Էգեյան ծովում Թուրքիայի նկրտումներն անօրինական են. Հունաստանի ԱԳՆ
Նմանատիպ
ԵՐԵՎԱՆ, 18 ՀՈԿՏԵՄԲԵՐԻ, Tert.am: Հունաստանի արտաքին գործերի նախարարությունը հայտարարել է, որ նոր թուրքական օրենքով սահմանված «որոնողափրկարարական գոտին», որն ընդգրկում է Էգեյան ծովի կեսը, անօրինական է և ի վերջո կվտանգի մարդկանց կյանքը, գրում է Greek City Times-ը։
«Այդ գոտին, ինչպես նաև գոտին, որը որոշվել է 1988-ի օրենքով, անօրինական է, քանի որ այն ներառում է Հունաստանի ինքնիշխան շրջանները։ Ակնհայտ է, որ այս վերջին քայլը բացառապես քաղաքական դրդապատճառներով է պայմանավորված, Թուրքիան չի վարանում խառնշփոթ առաջացնել՝ վտանգելով մարդկային կյանքը», – ասված է նախարարության հայտարարության մեջ, որում նշվում է, որ Էգեյան ծովում և Միջերկրական ծովի արևելյան մասում թուրքական նկրտումներն անօրինական են։
Ավելի վաղ Թուրքիայի տրանսպորտի և ենթակառուցվածքի նախարար Ադիլ Կարաիսմայլօղլուն Twitter-ում գրել էր. «Մենք ընդլայնել ենք մեր «Կապույտ հայրենիքի» որոնման գոտին՝ դրանում ներառելով Միջերկրական ծովի արևելյան մասում գործող մեր պետական նավերի որոնողական աշխատանքների շրջանները»։
Հետևեք մեզ նաև Telegram-ում