Ծանր և ծայրահեղ ծանր վիրավորները փոքր տոկոս են կազմում. Թորոսյան

ԵՐԵՎԱՆ, 6 ՀՈԿՏԵՄԲԵՐԻ, Aysor.am: Կարծում եմ՝ ադրբեջանցիները զերծ չեն մնա հիվանդանոցներին հարվածելուց, ասուլիսի ժամանակ ասաց ՀՀ առողջապահության նախարար Արսեն Թորոսյանը:

Նա նշեց, որ հնարավոր վտանգով պայմանավորված, միշտ կան պահեստային պլաններ՝ ծառայությունները կազմակերպելու համար:

«Վիրավորների մասին տեղեկատվության բացը լրացնելու խնդրի մասին գիտենք, բազմաթիվ զանգեր ենք ստանում՝ ով որտեղ է: Այդ հարցը վերջնականապես կկանոնակարգվի, թեժ գիծ կլինի, որով հնարավոր կլինի պարզել զինծառայողի գտնվելու վայրը, վիճակը: Քիչ դեպքեր են լինում, որ չճանաչված վիրավորներ են լինում, մեծ մասը միջին և թեթև ծանրության են», – ասաց նախարարը՝ ավելացնելով, որ ծանր և ծայրահեղ ծանր վիրավորները ավելի փոքր տոկոս են կազմում։