WarGonzo–ի լրագրողը ներկայացրել է Մարտունիում տիրող իրավիճակը (տեսանյութ)
Նմանատիպ
ԵՐԵՎԱՆ, 31 ՀՈԿՏԵՄԲԵՐԻ, Tert.am: Ռուս զինթղթակից Սեմյոն Պեգովը WarGonzo նախագծի շրջանակներում ռեպորտաժ է պատրաստել Արցախի Մարտունի քաղաքից, որն ադրբեջանական ուժերը թիրախավորել են Դ-20 թնդանոթներով, «Գրադ» համազարկային կրակի ռեակտիվ կայաններով և ավիացիայով:
«Մարտունին գրեթե ողջ օրը գտնվում է Ադրբեջանի Զինված ուժերի զանգվածային հարձակման թիրախում: Քաղաքի որոշ փողոցներում պարզապես բնակելի հատված չես գտնի, առանձին թաղամասեր ոչնչացվել են»,- պատմում է լրագրողը՝ ներկայացնելով, թե ինչի է վերածվել քաղաքը մեկ ամիս տևած ռմբակոծություններից հետո:
Վերջինս նշում է, որ քաղաքի արվարձաններից լսվում է հրետանու ձայնը: Նրա խոսքով՝ Արցախի պաշտպանության բանակը ստիպված է պատասխանել հրադադարը խախտող հակառակորդի հարվածներին, որը նաև իսրայելական և այլ համազարկային կրակի ռեակտիվ կայաններ և «Սմերչ» է կիրառում:
Հետևեք մեզ նաև Telegram-ում