարտության խաղաղ կարգավորման այլընտրանք չկա», – նշեց դեսպանը:
Կոպիրկինն ընդգծեց՝ ՌԴ խնդիրն է տարածարջանում էսկալացիա թույլ չտալ և որպես միջնորդ ստեղծել պայմաններ երկկողմանի ընդունելի ձևաչափով խնդրի լուծման համար:
«Դրան հասնելու համար ՌԴ-ն անում է ամեն ինչ, ՄԽ այլ համանախագայների հետ քննարկում է էսկալացիայի վերացման և կողմերին բանակցային սեղան բերելու հարցը: ՌԴ ակտիվ կապի մեջ է բոկոր կողմերի հետ՝ ինչպես ՀՀ, այնպես էլ ադրբեջանական և թուրքական», – նշեց դեսպանը:
Ճշտող հարցին, թե արդյոք անհրաժեշտության դեպքում Ռուսաստանը պատրաստ է գործարկել Հայաստանում տեղակայված ռազմաբազան՝ դեսպանն արձագանքեց.
«Ես կրկնում եմ՝ ՌԴ անում է իրենց կախված ամեն ինչ իրավիճակը խաղաղ կարգավորման դաշտ բերելու համար»:
Հետևեք մեզ նաև Telegram-ում